من لیدرلیک ده لیسی یم!

مظلوم میللتیمیز بیر قرن پان فارسلارین و آریاچیلارین ستمینه معروض قالیب و هر زامان اوز استقلالیت و مستقل اولماغینی طلب ائدیب و بو یولدا مینلر شهید وئریبدیر ولی هله اوز استقلال و آزادلیغینی الده ائتمه ییب و ستم آلتیندا یاشاییر. دیلی یاساق اولوب و کولتورو آرادان گئدیر، اقتصادیاتی پیس وضعیته معروض قالیب و توپراقلاری بول بول اولوب و هر یولدان کئچن اونلارا صاحیب چیخیر کورد بیر طرفدن و گیلانلی بیر طرفدن و فارس بیر طرفدن بیزی یوخ اولماغا و اولومه آپاریرلار.

بو وضعیته گلیب چاتماغیمیزدا آیدینلارمیزین گوناهی و سوچلاری آز اولماییبدیر و اونلار میللتیمیزی اوز دردلرایله تانیش ائتمه ییبلر و اوزلریده قاباغا دوشمه ییبلر کی بو دردلری آرادان قالدیرسینلارو قاباغا دوشه نیده بعضی دامغالار(اتهام) ووروب و آرادان چیخاردیبلار. من قاباغیمدا اولان موشکوللری بیله بیله اوزومو عزرائیلین قیلینجینا وئریب و آلله توکل دئیب و میللتیمه ایناناراق تورک میللتینین دردلرین، موشکولرین و پرابلیئمینی آرادان قالیدرماق اوچون اوزومه اونملی گورو  بیلیدم کی آیاق میدانا قویوب و اوزوم بو یازیق میللتیمیزیم رهبرلیگین اله آلیب و میللته سویکه نرک دردلرینین درمانین تاپام.

قارداشلار و باجیلار من نه دن کیشوت ،نه گاندی،نه ماندلا، نه  رابین هود، نه ده زورو، نه ناپئلون، نه چئرچیل دئیلم من سیزین کیمی و اوزوز کیمی آذربایجانی سئون بیر تورکم. من بو مجادیله ده سیزین یازدیمیزینا و فیکری و مادی یاردیمیزینا احتیاجیم واردیر بو یولو بیرلیکده گئتمه گه اورکدن اینانیرام و هر تورکون محبتلی الین سیخیب و باغریما باسیرام.

تورک میللتی! من نه آد و شهرت اوچون و نه پول و پارا اوچون و یا مقام اوچون بو یولا قدم قویمامیشام منیم یالنیز آرزیم تورک میلتیتنین باشی اوجالیغی و سعادتیدیر و بو یولدا اول امودوم تانرییا و سونرا اوز شرفلی میللتیمه دیرو گئجه گوندوز آذربایجان و تورک آدی دیلیمدن دوشمور!

آنالار و آتالار! من سیزین بیر غیرتلی اوغلوزام و سیزین درد و کدرلریزله یاشامیشام، سیزین اوره کلرنیزده اولان غملر منی آغلادیر و قانیمی جوشدورور. من ناغیلارینیزدا سویله ین بابک، کوراوغلو، نبی یم. منی بو یولدا تک بوراخمایین!

گنچ باجیلاریم و قارداشلاریم! من سیزین رویالاریزدا یاشایان بیر لیدر و رهبرم و منی دستکله یین و منه یاردیم اولون. سیز کی زمانه نین بابک و ستارخانین آختاریردیز. من قان بولاغیندا دستماز آلیب و عشق سجاده سنده ناماز قیلمیشام و قوخونون کوکون اوره گیمده یاندیریب و کولونو یئله سپمیشم و هئچ کیمسه دن قورخوم یوخدور. اوزومو تورک میللتینه قوربان دئمیشم!

عزیز آیدینلارمیز و پولیتیکلریمیز! من اوزومو بیر پلورال، دموکرات، لیبرال و بشر حاقلارینا بویون قویان بیر لیدر سانیرام. هر کیمسه هر نه عقیده و دوشونجه ده  اولورسا  من اونا سایغیم واردیر ولی آذربایجان میللتینین منافع و ماراقلارین  هر بیر کس و عقیده دن اوستون سانیرام. من هامینیزین فیکری یاردیمیزینا اینانیرام. منی اوزونوزون لیدریز بیلیب و چوخ یاوا دانیشمایین!

شرفلی میللتیم! من هامینیزین بیر قارا قولویام و آیاغینیزین آلتیندا اولان توپراغام گئجه گوندوز سیزین کئشیکچیز اولاجاغام.

من هامینی بیر گوزایله باخاجاغام و میللتچی و سولچو آراسیندا فرق قویمویاجاغام و هر کس دئسه"سولچودان میللتچی چیخماز" بیر قولاغینی کسیب و بیرقولاغینان اونو شهرین مرکزینده دووارا میخلی یاجاغام و اونلار کی  میللی  مجادیله میزده  اختلاف سالیرلار و میللی حرکتده چاتلاق آختاریرلار اونلاری اودوله ندیره جه یم.

فدرالچی و استقلالچی لاری باغریما باساجاغام و بوزقوردچولارا بیر و ایکی سایت آچاجاغام.

میللیتیم! من بوتوولوک و تورانچلیق ده لیسی یم.

حیالی قادینلاریمیز! من سیزین حاقلارینیزی کیشیلردن آلاجاغام و سیزینله بشر حاقلاری اساسیندا داورانماغی دستکله ییرم. من فئمینیستلرینن مخالفم اونلار ایستیرلر قادینلارین مسائلین ابزار ائدیب عایله لر آراسیندا اختلاف سالسینلار. قادینی کیشینین قاباغینا قویورلار.

عزیزلریم! بایراق منه ناموس و شرفدیر.  منیم اوزومه مخصوص بیر بایراقیم واردیر. اودا تورک میللتینین عدالت بایراقیدی. بو بایراقین رنگی یوخدور سیزین اوره کلرینیز کیمی صافدیر. من بایراق اوسته اوندان بوندا ساواشماغا حوصله م یوخدور. منیم دیله ییم اول مباریزه و پان آریانیسمی ییخماقدیر. منه بیر آق بایراق یئتر.

من اوزومو هامی تشکل و پارتییالاردان اوستون گوروره م و هئچ تشکل و حزبه باغلی دئیلم و حزبده اوزومه قورمویاجاغام. منیم پارتییم میللتیمدیر.

گله جکده برنامه لریمی آچیق شکیلده قولوغونوزا چاتدیراجاغام.

یاشاسین تورک میللتی

تورک میللتینی گنج رهبری

قوچ اوغلان

گوزه تچی

.