آند اولسون «تورک آی»ین قووشماسینا (1)

 

ایلولون 6 سیندا،شعبانین بیرینده،سپتامبرین 6 سیندا،شهریورین 15ده؛

«آی»،«جوپیتر»و«دان اولدوزو»ون گورکملی یاناشماسی نین تاماشاسین اونوتمایین

 

فرزاد صمدلی

 

نوجوم دونیاسیندا ان گورکملی اولایلاردان بیری«آی»و او بیری گزه گن(سیاره)لرین گوک دوشونده یاخینلاشماسیدیر.

بئله بیر سماوی حادیثه یه تورکجه «یاناشما»،عربجه«مقارنه»،اینگیلیسجه «conjoncion» و فارسجا «نزدیکی» دئییلیر.(2و3)

نوجوم عالیملرینین تانیتدیردیغینا گوره شمسی منظومه سینده (4)«یاناشما»او زامان اوز وئریر کی گزه گنلر و یا اولدوزلار بیضی شکیلینده اولان مدارلاردا دولاناراق؛اوزه ل وقتلرده  بیر بیر لرینه ان یاخین وضعیتده یئرله شیرلر.(باخ 1و2و3 شکیللرینه.)

 

 

 

شکیللر1و2:شمسی منظومه سینده سیاره لرین مداری و ترتیبی(5)

 

شکیل3 :23/04/1998- آی، جوپیتر و ونوسون یاناشماسی- آفریقا بولگه سینده رصد اولونوبدور.

 

شوبهه سیز بو قونودا ان سئویملی  و گورکملی یاناشما  «آی»،«جوپیتر» و«دان اولدوزو»ون بیرلیکده یاناشماسی دیر.

بوتون قوزئی یاریم کوره سینده(آسیادا کاشغردن -آوروپادا بالکانلارا دک) هرتورک و هر ماراقلی کیمسه قادیردیر بوگوزه ل یاناشمانی رصدائتسین .

آنجاق  ماراغلی آذربایجانلی سویداشلاریمیز تبریز مرکزیتی ایله  بو یاناشمانی ایلولون 6 سیندا،شعبانین بیرینده،سپتامبرین 6 سیندا،شهریورین 15ده؛ باتی (گون باتان)سمتینده گوره بیله جکدیرلر. شوبهه سیز  بویوک شهر لرین گویونده ایشیق کیرلی لیغینا (بله نیشینه) گوره هر کیمسه ایسته ییر بو یاناشمانی راحاتجاسینا و هابئله داها آرتیق لذت ایله گورسون یاخچی دیر شهردن قیراقا گئدیب و ایلیکتیریسیته چیراغلاریندان اوزاق بیر یئرده تورک - موسلمان و هابئله نوجوم دونیاسینین ان گوزه ل سماوی حادیثه سین آشاغیدا وئریلمیش پارلاییش جدولی اساسیندا نیظاره ائتسین.(باخ جدول 1).

 

            جدول 1:

             سیاره لرین یاناشما چاغیندا پارلاییشی

 

آد

پارلاییش(قدر)

آی

8- الی 10-

جوپیتر

1-

دان اولدوزو

4-

 

نظرده آلمالییق کی هر اوچ سیاره باتماق حالیندا دیرلار و زامان اونلارین گوروشونه چوخ آزدیر. او گون گونشین باتماسی تبریزده (فرض ائدرک عینالی داغیندا)ساعات 20:15 دقیقه ده اولورسا بو گوزه ل یاناشمانی آذاندان سونرا یاواش یاواش راحاتجاسینا گورمه یه ایمکان یاراناجاقدیر. دئمه لییک کی او گئجه «آی»ساعات 21:30 دقیقه ده باتا جاقدیر.بئله لیکله ساعات 20:15دن ساعات 21:30دک بو یاناشمانی تبریز وقتیله گورمک مومکون اولاجاقدیر.آنجاق آشاغیداکی جدوللرده وئریلمیش ایططیلاعاتا گوره نظره گلیر ان یاخچی زامان بو یاناشمانین سئیرینه ساعات 20:20 دان ساعات 21 دک دیر.(باخ جدول 2).

بونو دا آرتیرمالییق کی هر قدر آیین باتماسینا یاخینلاشساق یاناشمانی اوفوقه یاخینلاشاراق رصد ائده  بیله جه ییک.

 

جدول 2:

ایلول6/ Sep. 6/15 شهریور

ساعات 20:45 دقیقه ده بو اوچ سیاره نین نجومی موشخصاتی

 

Name

Moon

Jupiter

Venus

Age

Waxing crescent , 2.64days old

*

 

*

Object type

Moon

palanet

palanet

Risese

2005/09/05 at 21:45:44

2005/09/05 at 22:24:49

2005/09/05 at 22:47:30

Transit

2005/09/06 at 03:39:15

2005/09/06 at 04:06:05

2005/09/06 at 04:20:00

Sets

2005/09/06 at 09:30:26

2005/09/06 at 09:47:19

2005/09/06 at 09:52:18

Azimuth

254°37

252°4.100

247° 13.00

Altitude

-7°31

11°21.00

12°3.00

Ra(Jnow)

12h 56.800 m

13h 14.058 m

 13h 28.877 m

Dec(Jnow)

-7°12.00

-6°39.300

-9°45.266

Distance from abserver

395395 km

6.2423 au

1.1009 au

Radius

1737 km

71491 km

6051 km

Apparent magnitude

-9.85

-1.70

-4.03

*Starry Nıght Pro 4.5: The World Most Realistic Astronomy Software

 

 

آماتور شکیل چکینلر  قادیر دیرلر دیجیتال کامئرالار ایله بو سماوی حادیثه نین شکیلین چکسینلر.(باخ 4 و5 شکیللرینه).

        

 

شکیل 4:

( بو گوزل شکیل دیجیتال کامئرا ایله 1383(2004)نجی ایلده، ابان ایینین 19 دا(نوامبرآینین 10دا)، ساعات19.29 دقیقه ده؛« آی،ژوپیتر و ونوس» گزنکلرین یاناشماسیندان ایراندا چکیلیبدیر.)

 

شکیل 5:

Conjonction de la Lune, Vénus et Jupiter
23 Avril 1998 07:40 h UT. Rio de Janeiro (Brésil)

 

تبریزده اولان رصدچی لر ساعات 20:45 دقیقه ده«آی»،«جوپیتر»(موشتری)و«دان اولدوزو»نون دورومون آشاغیداکی شکیلده گوره بیله جکدیرلر.اونوتمایین کی «آی» قمری ایل اولچومونده ایلک گونونون هیلالی دیر .بئله لیکله بو بئلی اینجه و عیشوه لی هیلالی گویده بولماق چتین اولورسادا، اونو تاپیب تاماشا ائتمک  کسینلیکله داها آرتیق لذتلی دیر.(باخ6و7و8و9 شکیللرینه).

 

 

 

 

 

شکیللر6و7و8و9:

 ایلول6/ Sep. 6/15 شهریور

ساعات 20:45 دقیقه

«آی»،« جوپیتر» (موشتری)و «دان اولدوزو»(زوهره یا ونوس)ون  گوکده دورومو تبریزین عینالی داغیندان رصد ائدن      آدیندادیر. Spıcaسویداشلاریمیزا بئله گورونجکدیر.دان اولدوزونون آلتیندا گورونن اولدوز

 

 

تاریخده بئله یاناشمالاری اوزه للیکله آی و جوپیترین یاناشماسین چوخ  اونملی ساناراق او گون سولطانار« بویوک ایشلری گوره بیلریک و یا اونملی تصمیملری دوتا بیلریک» دییه  تخته چیخارمیشلار.خالق ایچینده ده بئله گونلرده توی و بایرام تورنلری قورولارمیش و بویوک شادلیقلار اولارمیش.

 

دکتر ابوالفضل مصفی، فرهنگ اصطلاحات نجومی،پژوهشگاه علوم انسانی و مطالعات فرهنگی،تهران،1381،ص 747

 

بو یاناشما شهریورین 16سیندادا گورونه جکدیر.آنجاق او زامان آی اولدوزلاری اوتوب هیلالین دالیندا قویاجاقدیر.(باخ10 شکلینه).

 

شکیل 10:

ایلول7/ Sep. 7/16 شهریور

یاناشمانین یئنی دورومو

 

شوبهه سیز آی و اولدوز تورک و ایسلام تاریخینده و اوسطوره لرینده ان اونملی نیشانلاردان تانینیر و ایندی ایسه 7 تورک اوزگور جومهورییتیندن بئشی(اوزبکیستان،تورکمنیستان،آذربایجان، تورکیه و تورک قیبریس)اوز بایراقلاریندا آی و اولدوزو میللی نیشان کیمی منیمسه ییبدیرلر و تاریخی توتملرینده بو هیلال ایله بیرلشدیربدیرلر.ایسلام دونیاسیندادا بوتونلوکده 13 جومهورییتین بایراقیندا وهابئله  57 اولکه دن عیبارت اولان ایسلامی کونفورانس اورقانینین آرمیندا عومومیتله آی و اولدوز و کسینلیکله آی هیلالی یئرلشیبدیر. بئله لیکله آی و اولدوز موسلمانلارین ان اونملی سیموبولوتک، معنوی ایلهام قایناغی کیمی سئچیلیبدیر و حتی ایسلام عالمینده چوخلو تاریخانا لارین(جامیلرین و مچید لرین) گونبذلری اوسته ایسلام نیشانی کیمی ان گوزه ل طرحلرده اوتوروبدور.(باخ11و12و13و14و15و16و17و18 شکیللرینه).

 

    

 

  

    

 

شکیللر11و12و13و14:آی ایله اولدوز، تورک- ایسلام  سیمبولوتک بوتون دونیادا قبول اولونوبدور.

 

                   

 

 

             

 

شکیللر15و16و17و18:

خیریستیانلارین علامتی خاچ اولورسادا موسلمان اولکه لرده آی ایله اولدوز( بیرلیکده یا یالنیز آی )ایسلام علامتی کیمین ایستیفاده اولونور.

 

بوتون رصده ماراغلی اولان وطنداشلار دان رجاء ائدیرم او گئجه یاناشمانی گورونجه بو ایکی جومله نی سویله سینلر:

 

Tanrıya şukur olsun men Türkem.

 

TanarıTürkü korusun.

آرتیق ایضاحات:

(1) بو عونوان آند اولوسون شعر یندن بیر میصراعدیر.

 

(2)ان اونملی یاناشمالار

2005دوغوم/1426آی/1384گونش ایلینده:

 

22نیسان/22 /Apr. 13 ربیع الاول/2 اردیبهشت: «آی» ایله «جوپیتر»ین یاناشماسی

27حازیران/27 /Jun. 20جمادی الاولی/6 تیر: «مرکوری»( عوطارود) ایله «دان اولدوزو»نون یاناشماسی

6ایلول // Sep. 61شعبان/  15 شهریور: «آی» «جوپیتر»ین یانیندان سویوشور و اونونلا یاناشیر(آیریلیق5/4)

9اوجاک/9 /Jan. 8 ذی الحجه/19دی:«آی» ایله «مارس»(مریخ)ین یاناشماسی

22 اوجاک/22 /2005. Jan. 21 ذی الحجه /2بهمن: «آی» ایله «سماک اعزل» اولدوزونون یاناشماسی

5شوبات/5 /Feb. 3 محرم1427/13بهمن: «ساتورن»(زوحل) ایله «آچیق بال پته یی سالخیمی» نین یاناشماسی( مقارنه ماه و خوشه باز کندوی عسل)

17 شوبات /17 / Feb. 18محرم /28بهمن: «مارس»(مریخ)ایله«اولکر»(پروین خوشه سی) اولدوزلارینین یاناشماسی

 

* ایستیخراج: زهرا خانیم مبینی، تهران اولدوزتانیما بیلملرمرکزینین اوزمانی

 

(3)ان اونملی یاناشمالار

آغوستوس- ایلول2005/آگوست- سپتامبر2005/رجب- شعبان 1426/ شهریور1384 آیلاریندا:

24 آغوستوس //Agu. 2418رجب/2 شهریور : 3:39 – «مرکوری»( عوطارود) دون، باتی یا ساری ان چوخ اوزانلانماسی(18 درجه)

26 آغوستوس //Agu. 2620  رجب/  4 شهریور : 5:24 – «آی»«اولکر»(پروین خوشه سی) اولدوزلارینین یانیندان سویوشور.(آیریلیق2/4)

1ایلول //Sep. 126 رجب/  10 شهریور : 5:10 –  «آی»ایله «آچیق بال پته یی سالخیمی» نین یاناشماسی( مقارنه ماه و خوشه باز کندوی عسل)((m44

                 (آیریلیق 8/3) هابئله «آی» «ساتورن»(زوحل) یانیندان سویوشور.( آیریلیق 5/5)

2ایلول // Sep. 127رجب/ 11شهریور : 6:20 – «آی» «مرکوری»( عوطارود) یانیندان سویوشور(جدایی 3/4)

3ایلول // Sep. 328رجب/  12 شهریور : 23:45 – یئنی آی

6ایلول // Sep. 61شعبان/  15 شهریور : 19:50- «آی» «جوپیتر»ین یانیندان سویوشور و اونونلا یاناشیر (آیریلیق5/4)