"ARAZ AZERBAIJAN" QƏZETİNİN 10-cu SAYI NƏŞR OLUNUB

İngiltərədə 2006-cı ildən azərbaycan və inglis dillərində nəşr olunan "Araz Azerbaijan" qəzetinin 10-cu sayı işıq üzü görüb. Bu barədə xəbəri Turana qəzetin təsisçisi Vüsal Həmzəyev bildirib. Britaniyadakı azərbaycanlı gənclərin təşəbbüsü ilə nəşrə başlayan qəzetin bu sayında Azərbaycan Demokratik Respublikasının 90 illik yubileyi ilə bağlı maraqlı yazılarla tanış olmaq olar. Bundan əlavə, Britaniyadakı Azərbaycan icması ziyalılarından olan Dr. Ali Tekin Atalarla müsahibəni və azərbaycanlı tələbələrin Avropanın müxtəlif ölkələrində keçirilən forumları, Azərbaycan Evi ilə bağlı son məlumatları və digər xəbərlər qəzetdə yer alıb. Qəzet Londonda yayımlanır.