پان ایرانیست و تمامیتچی عوامفریبلرین دئموکرات مئابلیقلاری

بیلیندیگی کیمی دئموکرات اولما مسئله سی داورانیش و فیکیر یئتریمه باخیمیندان ایکی اوزلوگو اؤزونده داشییا بیلمز. بو دئیه جگیمیز سؤزون نه اولدوغونو ایفاده ائتمک اوچون دئموکراسی پرینسیبلری نین نه اولدوغونو باشا دوشمه میز لازیم گؤرونور. دئموکراسی یا دئموکراتی (یونانجا δημοκρατία، δήμος،    démos- خالق و  κρατία، kratía – قودرت، حاکیمیت، گوج) آنتیک یوناندا دوغرو و دوزگون خالق حاکیمیتی دئمک ایمیش (بوگون دوزگون دئموکراسی، رادیکال دئموکراسی، اساسی دئموکراسی دئمکدیر). بوگون دئموکراسی کلمه سی حاکیمیت بیچیمی اوچون ایستفاده اولونار. حاکیمیتین حاکیمیت ائتمه سی خالقدان قایناقلانار (خالقا اساسلانار).

دئموکراسی مملکت فورماسیندا آشاغیداکی مشخصه لره مالیک اولمالیدیر:

1-               دئموکراسیده توپلوم (ایجتماع) اساس گؤتوروله رک اؤز باشینالیق و دره بگلیک آزادلیغی محدودلاشار.

2-               دئمو (خالق) سیاسی تصمیملری بیرلیکده حیاتا کئچیررلر. یالنیز بیر خالقا عووضو اولانلار او خالقین تصمیم توتما مسئله لرینه قاتیلابیلرلر. بوگونکو دئموکراسیلرده "دئمو (خالق)" میللت و دؤولت تابعیتلیگینه عوضوویتلیک دئمکدیر.

3-               دئموکراسیدا تصمیملر اویقولانان بیر جوغرافی بؤلگه وار. اورادا خالق مسکونلاشمیش. دئموکراتیک بیر مملکتین مستعمره لری دئموکراتیک بیر وطندن حوکومت اولونورسالار دا، او مستعمره ساییلان ممالیکی محروسه لرده خالق حاکیمیتی اولمادیغی اوچون او ممالیکی محروسه لر دئمکراسی پرینسیبلرینه تابع توتولابیلمزلر.

4-               سیاسی نورمالار اوچون ایستر موستقیم (رئفراندوم)، ایسترسه ده غیر موستقیم (اؤرنک اولاراق سئچیم یولو ایله بیر میللت وکیلی پارلامئنته گؤندرمک اوچون) تصمیم توتما اوصولو وار.  بو اوصول خالق قاتیلما واسیطه سی ایله  یاساللاشار (قانونیت تاپار) و نتیجه سی قبول اولونار. شخصی اؤزباشینالیقلار قارشیسیندا خالق کیتله سی طرفیندن دؤولت تصمیملری نین قبول ائدیلمه سی سیاسی یاساللاشما دئمکدیر. دئموکراتیک سئچیملرده هر زامان قازانان و اودوزانلار اولدوغو اوچون سئچیملرین خالق طرفیندن قبوللوق گؤرمه مسئله سی چوخ اؤنملی و اهمیتلیدیر. دئموکراسیده بو قوروپ و سیاسی تشکیلات خالق طرفیندن یئترلی حیمایت اولدوقدا حاکیمیت دینج یول ایله بیر گوجدن باشقا بیر گوجه وئریلمه مه لیدیر. موجود اولان رژیملری تأیید ائدن ظاهیری سئچیملر دئموکراتیک پرینسیبلره اساسلانابیلمزلر.

5-               دئموکراسی مقوله سی قودرتین زامانا باغلی اولماسی دئمکدیر. خالق حاکیمیت فازی نین سورج، مدّت و داوامی نین اوزانیب اوزانمادیغی اوزره تصمیم توتمالیدیر.

6-               دئموکراسیده آزینلیقلارین آییرما یولو ایله آیریلمالاری و خودمختارلیقلاری نظره آلینماز. گله جک سئچیمده مسئول شخصلر سئچیم یولو ایله پوستلارا سئچیلرلر.

7-               میللی دؤلتلرده بیر اوتوریته صاحابی نین نظری ایله سئچیملرین نتیجه سی نین مطابیقت ائتمه سی دئموکراتیک سئچیملر اوچون فایداسیز ساییلار.

اوسته کی پرینسیپلری نظره آلاراق گؤرک مزدک بامدادان آدلی ذات عالی ایران ممالیکی محروسه سینده میللتلر مسئله سینه نئجه یاناشیر، اوخویوروق:

" داستان بسیار ساده آغاز می‌شود: روزنامه نگار یک روزنامه سراسری که نام "ایران" بر پیشانی آن نشسته است، به گمان خود "چیزکی" خنده آور می‌نویسد و به زبان کوچه خیابانی به مردم راههای نبرد با سوسک را نشان می‌دهد. سوسک در جائی واژه ترکی "نَمَنه" (چه؟/چی؟) را بکار می‌برد، واژه‌ای که بر زبان بسیاری از جوانان تهرانی روان است و کمتر کسی از آنان ریشه ترکی آنرا می‌داند. همانگونه که در خیابانهای تهران روزانه هزاران بار واژه‌هائی چون "قاراشمیش"، "یِر به یِر"، "آچمز" و مانند آن بگوش می‌رسد، بی آنکه کسی از ریشه ترکی این واژه‌ها آگاه باشد." (1).

اوسته کی مقاملارا دیققت یئتیردیکده مزدک بامدادان آدلی ذات عالی نین عوامفریب اولدوغو اورتایا چیخمیش اولار. بیلیندیگی کیمی مسئله "نه مه نه" کلمه سی نین ایشله دیلمه سی دئییل، مسئله فارس دیل و مدنیتینه اساسلانمیش ایستعمارچی بیر سیستیمین ایران ممالیکی محروسه سینه حاکیمیت ائتمه سی، بو حاکیم سیستیمین ایران ممالیکی محروسه سینده کی فارس اولمایان دیل و مدینت صاحابلارینا دئموکراسی پرینسیپلرینه اویقون میللی و مدنی حق قاییل اولوب اولمادیغی یوخسا اونلاری باشا دوشمه دیکده اونلارا حیقارت ائده رک اؤزلری ده اؤز دیللرینی باشا دوشمور دئیه تورک دیلی نین چتین و یاراماز بیر دیل اولماسینی یئنی یئتمه اوشاقلارین ذهنیتینده تورک دیل و مدنیتی علیهینه منفی تأثیرلرین یارادیلماسی دیر(2) تهراندا بیر چوخ تورکچه کلمه لرین خالق ایچره ایشلنمه سی بو کلمه لرین هانکی دیلدن اولدوقلارینی بیلمه دیکلریندن ایلری گلن بیر مسئله دئییل، - تهرانداکی تورک توپلومونون اؤز دیل و مدنیتلری یاساق اولدوغونا باخمایاراق - حاکیمیت دیلی نین قیراغیندا ایستر ایستمز اؤز آنا دیللرینده ده دوشونمه لریندن ایلری گلن بیر مسئله دیر. مزدک بامدادان گئنه ده یازیر:

"دنباله داستان از آن نیز ساده تر است: سامانه‌های اینترنتی وابسته به نژادپرستان جدائی خواه با شتابی باور نکردنی سخن از "اهانت وحشتناک و جنایت فرهنگی شوینیسم فارس در حق ملت تورک آذربایجان" می‌رانند و آتش بزیر هیمه‌ای می‌گیرند که بدنبال سرکوبها و خوارشماریهای دهه‌های گذشته در دل دانشجویان ترکزبان انباشته شده است." (1)

اوسته گؤروندوگو کیمی فارس راسیستلری و اونلارین قویروقلارینا فاشیستلیک داها یئتر دئمک، نژادپرستلیک کیمی قلمه آلینار. آنجاق جومله سونا چاتمادان آذربایجان اؤیرنجیلری نین حاکیمیت طرفیندن دؤیولوب ازیلمه لری و خار ساییلدیقلاری قلمه آلینار. بئله لیکله بو ازیلمه لر، دؤیولمه لر و خار ساییلمالار پان ایرانیستلرین خیالی ایران میللتی آدلاندیردیقلاری میللتین بیر ترکیب حیصصه سی کیمی قلمه آلینیر (کئچمیش یوز ایلده تورک ائتنوسونو بو عوامفریبلیک یاناشمالاری ایله آلداتماغا چالیشمیشلار). گئنه ده اوخویوروق:

"در این میان خواسته‌های انباشته شده پایه‌ای (مانند آموزش به زبان مادری، پرورش و گسترش فرهنگ، آئینها و بویژه کیستی آذربایجانی) جائی برای دم زدن میابند و پارچه نوشته‌ها از پرخاش به روزنامه ایران فراتر می‌روند و دیگر خواسته‌های آذربایجانی‌ها را نیز دربر می‌گیرند."(1).

اوسته کی عیبارتلره دیققت یئتیردیکده کئچمیش یازیلاردا راسیستلیگی بللی اولموش مزدک بامدادان ذات عالی نین آذربایجان میللی فعاللارینی "نژادپرست" آدلاندیرماسی اؤز سؤزو ایله دئییلیرسه، "روزنامه ایران" قازئتینی کؤلگه ده بوراخاراق آذربایجان میللی فعاللاری نین اؤز میللی و مدنی ایستکلرینی مطرح ائتمکلری فارس راسیستلری و یانچیلارینی ناراحات ائتمگه باشلامیشدیر دئیه دوشونمه لی ییک. گئنه ده اوخویوروق:

"... این ولی همه داستان نیست. نژادپرستانی که چهره زشت خود را پشت واژه "هویت طلب" پنهان می‌کنند با همه نیرو به میدان آمده‌اند تا از این آب گل آلود ماهی خود را بگیرند. در دو روز گذشته بیش از سیسد نامه از این گروهها بدست من رسیده که خواندن برخی از آنان جز شرم و افسوس چیز دیگری برنمی انگیزد... ...... همان کسانی که هم میهنان ارمنی را با زشتترین واژه‌ها می‌نوازند،...، همان‌ها که با نژادپرستی لگام گسیخته خود هر آنچه را که "ترکی" نباشد بزیر آفند می‌گیرند، همانها که بی شرمانه بر سر گور ستار خان می‌روند و خاک پاک این بزرگمرد تاریخ ایران را با رنگ‌های پرچم یک کشور بیگانه می‌آلایند،"(1)

مزدک بامدادان ذات عالی نین آذربایجان میللی فعاللارینی نژادپرست آدلاندیرماسی و اونلارا "از آب گل آلود ماهی خود را بگیرند" دئمه سی بو ذات عالیده آذربایجانلیلار علیهینه صاحیب اولدوغو دوشمنلیکدن سونرا دا بیر شئی لری ایفاده ائده بیلر می؟ دئمک، دولاییلی اولاراق مزدک بامدادان ذات عالی نین دئدیگینه اساساً آذربایجان میللی فعاللاری اؤز دیل و مدنیتلرینه ال تاپماق اوچون فارس راسیستلری و تمامبتچی قووه لریندن اؤز صفلرینی آییرماق مجبوریتینده قالمیشلار ایفاده سی سرگیلنمیش اولار. راسیست و فاشیستلردن اؤز صفلرینی آییرا بیلمک هر بیر بیلینجلی و شعورلو توپلومون میللی و مدنی وظیفه سی ساییلمالیدیر. آنجاق مزدک بامدادان ذات عالی نین "شرم افسوس" مسئله سینه گلدیکده تهرانداکی اینتیظامی قووه لرین حیمایتینده ارمنی داشناکلاری داشناک اونیفورملاری ایله "مرگ بر آذربایجان" دئمکلری و بو مسئله اوزره آذربایجان  مطبوعاتیندا ارمنیلرین دغلکار صیفتلرینی آیدینلیغا قاویشدیرماغا چالیشماق و تاریخی مسئله لره یئر وئریلمه سی بلکه ده نظرده توتولور دئیه دوشونمه لی ییک. بازتاب سیته سینه گؤندریلمیش عکسلرده ائرمنی داشناقلارینی داشناق اونیفورماسیندا گؤرمک اولار، بو عکس محسن رضایی باشچیلیغینی ائدن بازتاب سیته سیندن آلینمیشدیر(3). تاریخده ائرمنی داشناقلاری نین جنایتلری اوزره اوخویوروق:

" داشناكهاى ارمنى "مظلوم" نمايى مىكنند. اين ملت "مظلوم" در اوايل قرن بيستم ٬ شخصا در باكو٬ در شماخى٬ در قوبا و در ديگر نقاط تعداد بىحد و حسابى از آذربايجانيان را كشتار نموده است. قتل عام ها در سالهاى جنگ جهانى اول با وحشيت بيشترى ادامه يافت و آذربايجانيان به صورت جمعى در معرض كشتارهاى فجيع ارمنىها قرار گرفتند. با ورود ارتش تركيه امنيت خلق آذربايجان تامين شد. در دهه آخر قرن بيستم نيز ارتش ارمنستان جنگى اشغالگرانه در قراباغ و بخشهاى پيرامون آن را آغاز كرد. مانند بسيارى از شهرهاى آذربايجان٬ در شهر خوجالى نيز فجايع دهشتناك و غيرقابل تصورى بوجود آمد. اهالى شهر به طور جمعى قتل عام شدند."(4).

دئمک بو واقعیتلری ائشیتمگه قابیلیتی اولمایان ذات عالیلر ایجتماعی مسئله لر اوزره گرک قلم وورمایالار. آنجاق ندن مزدک بامدادان آدلی ذات بو مسئله لر اوزره اؤزونو یورور دئیه بو مسئله اوزره دوشوندوکده فارس راسیستلری طرفیندن مشروطه سرداری کیمی قلمه آلینان و ستارخانی اتابک باغیندا دیزیندن گوللگه باغلایان یئپریم جلادین حرکتلری بیر داها مزدک بامدادان داورانیشلاریندا سرگیلنمیش اولار. بیلیندیگی کیمی یئپریم مشروطه سرداری دئییل، هدفلی بو حرکته قوشولموش ایدی. آذربایجان فداییلری تهراندا قاجار ایستیبدادینا غلبه چالدیقلاریندان سونرا حاکیمیتی فارس شوونیستلرینه تحویل آلماق اوچون آذربایجان مجاهیدلرینی خلع سیلاح ائتمکده اؤز رولونو اویناماغا چالیشمیشدی. گئنه ده اوخویوروق:

"...اینها همه توش و توان خود را بکار گرفته‌اند تا این داستان را به "قوم فارس" و پان فارسیسم پیوند دهند ، به همان جانور ترسناکی که تنها و تنها ساخته و پرداخته پندار بیمار و روانِ پریشان خود آنها است! براستی اگر ریشه خوارشماری آذربایجانی‌ها و زبان ترکی در "پانفارسیست" بودن جمهوری اسلامی است، ریشه سنی ستیزی، یهودی ستیزی، بهائی ستیزی، مسیحی ستیزی و بیش و پیش از هر چیز "زن ستیزی" این رژیم تبهکار را و همچنین ستیز آن با آزادی و اندیشه و دانش و پیشرفت را در کجا باید جست!؟ این‌همه دشمنی دین‌فروشان (و بویژه گردانندگان روزنامه ایران) با نمادهای ملی ایرانیان، با نوروز، چهارشنبه سوری، یلدا، مهرگان، تاریخ پیش از اسلام و ... سر در کدام آبشخور دارد!؟"(1)

اوسته کی ایفاده لرده مزدک بامدادان آدلی ذاتین ماهیتی داها دا آیدینلاشیر. دئمک، او فارس راسیستلریندن دیفاع ائتمکله آذربایجان میللتی نی روانی آدلاندیرماغا چالیشیر. آنجاق ایسلام دونونا بورونموش فارس شوونیستلیگی و راسیستلیگی نین ایسلام آدینا اوینادیقلاری رولو گؤرمزدن گلیر. مزدک بامدادان آدلی ذات گئنه ده یازیر:

"یک روزنامه فارسی زبان بر فرهنگ و زبان آذربایجانی‌ها، یا آنگونه که نژادپرستان می‌گویند "تورکها" تاخته، پس این جنگی میان فارس‌های ستمگر و ترک‌های ستم‌کشیده است، آفتاب آمد، دلیل آفتاب!!! آیا بی‌خردی و پوک مغزی را مرزی هم هست؟" (1).

مؤلیف اؤزو ده فارس راسیستلیگی و پان ایرانیستلیک علیهینه اوزون کئچمیشدن آذربایجان میللی فعاللاری نین فعالیت ائتدیکلری نی و یازیلاریندا آذربایجان میللی فعاللاری علیهینه قلم ووردوغو اوچون تانیق اولدوغونو قبول ائتمیش مقامدا (5، 5.1، 6)، آنجاق نه اوچون بو مسئله نی یالنیز "روزنامه ایران" گونده لیگی ایله اساسلاندیرماغا چالیشیر مسئله سینه گلدیکده بو ذات عالی نین عوامفریبلیگی اورتایا چیخمیش اولور. مزدک بامدادان گئنه ده یازیر:

"افسوس و دریغ که دیوانگان نشسته بر تخت فرمانروائی در ایران کار این سرزمین کهن را به جائی رسانده‌اند که کیان آن به بادی به لرزه می‌افتد و هر فرومایه تازه از راه رسیده‌ای خود را در جایگاهی می‌بیند که آینده این آب و خاک را به چالش بگیرد و همآورد بجوید!"(1)

اوسته گؤروندوگو کیمی اؤزونو "بالا مایه(شوونیست)" آذربایجان تورکلرینی "فرومایه" آدلاندیران شوونیست ایران ممالیکی محروسه سی نین کئچمیش 1000 ایل تاریخیندن هئچ نه بیلمک ایسته میر. بیلیندیگی کیمی کئچمیش 1000 ایلده آذربایجان تورکلری ایران ممالیکی محروسه سینه حاکیمیت ائتمیشلر. دئمک تازا یولدان یئتیشمیش بیریسی بو ممالیکی محروسه ده وارسا، او دا ایران ممالیکی محروسه سینده کی فارس راسیستلیگی و نژادپرستلیک مقوله سی دیر!
"تنها در کشوری مانند ایران است که روزنامه‌نگاری ... دستانش را در نوشتن آزاد بگذارد و لختی نیز به این نیندیشد که آوردن تنها یک واژه در روزگاری که دشمن گرداگرد خانه را گرفته است، بهانه بدست نژادپرستان جدائی خواه می‌دهد تا دست در دست دینفروشان رقص مرگ را بر سر پیکر نیمه جان ایرانزمین آغاز کنند." (1)

گؤروندوگو کیمی فارس فاشیستلری و راسیستلری خیالی دوشمن مقوله سی ایله اؤزلرینی قودرتده ساخلاماق ایسته ییرلر. یئری گلمیشکن سوروشمالی ییق: - دوشمنلیک نه اوچون؟ نه اوچون میللیتلرین اؤز دیل و مدنیتلرینده اوخویوب یازیب یاراتماقلاری پان ایرانیستلره دوشمنلیک حئساب ائدیلیر؟ بو یاناشمالاردا باشقا دیل و مدنیتلری فارسین الکن دیلینده میللی و مدنی باخیمدان قتله یئتیرمک مسئله سی آماج اولونموش دئییل می؟ گئنه ده اوخویوروق:

" ... سوسکها، دینفروشان و نژادپرستان ایران ستیز هستند که دست در دست هم کمر به نابودی کیان و هستی این سرزمین بسته‌اند، سوسکهائی که همه ویژگیهای آمده در روزنامه ایران، برازنده هر دو گروه آنهاست." (1)

اوسته گؤروندوگو کیمی "ایران" قازئتی کاریکاتوروندا بؤجک و دانیشماقلا آذربایجان تورکلرینی "سوسک" دئیه قلمه آلدیغینا باخمایاراق ایسلام حاکیمیتینه پوزیسیون پان ایرانیست، تمامیتچی و راسیست قووه لر آذربایجان میللی مسئله سی ایله مشغول اولانلار علیهینه کئچمیشده "پان تورکیست" دئیه ایشلتدیکلری ایفاده لره "سوسک" کلمه سینی ده آرتیرمیش مقامدا یئر آلیرلار. بودور دیل و مدنیتلره سایقی ایله یاناشمایان فارس دیل و مدنیتینی اساس گؤتورموش راسیستلرین اینسانیت مقوله لری!

1                    مزدک بامدادان: سوسکها و آدمها: http://politic.iran-emrooz.net/index.php?/politic/more/8485/

2             سهیل تقدیم میکند:چه کنیم که سوسکها سوسکمان نکنند:

http://www.iran-newspaper.com/1385/850222/html/children1.htm#s614994

3                تصاوير نودويکمين سالگرد قتل عام ارامنه ترکيه: http://www.baztab.ir/news/37945.php

4                فریب حیله ارمنی ها را نخوریم: http://www.adf-mk.org/Y/y19.html

5               ایشیق سؤنمز: فارس ایستعمارینا دایالی دوشونجه لر (5): http://www.tribun.com/2300/2353.htm

5.1             ایشیق سؤنمز: فارس باستانگرایلاری نین تویوغو بیر قیچلی تانیملامالاری!:

http://www.shamstabriz.com/sonmaz-bastancilig.htm

6        یاشار تبریزلی: آقای مزدک بامدادان در جستجوی هویت گم شده ( قسمت دوم ):

http://www.tribun.com/2300/2337.htm

ایشیق سؤنمز 20.05.2006