یاغیشدان چیخمامیش، دولویا دوشدوق

       فارس اتفاقی اولکه لرینین جمهور باشقانلاری گله جکده تهراندا بیر بیرلرینن گوروشوب و دانیشاجاقلار. بو اولکه لرین آدی بئله دیر تاجیکستان، افغانستان و ایران بو اوچ اولکه فارس دیللی اولکه لری قازئتلرده یازیلیر و همیشه ده ایرانین آدی اولده یازیلیر ولی من بورادا اونون آدین آخیرده گتیردیم. من بئساواد!  آبی(قارداش) دئه گوره ک تاجیکستانین رسمی دیلی ندیر؟ تاجیکستان هانکی زاماندان فارس دیللی بیر اولکه اولوبدور؟ اونلاری کی رسمی دیللری روسی دیر و افغانستانین نئچه رسمی دیلی واردیر و اورادا نئچه آیری دیللی قوم و ائتنیک یاشاییر او جومله دن اوزبکلر کی اوزلرینین تلویزیون(آینا) و روزنامه لری واردیر. و ایران وضعیتی کی هامیمیزا بللی دیر فارسلاری بیر اقلیت دیرلر. ولی بو پان فارس و پان آریانیست آغالار تورک اولکه لرینه آرتیق گلنلیک ائدیب و حوزه تمدن آریائی ایستیرلر یارادلار و بو حوزه ده  آذربایجان، تورکمنستان، اوزبکستان و سایر اولکه لر یئر آلیر دئمه لی کی بیزده ایراندا فارس حاکیتینن آلتیندان چیخمامیش فارس اولکه لری اتفاقینین الینه دوشدوق، ایشمیز یاشدی قارداشلار!  تاواریشلار من اوزومو بونلارین الیندن "حضرت ابوالفضل" تاپیشردیم، سیزی بیلمیرم!؟

آستارا رشتی ندیر   رشتین اولاجاق!

         ناصر آشوری فومن شهرینین ملت وکیلی آستارا میللت وکیلینه پارلماندا شدتله اعتراض ائتدی و آستار شهرین گیلانین گوزودور سویله دی و علاوه ائتدی کی آستارا فقط بیر دفعه آذربایجانا پاپیشب اودا فرقه دموکرات زامانی اولوبدور. اوندان سونرا تاریخی سندلر گوستریر کی آستارا گیلان ولاتینین اولوبدور. آستارا میللت وکیلیده اونون قارشیسندا سویله دی کی خواهیش اولونور هر کس اوز حوزه سی باره سینده دانیشسین و بیزیم مساله هئچ کیمه ربطی یوخودور بونو آستارا جماعتی ایستیر. بوندان سونرا ناصر عاشوری سویا دشموش سیچان کیمی  بوزوشوب یئرینده اوتدی ولی مجلیسین پان فارس رئیسی اونون یاردیمینا گلدی  و گلینین آناسی نی نجات وئردی. برر آستارا به تو چه ربطی داره؟  آذربایجانین یازیق میللیتی کوردن قورتولمامیش رشتی یه راست گلیر بئله گئدیرسه صاباح بیر لردا تبریزه ادعا ائده جکدیر! یاشاسین آستارانین تورک جماعتی

آیریلارا کوپکلر....  بیزه چوچوکلر...

        مقددمه ای بر پانترکیسم آراکس نشریه سی طرفیندن باسیلیب و یاییلمیش بیر ائرمنی یازیچی نین اثریدیر کی شرق گونده لیگی 25/10/84  کیتاب تانیتیمی بولومونده بو کیتابی تانیتدیرمیشدیر و نه تانیتماق کی داشناکلارین اوزونو آق ائتمیشدیر. ولی هراچ استپانیانین هاراسی یانیر کی بئله بیر موضوعو یا توخونوب و ایسته ییبدیر کی پان فارسلارین اوره کلرین سرینله تسین. هر یئری یانسادا اونو بیلیرم کی بورنونون اوجو دئیل کی بئله قیشقیریق سالیب و شرق گونده لیگیده اونون یاردیمینا گلیب. شرق یازیچی سی شوقوندان و ائرمنی عشقیدن بئله شعار وئریر بیر نئچه سینی بورادا گتیریریک.

روح منی ارمنی - عشق منی ارمنی – ارمنی دوستت داریم- ارمنی دوستت داریم. ارمنی ارمنی حمایتت می کنیم.

و سونرا بیر قدیمی فارس ترانه سیده یادینا دوشوب و اوخویور:

تو منو دعوت کن به ارمنستان - تومنو دعوت کن به انگستان

تو منو دعوت کن به شهر ایروان- تومنو دعوت کن به شهر دیلیگان

به تو محتاجم من- ای هوای تازه(2 بار)

نفس من با تو – زندگی می سازه (2بار)

بی تو می میرم   - بی تو می میرم

 ایرانی اره وئردیلر!

          گون آز TV هامینی اوزونه مجذوب ائدیب و من او گونلریمه کی بو تلویزیونا باخمامیشام حسرتین یئیرم و ایندی هر گون 4 ساعات وقتیمی بو تلویزیونا اختصاص وئرمیشم وئرلیشلری چوخ گوزه ل و اوره گه یاتاندیر. ایکی آذربایجان ایگیدی گئجه گوندوز تانیمیرلار من اوزوم بو نتیجه یه چاتدیم کی تورک کیفیتدیر نه کممیت.  نئچه گون بوندان قاباق بیر یسی  گون آز تلویزیونونا  تلفون آچیب و چوخ حیرسلی و عصبلی شکیلده سویله دی " من ایرانی چوخ سئویرم عاشقییم!" یازیق بیلمیردی کی قونشونون قیزی ایران،  نئچه گون بوندان اونجه اره گئدیب!

گوزه تچی