بازتاب سایت حکومتی به برگزاری اعتراضات گسترده در اورمیه اعتراف نمود

 

تعدادی از مردم خشمگين با حمله به دفتر نمايندگی روزنامه ايران در اروميه، آن را به آتش کشيدند. عده ای نيز با تهاجم به ساختمان قديمی صداوسيمای اين شهر، صدماتی به آن وارد کردند.

 

خبرنگار «بازتاب» گزارش داد، پس از ناآرامی‌‌های گسترده روز گذشته در تبريز ، امروز دامنه ناآرامی‌ها علیه درج یک کاریکاتور در روزنامه «ایران» به اروميه، مرکز استان آذربايجان غربی کشيده شد.

بعد از ظهر امروز شماری از مردم اروميه با سر دادن شعارهایی ضمن محکوم کردن توهين به هموطنان ترک زبان اقدام به راهپيمايی کردند.

به گفته يک منبع محلی جمعيت تجمع کنندگان به دو تا سه هزار تن می‌رسيد. همچنين تعدادی از مردم خشمگين با حمله به دفتر نمايندگی روزنامه ايران در اروميه، آن را به آتش کشيدند. عده ای نيز با تهاجم به ساختمان قديمی صداوسيمای اين شهر، صدماتی به آن وارد کردند.

این ناآرامی ها که از حدود ساعت 4 بعدازظهر آغاز شده بود، تا حوالی 9 شب ادامه یافت و با حضور نیروهای انتظامی و متفرق شدن مردم پایان یافت.

 

 

سایت شمس تبریز در اولین ساعات امروز فیلتر گردید

www.shamstabriz.com،چهارشنبه3/3/85 فیلتر گردید احتمال میرود مسئولین آن در یک روز قبل دستگیر شده باشند

 

اورمو، تورك – آذربايجان كيمليگينين مودافيعه سينده مدني اينقلاب نوماييشه قويدو
 
ياشار اورمولو
 
اولو تبريزين فارس شونيزمي نين آچيق اهانتينه قارشي بؤيوك قالخينماسي آردينجا اورمونون غئيرتلي و آييق ميلتي خورداد آيي نين 2-ده اؤز ميلي – مدني اعتيراضلاريني نوماييشه قويدولار. اؤتن گونلرده اورمو شهرينين ايجرايي، امنيتي، انتظامي ونيظامي مسوللاري نين بوتون هده – قورخولارينا رغماً ياييملانان بيلديريشلرده وئريلن قرارلار اساسيندا اينسانلار زامانيندا خياوانلارا تؤكولدولر. شهرين مركزينده بوتون اصلي و فرعي خياوانلار حربي قووه لرين موحاصيره سينده اولسا دا ميلي اينانجلي يوزلرله اينسان اينانيلماز شكيلده توپلاشيرديلار. اينقيلابلار بئشيگي اولان تبريزين ايلگينج خبرلري ديلدن – ديله گزيردي. هامي سئوينير هردن ده بعضي دقيقلشديريلمه ميش تشويشلي خبرلرين ياييلماسي چوخلاريني دوشوندوروردو... آما بوگون اورمو تورك – آذربايجان كيمليگي نين مودافيعه سينده داها ايصرارلي و ايراده لي گؤرونوردو. تبريز يالنيز قالمامالييدي! بير چوخلارينين گؤزو اؤزل اولاراق اورمودايدي!
 
ساعات 17:30 – دان باشلاييب 22:00 – ه قدر سورن اورمو قالخينماسي گرچكدن آلقيش و ديقته لاييق ايدي. خياوانلارين باغلي اولدوغونا گؤره نئچه يئرده توپلاشماق و اعتيراض كئچيرمك قاچيلماز ايدي. جمعيتين چوخونلوقلا قاتيلماسي بو ايشي راحاتلاشديردي. بير زاماندا اينسانلار ايران گونده ليگينين آفيسي، ايالت مئيداني، عطايي خياواني و ... يئرلرده توپلاشيب و ميلي مؤحتوالي اعتيراضلار نوماييشه قويدولار. ايران گونده ليگينين آفيسي تام تخريب ائديليب و سونرا ايسه اودا چكيلدي. يانغيني سؤندورن ماشينلار ياخينلاشماقدايدي. مينلرجه اعتيراض ايشتيراكچيسي تام بير مدني داورانيشدا يولو آچيب ، يانغين سؤندورن ماشينلارينا آچديلار. اود، آفيسين اطراف بينالارينا سرايت ائتمه مه لييدي و باشقا بينالار هئچ بير خسارت آلمامالييديلار. بؤيله سينه اولدو و آفيس بيناسيندان باشقا هئچ بير بينايا خسارت يئتيشمه دي. اؤزل حربي قووه لر ايره لي سورولدوكده اعتيراض ايشتيراكچيلاري بير آدديم دا بئله گئري چكيلمه ديلر. يوزلرله گنج حربي دسته نين ايچينه گيريب اونلارين اوزوندن اؤپه رك باغريلارينا باسديلار. بو آندا همن يئره ايكينجي حربي دسته يئرلشديريلدي...
عطايي خياوانيندا مينلرجه اينسان آذربايجان ميلي شوعارلاريني باغيريرديلار. بير نئچه سي بانك لارا يوروش ائتمك ايسته سه ده اؤنجول ميلي فعاللارين تدبيري و آنسيز گؤستريشي نتيجه سينده بو گركسيز ايشين قارشيسي آلينميشدير.
 
ايالت مئيدانيندا جمعيتين ايشتيراكي داها بؤيوك ايدي. اطراف خياوانلاردا مينلرجه حربي قووه يئرلشديريلميشدي. بلديه بيناسينين بالكونوندا شهرين نئچه ايجرايي مسولو توپلاشان جمعيته دانيشماق ايسته ييردي. بونلاردان بيريسي اورمونون فرمانداري ايدي. او ايشتيراكچيلاري نه قدر ساكينلشديرمك ايسته سه ده باجارانمادي. ميلتين شوعارلار سسله مه سي اونون سؤزلريني كسيب ياريمچيق قويدو!! ايشتيراكچيلار ميلي شوعارلار باغيرا – باغيرا شهر چايي خياوانينا ساري يولا دوشدولر. اونلارجا ايگيد قيز و خانيمين اؤز قارداشلارييلا چييين – چييينه ايره لي يورومه سي بوتون حربي و امنيتي قووه لري حئيرته دالديرميشدي. چوخلاري بارماقلاريندا بوزقورد توتموشلار... اورادا سسله نن ميلي شوعارلارين نئچه سي ايلك كره اولاراق ائشيدلنيردي: آذربايجان بيزيمدي -  افغانيستان سيزيندي! بيز اؤلمه يه حاضيريق – بابكين سربازيييق! قالخ آياغا وطنداش – تبريزده اؤلدو قارداش!  دانشكده دؤرديول آيريجيندا يوروشچولر دانشكده خياوانيندا يئرلشن توركيه كونسوللوغونا ساري يولا دوشدولر و بو آندا بير باشقا اعتيراض نوماييشي راديو – تلويزيون بيناسي اؤنونده گرچكلشمكده ايدي. فارس شوونيزمي آذربايجان تورك كيمليگينه قارشي مدني و كولتورل يوروش ائتميشسه، طبيعي و قارشيليقلي اولاراق اونون يالانچي كولتورل و ساختا مدني يووالاري اعتيراضلارا معروض قالمالييدي و اورمودا تام بئله اولدو. حياسيز ايران گونده ليگينين آفيسي و فارس شوونيزمي نين غئيري اينساني سياستلرينين قوللوقچوسو راديو و تلويزيون مركزي!  راديو – تلويزيون مركزي اطرافيندا بوللو حربي و اينتيظامي قوروقچولار اولسا دا آذربايجانين قورخماز، سارسيلماز و قهرمان ائولادي اونا دؤرد ياندان سالديرميشلار. اؤزل حربي قووه لري نين چوخالماسي ايله آذربايجانين مدني يوروشچولري آغير تهاجوملره معروض قالميشلار. بورادا اونلاردان بير چوخو توتوقلانميشدير.
اينديسه بو ميلي – مدني قالخينمانين يارانيب حياتا كئچمه سيندن نئچه ساعات كئچير. ميلي دوشونجه لي اينسانلار بو بؤيوك اوغور و شانلي حيماسه موناسيبتي ايله بير – بيرلريني تبريك ائديرلر. آلينان معلوماتا گؤره باشقا آذربايجان شهرلريندن ميلي فعاللار تلفون و باشقا ايله تيشيم آراجلاري واسيطه سييله اورمولولاري تحسين ائدير، اونلارا تبريك ساولاري گؤندريرلر. بوتون بونلارلا ياناشي طبيعي كي، حربي و امنيتي مسؤوللارين تهرانداكي اربابلارينا گؤندرديكلري راپورلار اونلاري تشويشه سالير و حئيرتلنديرير.
خوي و تبريزين اعتيراضلي ائيلم لريندن سونرا قورخو و تشويشلرين ايچينده اورمونون دموكراتيكجه سينه آياغا قالخيب و مدني اينقلاب ياپمالاري آذربايجانين موختليف بؤلگه لرينين واحيد و بير – بيريندن آيريلماز اولدوغونو دا گؤستردي. آرتيق بوگون اونلار تورك – آذربايجان كيمليگي كئشيگينده واحيد جبهه ده ديرلر. موباريزه و دؤيوش مئيدانلاري گئنيشلنديكجه بو بيرليك داها گوجلنير.