1385- جی ایل بابک قالاسی مراسیمینین تاکتیک لری

               تیرین 9-10 جو گونلری

1-قالا مراسیمی عرفه سینده اطلاعات مامورلارینین تئلفون واسیطه سیله فعالارین جلب ائتمه سی قانون سوزدور,بو قانون سوزلوغا قئید سیز قالمالییق.

2-اینتیظامی نیرولار بوتون گوجلریله قالانی موحاصیره ائدیب , مراسیمین گئدیشینده انگل تؤرتمک ایستییه جکلر. بودا مراسیمین اؤنمیندن ایره لی گلیر.بیزه ایسه "دایانیب" , "دیرنمک" دوشر.

3-آذربایجانین بوتون شهرلریندن آخیب , قالایا ساری گله جه ییک .هر یئرده قاباغیمیزی آلسالار اوردا یئنیب دوراجاییق . گئری دؤنمک یوخدور.

4-بوگون شوونیست لرین استراتژییاسی "تهدید" و "تحقیر" دیر. بو سیاست قالا مراسیمی عرفه سینده یوکسک سویه یه  قالخیر. بیز آذربایجان میللی فعالاری , بو سیاستینی بوشا چیخارمالییق .

5-بسیجی لر بیزیم میللی قارداشلاریمیزدیلار . اونلارلا قارشی – قارشیا دورماق ایسته مه ریک. مراسیمی انگلله مه لرینی ایسه هئچه سایمالییق .

6-قالا گونو شوجاعتلی و عاغیللی داورانماغیمیزلا , آذربایجانی نه سویه ده سئودیگیمیزی و آذربایجان اوغروندا نه حدده چالیشماغیمیزی ایثبات ائده جه ییک .

7-قالا مراسیمی میللی بیر مراسیم اولدوغوندان , هئچ جوره جیناحی تبلیغاتا باش وورمایاجاییق.

8- مراسیم جوما گونو سحر چاغی باشلاناجاقدیر.جوما آخشامی (پنج شنبه ) هئچ جوره سیاسی گؤستریشه قاتیلمایاجاییق .

9- قالانین طبیعی چئوره سینی ساغلام  ساخلایالیب و قورویالیم.

                                              بابک قالاسی نه دئمک دیر 

1.    بابک قالاسی مراسیم لری دونیا سویه سینده مطرح اولونموش و   آذربایجانلیلارین میللی ایستک لرین عکس ائتدیرن تایسیز سیاسی تشبوث دور . بو مراسیمی بوش توتماق بؤیوک بیر میللی ایتگین لیک ساییلیر.

2.    بابک قالاسی آذربایجانین میللی آزادلیغین اوغروندا موباریزه آپارانلارین سیغیناجاغی اولموش . "ایسلام-زردوشت" یوخسا "تورک-عرب" قارشیلیغینی عکس ائتدیرمز.

3.    بابک قالاسی "دیرنمک و دایانماق" عنعنه سینین سیناق یئری دیر.

4.    بابک قالاسی آذربایجان میللی حرکتینده چالیشان گروهلار و جیناحلارین بیرلیک سیمگه سی دیر .

                        شوعارلاریمیز

یا آزادلیق یا اؤلوم................. باشقا یولو یوخ آرتیق

آذربایجان میللتی.....................قبول ائتمز ذیللتی

بابک دن بیزه قالمیش.............دیره نیش ,  دایانیش

تاریخ بویو بیزه تانیش..............دیره نیش , دایانیش

بابکین  قالاسی.......................آزادلیق ساواشی

بابکین  قالاسی.......................هویت ساواشی