حجة الاسلام عظیمی نین توتقولانماسی و بیزیم سکوتوموز.

                                                                                  حسن ارک

بو ایل مشروطه بایرام تورنینده حجة الاسلام عظیمی قدیمی نین ایشتراکی آذربایجان میلی حرکتینه دینی و مذهبی اعتبار و مشروعیت باغیشلادی. گوردویوموز کیمی باقیر خان مزاری اوزرینده آذربایجانین باشی اوجا و جسارتلی روحانی اوغلو باشقا چالیشانلار و ضیالی لارلا بیرینجی سیرا دا قرار تاپیب و آ ذربایجانچیلاری مراسیمده ایشتراک ائتمک اوچون توپلاماقدان هئچ چکینمدی.

عظیمی حضرتلرینین بو ایشی آذربایجانچی لار اوچون نئچه یؤندن اونملی دیر:

1-    دوموکرات لیق آذربایجانچیلارین بیر دانیلماز اوزلیگی دیر. چونکو بیر روحانی نی بیر توپلانتی نین باشچی لاریندان ائتمک دوموکراتچی لیقی ساده جه سوزده یوخ بلکه ده عمل ده گوستردی.

2-    آقای عظیمی نین، آذربایجانچیلار ایچریسینده روحانی گئییمی ایله ایشتراکی دین سیزلیک و آتائیست دامغالارینی آذربایجانچی لاردان سلب ائتدی. آمما تاسف لر اولسون که پهلوی ده قالمش شوونیستی فیکیرلری داشایان لار بئله بیر عظمتلی یغینجاغدا عظیمی و اونون یولداشلارایلا قارشی دایانیب و آذربایجان میلی حرکتین غیرتلی روحانی اوغلونو توتقولاییب و دوستاقدادیلار.

عیناد چی لارین بو ایشی نئچه باخمدان اونملی دیر:

1-   حاج آقا عظیمی نین دوستاقلاماسی بونو گوستریرکی شوونیست لر آذربایجان میلی حرکتینن دین سیز اولماسی یوخ، بلکه دینی اولماسی قورخودور. نییه کی اگر آذربایجان میلی حرکتین دین سیز فرض ائتمیش اولاق شوونیست لر دوشونور کی روحانی لرین میلی حرکته قارشماسی میلی حرکتی گوجلندیریر و دینی لشدیریر و شونیست لر آذربایجان میلی حرکتین دین سیزلیگینده یوخ بلکه دینی لشمسیندن قوخورلار.

2-   حاج آقا عظیمی نی دوستاقلاماق و اونو آذربایجان میلی حرکتیندن آییرماق بیر دینی حوکومت فرمانلاریلا عمله گئچیر و بو گوستریرکی آذربایجان میلی حرکتی ایله موباریزه ده روحانی لرده رحم ائتمک یوخدور. بئله بیرآکیونلار قارشیسیندا آذربایجانلی روحانی لر آرتیق دوشونمه لیدیرلر. نه اولور کی بیر روحانی اوزدوغال حاقلارینی دوشونوب حمایه اوچون چالیشاندا بیر آندا دوشمانا چئویریلیر، آیا اسلام دینینده تورکه قارشیلیق وارمی؟

3-   بیزیم عنعنه لریمزه گوره بیر شهید مزاری اوسته مذهبی دانیشیق ثواب و مستحب ایشدیر آمما شوونیست لرین یارادیغی حساسیت لره گوره و بو کیچیک چالیشقانین حساسیتی دوشونوب و حاج آغادان سکوت تمناسی اوچون حاج آقا عظیمی مذهبی دانیشیقلاریندان واز کئچدی.

شوونسیت لر بو مراسیمده توتقولانلارین هامیسنی بوراخیب تکجه حجة الاسلام عظیمی نی دوستاقدا ساخلاییب لار و بونو گوستریر کی میلی حرکتین قارشیسیندا دایانان قوه لر مدنی- مذهبی چالیشانلاردان چکینیب آمما افراطی چالیشانلاری حمایه ائدیر و اونلاری سادجه بیر سورغو- جاواب دان سونرا بوراخیر.

    4-حجة الاسلام عظیمی بو گونو میلی حرکته و صادیق فعال لارا ایچریسینده اوزونو یاخشی یر قازانیب و او اوچون باسقی چی لار اونو شخصیتین ترور ائتمک ایستیرلر و چرکین تبلیغ لر، عاغیلی دوشمان و نادان دوست طرفیندن یایینلانیر. بیز لرده دیر کی بو توطئه دن اورتوک گوتوروب و اونون بوراخیلماسینا دک چالیشاق.

دوشمان ایستر بیزی بیربیریمیزیله قارشی قویوب اوز آماجینا ال تاپسین. بو گونو ایختلاف لاری قیراغا قویوب بیر لشمه میز لازیم دیر.

    5-بویله سینه من اوز نیفرتیمی عظیمی حضرتلرینین دوستاقلانماسیندان بیلدیریب، اونون آزاد اولماسینی ایسلام جمهوریتینین باشچی لاریندان ایستیرم. آرتیر مالییام کی آذربایجان مساله لرین حل ائتمه سی اوچون دوستلوق و مثبت باخیش لار ایسلام جمهوریتینین دوولت مردلریندن لازیم دیر.