Milli Şura ve DAK

Əziz soydaşlar !

Bütöv Azərbaycanımızın Güneyində milli hərəkətçilərimizin çətinliklə apardığı demokratik mübarizənın başarısının birlik körpüsündən geçəcəyi sır deyil. Onun üçün illər boyu birlik məfkürəsi ilə bağlı çəkilən zəhmətlərin nəhayət iki il öncə “ Güney Azərbaycan milli birlik şurasi “ yaratmaq təşəbbüsü ilə ortaya çıxdığı aydındır.

Ayrı yandan “milli şura “ birlik məfkürəsində millətimizin bütün üzvləri və milli fəalları nəzərdə alaraq heç bir şəxs, qrup vəya fikrin əleyhinə olmadığı kimi heç bir qrupuda başqasının qarşısında dəstəkləmək siyasətindən uzaqdır. Şübhə yoxdur ki, bizim əsasnaməmiz gərəyincə hər kəs Azərbaycan probləminin həllində öz fikrində azad və hanki təşkilatla çalışmaqda sərbəstdir.

Onun üçündür ki, biz DAK, DDAK və eyni hədəfə qulluq edən başqa  təşkilatların bütün qollarının, ama bütün qollarının, birliyini Azərbaycanımız üçün böyük uğur hesab edərək milli şuranın hər hansı bir dəstəni dəstəkləməsi söz qonusu deyildir. Dak mətbuat xidmətinin yaydəğı bir bəyaniyədə hörmətli Sabir bəy Rüstəmxalının ağzından , Berlin toplantısından sonra görüşlərində, Firidun bəy Pərvizniadan ad apararaq Milli Şuranın adının çəkilməsi dostlarımızda tidərgənlik yaradmışdır.

Son umumi iclasımızda “ milli şuranın “ tərəfsizliyini əks edtdirən bir bəyaniyə yayılması nəzərdə tutulmuşsada “ siyasi komisyon “ adından verilən bu bəyaniyə öz hədəfindən uzaqlaşdırılaraq ancaq daxili E- qrupumuzda dərc edilmişdir. Bu hərəkət isə bir tərəfdən dostlarımızı saymamazlıq kimi görünsədə bir tərəfdəndə genə 17 April 2008 tarixində 525-ci qazetdə verillən bir musahibədə “ Milli Şuranın “ adı çəkilərək tərəfsizliyimiz gobudcasına pozulmuşdur. Baxmıyaraq ki, bəzi üzvlərimizin etirazı nəticəsində, iş – işdən geçəndən sonra  Ərəb əlifbasında yazılmış bu bəyaniyə sitəmizdə yerləşdirilmişdir, ancaq atalar demişkən “sonradan atılan daş topuğa dəyər”. Məsələnin bir tərəfini təşkil edən Şimali Azərbaycanlı soydaşlarımız hadisələrdən xəəbərsiz buraxılmışdır.

Onun üçün biz aşağıda adları çəkilən Milli Şuarnın qurucu heyəti və üzvlərindən olaraq bu bildirişi yaymaq məcburiyətində qalaraq bir daha elan edirk ki, “ Milli Şura “ bu barədə öz tərəfsizlyini qoruyaraq, heç bir tərəfi dəstəkləmədən bütün millətimizə birlik arzusundadır. Müxtəlif ölkələrdə özəlliklə gözlərimizin bəbəyi milli varlığımızın orta dirəyi  olan əziz Bakımızda bizim tərəfsizliyimizi pozan bütün söyləntilər və təhriflər təkzib edilir.

Adlar əlifba sırası ilə

1-      Behruz Həqqi

2-      Boyuk Resuloglu

3-      Cabbar Settaroglu

4-      Eldar Fənni

5-      İsmail  Söhrab

6-      Məhəmməd Riza Xeşti

                                                  08.05.2008