بیر زیندان آذربایجان معلیمی !

داغلار قیزی

بویوک آذربایجانین دوستاقلاردا اولان بوتون معلیملرینی دوشونورکن، بؤیوک پیشهوری دن توتدو بیریا، فیریدون ابراهیمی، مرضیه اوسکولو،محمد علی فرزانه، بهزادی، امین مؤید، علی تبریزلی، علی کمالی، پروفسور ذهتابی، پروفسورچهرگانلی، خلیل رضا، حبیب ساهیر،بولوت قاراچورلو( سهند)، حسین جاوید، آلماس ایلدیریم ، مشفق، احمد جاواد و هابئله مهندیس امانی، هدایت ذاکر، شیخ عظیمی، عابباس لئیسانلی، اکبر آزاد، سعید نعیمی، عباس نیکروان، جاواد عباسی، داوود عظیمزاده، یاشار حکاکپو، کمال نویدی ... و بوتون دوستاق قهرمانلاری نین غئیرتینه و بؤیوک ائلچیبهیین اوجامانلیغینا سلام اولسون دئییه ...

یاشیاجاغسان دوستوم ، یاشیاجاغسان؛سئودا گوجونه ، زیندان گوجونه ده ، یاشیاجاغسان؛

سن یاشاماغا محکومسان قارداش .

اؤلوم کافتارلاری ها گؤزونون قاباغیندا اویناشیرلارسا ، سن یاشامالیسان ، معلیم یولداش.

زیندان گوجونه یاشامالیسان یاشار داداش.

دؤیوش دوستوم ، ایدمان اوستادیم جاواد بی ، یاشاییش یئنی یاشاتماغا محکومدور اینانمیرسان داغلار قیزی ریحاندان سوروش!

البته کی آذربایجان اوغلودور ریحانه باجیم یعنی آسلان دیر منیم باجیم ،آسلانلار آسلانی، داغلار قیزی.

ریحان آغلارسا سارایلار دوغولاجاق گؤز یاشلاریندان گولرسه آسلیلار گولوشوندن .

یعنی سئویل اوپراسینی موسلوم ماقامایف یئنیدن یازمالیدیر، اوزئییر کوراوغلوسونو گوندم ائتملیدیر.

یاشار دئدیکده آیاقلاری کوندهلی قارا قویولارین یئددی قاتیندا دئییل ، بیزیم ماراغادا قونشو زینداندا سیمنتله قوجو- قوجویادیر ، جاواد خان دئدیکده شوشادا کافتار ائرمنینین خفچیل قیلینج یاراسی توخدادی چوخدان .او بیزیم داش ماکینین اوست خیابانیندا نملی بیر زئرزمیده عیبادت ائدیر آشیق آزافلی سایاغی؛دئیهرلر دوستافا دؤزه بیلمهدی ، آغارما آی ساچلاریم آغارما!

باری دوستاق آدلی بیر یئردهدی هامیسی .تورک افراسیابدان توتدو پیشهوری یهجن فریدون ابراهیمیدن فرزانهیهجن، مهندس امانیدن جواد عباسی، هدایت ذاکر، یاشار حکاکپور، عظیمزاده و نیکرواناجان دؤزمهلی دیرلر بو فاجیعهیه . بوردا دوکتور ذهتابینین باغری چارتدادی، علی تبریزلی قان قوسدو، دوکتور چهرگانلینین قابیرقاسی سیندی.

موللامیزدا زینداندا ، فهلهمیزده زیندا ، دوکتوروموز ده ، موسیقیچیمیزده، شاعیرده ، یازیچی دا، بیزده پورتاغال ساتان کیمسه یوخدور، ائشیکدهکی هر کسه مشکوکام ، اینانیرام خیاباندا گزیشن یالانچیلارا،« قهرمان یا زینداندا اولمالی یادا مزاردا یاتمالی دیر» دئمیشدی عباس خان لئیسانلی، بئلهدیر بیزدهکی حیات، یولداش ، بئلهدیر آذبایجان کیشیسی نین طالعی سئوگیلی سول- ماز.

چتیندیر آزاد یاشاماق ، چتیندیر اؤلومه وارماق، چتیندیر آذربایجان کیشیسی اولماق. بئلهدیر حایات دوستوم، بوراسی 72 میلت دوستاغی ایران، بوردا یا بویوندوروغلو فارس اولمالیسان ( یا پئرشیین یا اؤلوم ) بوردا فارس فاشولاری بوزقوردلارا نووه بومباسی حاضیرلاییر. شاعیر جاوادپور دئمیشکن « بَیَنسنده بودور، بَینمهسنده» .

گؤرسن آذربایجان معلملرینین (جواد عباسی ، هدایت ذاکر ، یاشار بَی حکاکپور، عظیمزاده ) معلم و شادلیق وئرن ماهنیلاریمیزین معلمی عباس بَی نیکروان کؤرپه اؤیرنجیلر (تهرانین ریاکار تئلویریونوندان ایراق اولسون ) آنجاق نئچه دؤنه یالواریرلار تانری یا «اَن من یجیب المضطرو اذا دَعا و یکشفُ السوء »،« یا من اسمُه دواء و ذکره شفاء »...

قانون طئهرانین بهارستانیندان بئله فیشقیریر، مسلمان یا آریایی اولمالیدیر، یوخسا جهانی استکبارین نوکری دیر. زینداندا چورومهلی دیر ثقةالسلام ، شیخ خیابانی و شیخ عبدالعظیمی قدیم، فارس فاشوسونون بودور قانونو؛ آنام دئدی کور دئدی، هر گلنه وور دئدی.»

فارس اولماسان گوناه کارسان ؛ یعنی آریایی بئل- بوخونلو ، گؤزهل سیمالی ، اوجا بوی، اینجه بئل ، چاتما قاش، فیندیق یاناق، پوسته دوداق، باخ بونلارا مراجعه ائدهبیلرسیز، فاشو فارس آریاییلرین رئیس جمهورو احمدینژاد، خالاسی اری آیتا... جنتی ، «گؤزهل سسیله» بیبیسی اری کاشانی ، باجیسی نین قایین آتاسی آیتا... یزدی، عمی اوغلوسو حدادعادل و یوز جوت مجلیس وکیللری و بیر سورو دولت کابینهسی ، البته دفاع ناظیری نین آریایی اولماسیندا هئچ موللانیندا، سؤزو یوخدو.

نه ایسه ایت پیشیکدن دانیشمایاق قورخولو یوخو گؤروروک. یاشار حکاکپور گؤزللیکده اوغول البت کی آریایی اولا بیلمز و جواد عباسی اوجالیقدا قهرمان بللیدیر کی تورک اولمالیدیر.

عباس لیسانی ، دوکتور چهرگانلی ، شیخ عظیمی و عباس نیکروان و امانی، هدایت ذاکر، انصافعلی هدایت، تورک اولماسایدیلار خیانت اولاردی بشرییته.

البته کی اوجامان کیشیلر دوستاقدا دا یاتمالی دیرلار.

بیر گون مهندس امانی اوچون تبریز زیندانینا بایرام کارتیندا یازمیشدیم «دوستاق جانیوا یاراسین قارداش » ائله بو قدهر.

بوتون دونیادا شعر بئلهسینه دوغرولور ، ناظیم حکمتین شعریده ، آلماس ایلدیریم، میکائیل مشفق، حبیب ساهیر، سهند ، خلیل رضا، و زیندان جان وئرن حسین جاوید، بیریا و !!؟

آذربایجانا مبارک اولسون بو گونکو گون ... یئددی کیتابلیق حیماسی شعره بویلودور وطن .

باخ!

تورپاق آه چکیر، گؤزلرین آیدین میللتچی قارداش، زینداندا بیر قارداشین اولور و داغلار قیزی ریحان باجییا اوخشار باجیلار گؤز آچماقدادی . درس کیتابلاری زیندانلاردا آذربایجان معلملرینین اللریله، یئنی دوشونورلر دوستاقلاردا یئتیشیر،شهید ذهتابیلر، شهید ابراهیمیلر،شهید پیشهوری لر ، چهرگانیلر ، فرزانهلر یاشاییرآذربایجانین فاشو زیندانلاریندا.

گؤزوموز آیدین دوستلار...

بلکه هدایت ذاکرین ، جواد عباسینین، عظیمزادهنین ، هدایتین، شئیخ عظیمینین، عباس لیسانینین کؤرپه بالالارینین گؤزلری یولدا اولماسایدی دئیهردیم استقلالا بیر آددیم، آنجاق آذربایجان ائولرینده آتاسیز آغلار کؤرپه وارسا ، اؤزگورلویه بیر آددیم بیر قارینج قالیر هله. زینداندا کیلار ، زینداندا آذربایجان استقلالی یاشاییر بیز کؤرپهلرینین و آنالارینین گؤزیاشلارینی سیلمهلییک دوستلار.

بؤیوک ناظیم حیکمت زینداندان بئله یازیر دونیایا؛

ائشی بونلاری بوراخ،

اونلار اوزاق بیر خیال ، بیر احتیمال،

پولون وارسا منه بیر یون شالوار آل ...

یئنه دوتدو قیچلاریمین سیاتیک آغریسی!