بو گون خوي ميللتي پان فارسين و شوونيستلرين اهانتلرينه قارشي عصيان ائلهدي. قاباقجادان بللي اؤلونموش واقت دا(30/2/1385 شمسي، 20/5/2006ميلادي—ساعات 7 آخشام اوستو) ميللت نيظامي قووهلرين هدلهمهيينه باخماياراق سالماس خياوانيندا ماقوره قاباغيندا ييغيشيب و اؤز پروتستلرين گئچيدمهيه باشلاديلار. امنيتي قووهلر آتش سوندوروجه ماشينلارين نئچه يئرده يئرلشديريب و يگان ويژه اطراف خياوانلاري باغلاييب و شخصي پالتارلي امنيتي قووهلري بوللوقجا ميللتين آراسيندا گؤرونوردولر. بو ميتينگين قورولماماغينين قاباغين آلماقدان اؤترو ميتينگيدن ايكي ساعات اؤنجه ابراهيم جعفرزاده جنابلاري امنيتي قووهلر طرفيندن ياخالانير بلكه ميللتده قورخو يارادالار. امما بو ميللت اؤزونه توهين اؤلماغا گؤره عوصيان ائلهيير. بير عمور توهين ائشيتميش خالق داها ايستمير بو خالقا توهين ائشيده. ائله قاباقجادان دئييلميش واقتدا ميتينگ باشلانيلير.

بو شكيل 20 دقيقيه باشلانماميشدان اؤنجه سالينيب.

قالابالقليق آرتير و ميللت حركته گلير. صفين بير باشي امير كؤچهسينين آغزيندا و بير باشيدا ماقورهنين قاپيسيندا.

بو شوارلار دينلنيلير. هاراي هاراي من توركم، منيم ديليم اؤلن دئييل باشقا ديله چؤنن دئييل، روزنامة فاشيستي گرك باغلانا، اؤلوم اولسون فاشيسته، اؤلوم اؤلسون پان فارسا، تورك ميللتينين توهينينه سؤن قويولماليدير، اولسا قيزيلدان قفسيم آزادليقا واردير هوسيم، يا آزادليق يا اؤلوم

شوعارلار وئريله وئريله ميللت خويون اورتا ميدانينا(مركز) ساري يوللانيرلار. مركز بئش قدم قالميش امنييتي قوهلر بو شوعارلار دؤزمهييب ميللته يورويورلر، ميللت ايسه ديرهنير و بو شوعارلاري:

اؤلوم اولسون ساتقينا، داش باشيوا بهغيرت تورك توركو فارسا ساتماز.

ميدانين فرماندهي سرهنگ غيبي دير، سرهنگ ايستيير اؤزونو فارس اربابلارينا شيرين سالا، اؤز ميللتينه يوگورمهيين فرمانين وئرير. آتش سوندوروجو ماشينلار بير آندا ايستي سو ميللته سپيرلر و امنييتي قوهلر ميللتي وورماغا باشلاييرلار. يئنهده ميللت اؤز حاققيني قوروماق اؤچون دولت طرفيندن تاپدالانير. 10 نفره ياخين توتولوللار، توتولانلارين ايچينده تكجه اؤچو تانيلير. علي قديمخاني( علي قديمخاني آغيز،بورنوتيليت قان ايچينده، بوتون گؤرونتوسو قانلي دير) سعيد پورجعفر علي (آغيرجاسينا دويولوب) محبوب عامري اودا تاپدالانيب و نئچه آيري آذربايجانين ميللي قهرمانلاري.

عشق اولسون آذربايجان، عشق اولسون آذربايجانين گنجلرينه، عشق اولسون ايگيد اوغوللارا

بيز دويوروق كي آذربايجان ميللتي بير گؤن اهانتلردن قورتولا بيلر اودا اؤزگورلوك گونونده