دیللری یارادان بؤیوک آللاهین آدیلا

قوم‌دا تورك نخبه‌لري طرفيندن رشديه مزاري اوسته

دونيا آناديلي گونو قوتلاندي!

ايلك دنه اولاراق قوم شهرينده دونيا آناديلي گونو تورك ائللري‌نين طرفيندن آغيرلاندي. قومدا ياشايان تورك محقق، شاعير، يازيجيلاري ايران يئني اؤيره‌تيم قوروجوسو رحمتليك «ميرزه‌حسن رشديه» مزاری اوسته توپلانتي اولاراق ساعات دؤردده باشلاندي. بو مراسم بير خصوصي و صميمي آتمسفرده کئچیریله رک و حجت‌الاسلام صحتي سرورودي، شاعير، مدرس و آراشديريجي؛ حجت‌الاسلام عظيمي قديم، یازیجی و آذربايجانين مبارز روحاني‌سي؛ حجت‌الاسلام سيد بشير حسيني، شاعير و يازيجي؛ سید حیدر بیات، یازیجی، آراشدیریجی و قومدا اولان «تورک ادبیات اوتاغی»نین باشقانی؛ بختیار فرخ، شاهسئون شاعیری ـ یازاری و «تیلیم خان دیوانین» چاتوپلایانی؛ سلیمان نوراللهی، ائل شاعیری، ابراهیم عنقایی، طلبه و یازیجی، ادیان و مذاهب اؤيرنجی سی ؛ جعفر عباسی خلج تورک اؤيرنجی سی و باشقا يازيجيلار، شاعيرلر و اؤيرنجي‌لر ايشتيراك و چيخيش ائتديلر.

بو جلسه‌نين اؤزللكلريندن بيريسي‌ده بو ايدي كي اورادا خلج، شاهسئون و اصفهان توركلريندن‌ده حاضير اولموشدولار.

بو ییغینجاق دونیا آنادیلی گونو «دوزگونو» تاریخ 2/12/84 گون اورتادان سونرا ساعات 4ـدن 6 ـیا کیمی کئچیریلدی.

مراسمين سونوندا رشدیه نین یاشام نامه سی و بير سيرا ائتود و تئلفن دفترجیکلر كي اوستونده اوستاد شهريارين توركجه شعري چاپ اولموشدو پایلاندی سونا چاتدي. بو مراسمده اوتوز نئچه ايشتيراكچيلا و پينار، آل ياسين درنك‌لري و تورك ادبيات اوتاغي‌نين ایش بير‌ليك‌لريله كئچيريلدي. رشديه‌نين مزاري‌نين ايتگين‌ليگي و پوزغون‌لوغو هامي‌ني نيسگيل‌لنديرميشدي.

بو مراسمین گئنیش ساولاری گلن گونلرده بو شکیل لریله بیرلیکده سایتلارا گؤندریله جک!