فارس مدنیت راسیستلری نین آشدان ایسی کاسا اولما حئکایه لری می، یوخسا پاپدان داها دا پاپ اولما مسئله لری!

بیلیندیگی کیمی کئچمیش 82 ایلده فارس میللیتچیلری بیر سایدا فرصتچیل شخصلری اؤزلرینه اویونجاق ائده رک آذربایجان میللی منلیگی و کیملیگینی تاپداماق اوچون اونلاردان بیر باسقی دایاغی و وسیله سی کیمی فایدالانماغا چالیشمیشلار. بو باسقی وسیله و دایاقلاری کئچمیشده ایران (اوخو: فارس) تشکیلاتلاری آدی دونونا بورونه رک آذربایجان میللی منلیگی و کیملیگی علیهینه بالتا ساپی وظیفه سی نی اوستلنمگه چالیشمیشسالار دا، بوگون آذربایجان میللی مسئله سی دیرچلدیگی اوچون بونلار آذربایجان دونو اگینلرینه گئیینه رک فارس راسیست عامیلی کیمی اؤز راسیستلیکلری و قوللوقچولوقلاری نی فارس ایستعمارچیلارینا ثابیت ائتمک ایسترکن، پاپدان دا پاپ اولماغا چالیشارلار. دئمک آذربایجان ادبیاتیندا "کنگر کؤرفزی" کیمی تانینمیش، آنجاق بوگون فارس ادبیاتیندا "خلیج فارس" و عرب ادبیاتیندا ایسه "خلیج عرب" آدی بوگون فارس مدنیت راسیستلری اوچون وطن دئیه دویقو سؤمورمک وسیله سینه چئوریلمیش بیر مسئله ساییلار. بو دوغرولتودا فارس مدنیت راسیستلری نین "جنبش آذربایجان" آدینا یایدیقلاری بیلدیریشدن اوخویوروق:

"...  برای دفاع از یکپارچگی ایران درباره خلیج فارس و جزایر آن:  "جنبش آذربایجان برای یکپارچگی و دمکراسی در ایران" از کلیه شهروندان تبریزی می خواهد روز جمعه سیزدهم اردیبهشت ماه ، روز ملی خلیج فارس ، در شهر تبریز هم آورد ملی و دفاع از یکپارچگی کشور عزیز و تمدن ساز خود ایران برپا دارند و اراده قطعی خود ، برای مقابله با ادعاهای واهی در باره خلیج فارس و جزایر آن را اعلام دارند"(1).

اوسته کی عیبارتلره گؤز گزدیردیکده بو ذات اقدسلرین نئجه یازیق اولدوقلاری اورتایا چیخمیش گؤرونر. دئمک، ایران ممالیکی محروسه سینده بیرلیک مسئله سی ایله خلیج فارس میللی گون (روز ملی خلیج فارس) دئییمی نین هانکی ایلگی و ایلیشگیسی اولما مسئله سی نی آذربایجان سؤزلو (شفاهی) خالق داستانلارینداکی جیرتدان باشقا کیمسه بوگونه دک باشا دوشموش دئییلدیر. دئمک، آذربجان شهر و کندلری نین آدلاری فارس حاکیمیتی طرفیندن ایستعمار یؤنلو مقصدلر اوچون فارسلاشارکن (تورک یئرلی آدلار فارس کلمه سی ایله دگیشیلرکن)، فارس مدنیت راسیستلری آذربایجانلی و تبریزلی نی "ایران و ایرانی" دئیه یوخویا وئرمگه چالیشدیقلارینا باخمایاراق ایران ممالیکی محروسه سی قونشولوغوندا اولان عرب امیرلیکلرینه قونشو اولان کنگر کؤرفزینه عربلرین اؤز دیللرینه اویقون آد وئرمکلری فارسلاردان آرتیق فارس مدنیت راسیستلیگی و فارس ایستعمارچیلیغینا بالتا ساپی اولموشلاری قودوزلاداراق فارس ایستعمارچیلیغی اویونونا گلمکلری نی ایران ممالیکی محروسه سینده کی خالقلارا یانسیتمیش مقامدا یئر آلار. بو آیی اویناتمالار بوگونون دئییل، کئچمیش 80 ایلده ایران ممالیکی محروسه سینده فاشیستلیک و راسیستلیک سیاستلری اویقولاماغا چالیشیلارکن، بیر سیرا آذربایجانلیلاردان بیر بالتا ساپی کیمی ایستیفاده ائتدیکلرینه تانیق (شاهید) اولموشوق. 1356 اینجی ایل پهلوی سلاله سی حاکیمیتی نین سون گونلرینده بیله بیر سیرا اوزدن ایراق "جنبش آذربایجان" آدینا اورتایا چیخمیشلار واسیطه سی ایله محمد رضا شاه تبریزه گتیریله رک قوربانلیق دئیه اؤکوز قانی آخیتدیقلارینا و دووارلادا یازیلمیش "اؤلوم اولسون شاهلیق سیستیمینه" شعارلاری نین اوزرینه بویاق (رنگ) یاخدیقلارینا باخمایاراق خالقین جاوابی بو یاناشمالارا قارشین "پیسلیک بویاقلا سیسلینمز"(رنگ با ننگ پاک نمی شود) اولموش. دئمک، فارس ایستعمارچیلیق سیاستی بویاق و رنگی نی الدن وئردیگی اوچون فارس راسیستلیگی و شاهلیغی علیهینه باشلامیش تبریزده کی قیام ایران ممالیکی محروسه سی نین باشقا ویلایت و شهرلرینه ده یاییلاراق بو راسیستلری پیس گونه سالمیش. امیر اصلان افشار، محمد رضا شاه درباری نین تشریفات رئیسی (2) کئچمیشده آذربایجان میللتی علیهینه فارس شاهلیق سیستیمی طرفیندن ایشلنمیش جینایتلرده الی اولماسینا باخمایاراق بو ذات بوگون ده اوزدن ایراق "جنبش آذربایجان!!" آدلی فارس مدنیت راسیستلیک محلفی نین باشچیلاریندان بیری ساییلار (3). فارس مدنیت راسیستلری بوگون کئچمیشده کی کیمی کوروش کبیر آدی ایله حوری و قیلمان خیالاتلاریندا یاشامالارینا، فارس شاهلیق سیستیمی تاریخین چؤپلوگونه آتیلدیغینا باخمایاراق بونلار کئچمیشده کی کیمی گله جک فارس حاکیمیتینه بالتا ساپی اولماق موقعیتلرینی قازانماق اوچون "حزب مشروطه سلطتنی" و "حزب پان ایرانیست" آدلی فارس راسیست تشکیلاتلار ایله ده ایش بیرلیگی ایچریسینده گؤرونرلر (1). اؤزونو "جنبش آذربایجان!!" آدلاندیردیقلاری فارس مدنیت راسیستلری محفلی نین دبیرخانا رئیسی آدلانان لهراسب زینالی حزب مشروطه سلطنتی سیته سینه گؤندردیگی یازیدا یازیر:

" تاریخ نویسان نوشته اند که اولین چاه نفت بدستور داریوش بزرگ در منطقه شوش وگوشه ای از خوزستان نفت خیز حفر گردید بیست پنج قرن بعد اولین چاه نفت باز درهمان خوزستان این بار در منطقه مسجد سلیمان توسط شرکت برتیش پترولیوم کشف وحفر گشت. درست ازهمان روزمشکلات کشور افسانه ای ما ایران وارد مرحله جدید وپرتنش شد"(4).

اوسته گؤروندوگو کیمی یالان دئمک اوچون ده باشاریق لازیم. باشاریقسیز بیریسی نین یالان دئمه سی ده اونو پالانلانمیش دوروما دوشورر. دئمک، فارس مدنیت راسیستلری اؤزلرینی بیر چوخ فارسلاردان داها فارس تانیتماغا چالیشدیقلاری اوچون گرکسیز  یالانلاری دئمکله اؤزلرینی فارس ایستعمارچیلاری نین گؤزلرینه سوخولماغا چالیشدیقلارینا باخمایاراق لیاقتسیز اولدوقلاری اوچون اونلارا وئریلمیش و وئریلج جک گؤرَو و وظیفه آذربایجان کیملیگی و منلیگی علیهینه ایشه سالیناجاق بالتا ساپی پوزیسیونوندان آرتیق اولمایاج. بو مسئله ایکی یالانچی نین بیر بیرلرینه قارشین داورانیشلارینی خاطیرلاتمیش اولار:

بیرینچی یالانچی: - اوجوبونوغون بیر کباب شیشی وار ایمیش. یئمک ایسته دیگی اتی، او شیشه تاخاراق آی کوره سینده پیشیریب یئییرمیش.

ایکینجی یالانچی: - ده ده م اولدوقجا وارلی ایمیش. اونون بیر طویله سی وار ایمیش. طویله نین بو باشیندا اینک کله گلیب دورمادان یول گئده رک طویله نین او باشینا چاتمادان -دوققوز سونرا- دوغارمیش.

بئلیکله یالانلار بیر بیره ایزگیلنمیش (نقطه لنمیش) اولار. آنجاق قارشی طرفی اوستلمک اوچون ایکینجی یالانچی بیرینجی یالانچی نی قارالاماغا چالیشاراق سوروشار: - اوجوبونوق او شیشینی کباب ائتدیکدن سونرا هارا قویارمیش؟

بیرینجی یالانچی: سن ایددعا ائتدیگی ده ده نین طویله سینه!!

آذربایجان میللی مسئله سینه گلدیکده بو مسئله اولدوقجا راحات گؤرونمه سینه باخمایاراق میللی بیلینج و صداقت باخیمیندان بو مسئله اولدوقجا مرکب بیر مسئله دیر. دئمک، آذربایجان میللی مسئله سی آذربایجان دیل، مدنیتی و تاریخی اراضیلرینه اساسلانمیش بیر مسئله اولماسینا باخمایاراق اؤزگه بالتالارینا ساپ اولموشلار، آذربایجان خالقینا کورَک چئویرمیشلر، آنا امجگی کسمیشلر و ساییره لر ده یئری گلدیکده زامان زامان دورمادان اؤزلرینی آذربایجان میللت اوولادی دئیه قلمه آلماغا چالیشارلار. اؤزونو "جنبش آذربایجان" آدلاندیران فارس مدنیت راسیستلیک محفلی ده ائله او تیپلی شخصلرین باریناجاق یئری ساییلار. بونلار فارس تمامیتچیسی و راسیستی کیمی داورانمالارینا باخمایاراق اؤزلرینی آذربایجانلی و حرکتلرینه ده آذربایجان حرکتی (جنبش آذربایجان) آدی وئرمگه چالیشارلار. بئله لیکله آذربایجان خالق دیلینده بیر مثل وار، سوروشولار: - مسجیدین قاپیسی آچیق، ایتین حیاسینا نه گلمیش؟

دئمک، آذربایجان میللی مسئله سی هر بیر آذربایجان کیملیگی و منلیگینی سئون آذربایجانلی اینسانلارین اوزونه آچیق اولماسینا باخمایاراق فارس مدنیت راسیستلری آذربایجان میللی حرکتی نین آدینا تاخیلماق ایله هانکی دردلرینه چیخیش یولو تاپماق ایسته ییرلر؟ اونلار بیر داها آذربایجانلیلاری فارس راسیستلیک قوربانگاهیندا داغلاتماق ایسترلرمی، یوخسا، خالق حرکاتی ظفر چالدیبقدان سونرا فارس ایستعمارچیلاری یئرینه داغلانماق ایسترلر می؟ آذربایجان آدینا وئریلمیش فارس مدنیت راسیستلری نین بیانیه لریندن اوخویوروق:

" .... وقتی رئیس دولت حکومت مذهبی زیر نوشته «خلیج عربی» خاموش می نشیند و لب به اعتراض نمی گشاید ، هم امارات هستی نیافته بر جزایر ایران ادعاها می کنند و هم شرکت های معامله گر به مانند گوگول در نقشه هوا به زمین خود خلیج فارس را نام خلیج عربی می نهند. برای همین است که آذربایجانی بر می خیزد تا مشت محکم بر دهان بی گانه تجاوزگر زند و از تمامیت ارضی کشورعزیز خود دفاع نماید. پاینده ایران و ملت ایران. جنبش آذربایجان برای یکپارچگی و دمکراسی  ایران،  12، اردیبهشت 1387"(1).

مقاله یه وئریلمیش آد دا بو اوسته کی عیبارتدن آلینمیش. دئمک، فارس حاکیمیتی نین مقننه، قهریه و ایجرائیه اورگانلاری خلیج عرب مسئله سیندن راحاتسیز اولمادیقلارینا باخمایاراق فارس ایستعمارچیلارینا بالتا ساپی اولموشلار آذربایجان ایجتماعیتینی عوامفریبلیگه دوغرو ایتلمگه و اونلاری اؤز میللی منلیک و کیملیکلریندن اوزاق سالماغا چالیشارلار. بو آرادا "سازمان تربیت بدنی استاندار آذربایجانشرقی" نین ده فارس ایستعمارچی و راسیستلری نین اویونلارینا گلدیگی و آذربایجان ایجتماعیتی نی عوامفریبلیگیه دوغرو ایتلدیگی ده یئنی گلمیش خبرلر ایچره دیر، باخ بیرینجی شکیل(5).

فارس راسیستلیگینه بالتا ساپی اولموش پیمان پاکمهرین سیته سیندن اوخویوروق:

" این مراسم که برای اولین بار به مناسبت روز ملی خلیج فارس توسط سازمان تربیت بدنی استان آذربایجان شرقی ترتیب داده شده بود از ساعت 8 صبح روز جمعه 13 اردیبهشت ، از ابتدای جاده شاهگلی به طرف استخر شاهگلی آغاز شد"  (6، 6.1).

ایکینجی شکیلین آلتینداکی "جوانان آرمان خواه تبریزی" یازیسیندان دا بللی اولدوغو کیمی بو پلاگارد "فرمان آریا" آدلی پان ایرانیست و فارس مدنیت راسیستلیگی محفلینه باغلی بیر شعاردیر (7).

اوچونجو شکیل ایسه، گئنه پان ایرانیستلرین آذربایجان ایجتماعیتینه آشیلاماغا چالیشدیقلاری پان ایرانیست گؤرونوملرینی سرگیله دیگی پان ایرانیست گؤروشلری سرگیلمیش اولار(7، 7.1). قیسا سؤزله دئییلرسه، "خلیج عرب" دئییل،  "خلیج فارس" ایفاده سینی دوزگون حئساب ائدن ذات عالیلر پان ایرانیست گؤروشلری ایله اؤزلرینی دونیا ایجتماعیتینه حاقلی گؤستره بیلمزلر (باخ بیرینجی و اوچونجو شکیللر).

 بیلیندیگی کیمی "وطن" سؤزجوگونون آنلام و معناسی هر بیر اینسانین دوغولدوغو یئر ساییلار. آذربایجانلی و تبریزلی نین وطنی ده آذربایجان اولمالیدیر. "خلیج" سؤزجوگو ایسه بیر قورولوق ایچریسینه سوروکلنمیش و اوچ یاندان قورولوق ایله قوشاتیلمیش سو ساییلار. دئمک، "وطن" "خلیج تا ابد پارس" آنلامینا گلمز.

قایناقلار:

1                    جنبش آذربایجان برای یکپارچگی و دمکراسی ایران، 12 اردیبهشت 1387:

http://www.iranazar.net/seite21.html

2                    خاطرات فرح دیبا، تاریخ پهلوی، جلد 4، : عصر، مكالمه تلفنی شاه با انورسادات، به تلاشهای امیراصلان افشار رئیس تشریفات دربار كه می كوشید تا جای مناسبی به عنوان مقصد شاه هنگام خروج از كشور، تعیین كند، پایان داد. انگلستان فقط حاضر شده بود كه از شاه به عنوان یك " توریست برجسته" استقبال كند، دیگر كشورهای اروپائی و آمریكا هم چنین وضعیتی داشتند، تنها انورسادات بود كه می گفت" با كمال خوشوقتی از اعلیحضرت همچون یك سلطان مقتدر استقبال خواهد كرد". امیراصلان افشار از بختیار خواست كه خبر خروج شاه از كشور تا آخرین لحظه مخفی بماند . این تدبیر با نظر بختیار هم موافق بود. او برای اجرای برنامه های آرام سازی كه در ذهن داشت، از شاه قول گرفته بود كه جز اطرافیان نزدیك خود- كه جمعاً از ده نفر تجاوز نكنند- كسی را با خود نبرد.اما تمامی تلاشها برای جلوگیری از انتشار خبر خروج قطعی شاه از كشور، بجائی نرسید.

3                    اولین بیانیه جنبش آذربایجان: 14   فروردین   1387، امضاء کننده گان زیر به عنوان "شورای موقت جنبش آذربایجان" محسوب می شوند: http://www.iranazar.net/muus.html

4                   لهراسب زینالی ترک، حزب مشروطه ایران، نفت در مرز نود دولار یادی از عقاب اوپک، دوشنبه 7 آبان 2566 شاهنشاهی: http://www.irancpi.net/digran/matn_1905_16.html

5 پیمان پاکمهر، تبریز در دفاع از خلیج همیشه فارس به پا خاست1:

http://tabriznews.ir/fa/index.php?option=com_content&task=view&id=470&Itemid=1

6                    پیمان پاکمهر، تبریز در دفاع از خلیج همیشه فارس به پا خاست:

http://tabriznews.ir/fa/index.php?option=com_content&task=view&id=470&Itemid=1

6.1            فرمان آریا، پان ایرانیست، فلات ایران زمین به زیر یک پرچم:

http://www.farmane-ariya.blogfa.com/post-327.aspx

7         پیمان پاکمهر، تبریز در دفاع از خلیج همیشه فارس به پا خاست3:

http://tabriznews.ir/fa/index.php?option=com_content&task=view&id=473&Itemid=1

7.1                   فرمان آریا، پان ایرانیست، فلات ایران زمین به زیر یک پرچم:

http://www.farmane-ariya.blogfa.com/post-327.aspx

ایشیق سؤنمز، 02.05.2008