تانري آدي ايله

دوقتور فرزانه نيين دونيا دئيشمه سينين بيرينجي هفته سينين آغيرلاما توره ني جوما گونو 28/11/84 مهنديس اماني و هيدايت ذاكير ين ايشتراكي ايله , ذاكير معليمين اوزه ل ائوينده كئچيريلدي.

بو توره نده , ايشتراك ائده ن لر اوز چئشيدلي چيخيش لاري ايله دينله ييجي لري ماراقلانديرديلار.

بو توره نين فيلم و شكيل لر و گزاريشي ياخين گله جك ده ياييلاجاق .

هله ليك ذاكير معليمين بو توره نه گوندرديي ساوي سيزه سونوروق:
سالام لارلا

دوقتور فرزانه مدنيت اؤيرتمنيميزين دونيادان گئتمه سينين اؤز مسجيديندن سونرا بيرينجي آغيرلاما تؤره ني ائله بيل بيزيم ائوده, كي ائل ائوي ساييلير مهنديس اماني به يين اورتاقليغيلا گئچيريلير, من اؤز عاييله وه ريمدن بو بويوك ضايعه ني بوتون ميللتيميزه تسليت دئيه رك اونون يولونون داواميني اولو تانري دان ديله ييرم.

بو گون كي ميللت چي ليك يولوموز ديره نيش چاغيني گئچيردير يادلار داها ساتقين لار اله شديلر بو بيرليك يارانيشي آرادان قوپاريب قوتسال و ميللي ديره نيشي ديزه چوكدوره لر گؤروسوز كي قاباقدان يارانميش پيلانلاري اؤز زامانيندا سايت لارا داها آغيزلارا ساليب , ايجرايا قيورلار بئله ليك له اعتمادلاري آرادان آپاريلار شخصيت لريميزي تخريب ائديرلر سونوج دا بو ميللي يولو يئنيلديب تاريخين مسيرين ده ييشه للر .

اؤيرنجي ني اؤيرتمن له ياخين آرخاداشلاري بير بيريله سالديريليب, اوزلشديريب پرده لري قيريب نهايت ده بيرلشمه ني آرادان آپاريرلار.

بيز هر كيمسه ني كي تورك , آذربايجان و عدالت آديلا چاليشيب دستك له ييريك نقد يئرلري هر زامان آچيق دير, بت پرست ليك ائتمه ميشيك آمما تام شخصيت لريميزي كي بو قوتسال يولدا چاليشيب لار ده ير وئره ك و يارديمي اولاق دئمي شيك.

دئمه لي يم كي تام دونيا دا هر اينسان كي آذربايجان آديلا چاليشير , آذربايجان دغدغه سي اوره يينده وار و بونو گئچميش ده و اينديليك چاغيندادا ثبوتا يئتيريب اونا سايقيميز وار , گلينيز بيرليك ده « تانري , تورك , آذربايجان » شوعارينا باغلاناق صيداقتيميزي الده ن وئرمه يك بيز اينانيريق كي گله جك بيزيمدير و بوتون اويرنجي لر و داها فيكير داشلاريمزدان ايسته ييميز بو دور كي هؤرهن ايت لره قارشي قورد كيمي اولا سين لار

شرفخانالي ناظيرده ن بير شعريله سورزومي سونا چاتديريرام

اي آذربايجان آسلانلاري , آلقيش , آلقيش