قاراباغ مذاکره لري دوردورولماليدير!

بو گونلرده ياييلان خبرلره گوره، قاراباغ مذاکره لرينده آوروپا و آمريکا طرفلري بير شدت لي سياسي چاليشمالارا ال ووروبلار تا آذربايجان دولتيني فشار آلتيندا تئزليکله بير آنلاشما امضالاماسينا مجبور ائتسینلر. بو مساله ني گرک منطقه ده کئچن بوگونکو اهميتلي مساله لرله ديرلنديرک. او جومله دن ايران و آمريکا دولت لرينين اتم مساله سي اوستونده مجادله لري و ياخين گلجک ده ايراندا دئيشيکلر اولماسي احتمالي، بو مساله ده بويوک رولو وار.

آذربايجان دولتينين مذاکره و دانيشيق آپارانلاري گرک آييق اولسونلار چون کي ايراندا جنوبي آذربايجانليلار اوز مقدرات لارينا حاکم اولسالار (ايندي يا بير گوجلو فدراليسم و يا استقلال شکيلينده) آذربايجانين موقعيتين بو مناقشه ده بويوک سويه ده گوجلنديره جک و ائرمنستان دولتيني بير بويوک فشار و باسقي آلتيندا قوياجاق و اونلاري داها دا آرتيق دالي اوتورماغا مجبور ائده جک.

ايندي همين بو احتمالين گوجلو اولدوغونا گوره، آوروپا و آمريکا دولتلري، کي اصلينده ائرمني طرفينين حامي سي ديرلر و ائرمنستان دولتي، بو گله جک دورومو دوشونه رک بو مناقشه يه تئزليکله سون قويماق ايسته يير لر.

آنجاق بو بيزه چوخ اونملي دير کي آذربايجان دولتي گرک بو دورومو دوشونه رک هله ليک بو دانيشيق لاري دوردورسون و معلق ساخلاسين. يعني بو کي حتی مذاکره لره دوام ائتسه ده، هله ليک هئچ راضيلاشمايا بويون ايمه سين و اوز موقع لريندن اصلا دالي دونمه سين. نيه کي اگر بير راضيلاشما امضالانيرسا، داها بو ايراندا گله جک دئيشيک لردن فايدالانماق اولماز و بير بويوک فرصت الدن گئدر و شايد همين يانليش قاراباغي هميشه ليک آذربايجاندان آييرسين.

بو مساله چوخ اونملي مساله دير و من بوتون آذربايجان فعاللاريندان ايسته ييرم کي هر شکيلده باشارا بيلسه لر بو مساله ني آذربايجان دولتينين قولاغينا يئتيرسن لر.

                                                                                       آيدين تبريزي