BƏYƏNAT
Əziz həmvətənlər!
Bu gün 12 saylı Cəzaçəkmə Müəssisəsində
saxlanılan "Gündəlik Azərbaycan" və "Realnıy
Azerbaydjan" qəzetlərinin təsisçisi və baş
redaktoru olmuş Eynulla Fətullayev ATƏT-in media azadlığı
üzrə xüsusi nümayəndəsi Mikloş Haraşti və ATƏT-in
Bakı ofisinin rəhbəri Xose Luis Herrero ilə görüşdükdən
sonra onların xahişi ilə aclıq aksiyasını dayandırmış
və onunla həmrəylik nümayiş etdirərək aclıq
aksiyası keçirən şəxsləri də aclığı
dayandırmağa çağırmışdır. «Yeni Müsavat»
qəzetinin redaksiyasında keçirilən dəstək aksiyası
da Eynulla Fətullayevin xahişi ilə dayandırılmışdır.
İsveçdə yaşayan bir qrup soydaşımız da 12 gündür
davam edən aclıq aksiyasını bu gündən etibarən
dayandırır və bütün aksiya iştirakçılarını,
onlara dəstək verənləri, azərbaycan xalqının
öz taleyinə, övladlarının gələcəyinə biganə
olmayan hissəsini gələcəkdə mübarizənin daha
təsirli vasitələrindən istifadə etməyə çağırır.
Qoy iqtidar bilsin ki, Azərbaycanda yaşayan jurnalistləri
susdurmaqla azad sözə son qoymaq mümkün olmayacaq. Bu rejimin üzündən
bütün dünyaya səpələnmiş azərbaycanlı
jurnalistlər susmayacaq. Biz bu rejimin cinayətlərini görürük
və gördüklərimizi yazırıq. Bu işdən bizi
kimsə çəkindirə bilməz. Azərbaycanda yaşayan
həmkarlarımıza təzyiqlər gücləndikcə biz
də bu rejimə təzyiqlərin güclənməsinə nail
olacağıq. Bunun sonu sağlam düşüncəli hər bir
insana aydındır - rejim çökəcək! Sadəcə,
hər bir ictimai-siyasi prosesdə olduğu kimi, bunun bir zamanı
var və bu zaman yaxınlaşmaqdadır.
Biz, İsveçdə aclıq aksiyası keçirənlər əminik
ki, aksiyamız öz bəhrəsini verdi. İndi bütün dünya
Azərbaycanda azad sözün, azad mətbuatın ağır
durumundan danışır və Azərbaycan iqtidarını
məhkum edir.
Mübariz Əzimli - "Müsavat TV"-nin baş redaktoru, Stokholm,
İsveç
Əli Məmmədov - Müsavat Partiyası Stokholm-2 özəyinin
sədri, Stokholm, İsveç
Nicad Verdizadə - jurnalist, Müsavat Partiyası Linşöpinq özəyinin
sədri, Linşöpinq, İsveç
Vüqar Muradlı - jurnalist, "Hürriyyət" qəzetinin keçmiş
əməkdaşı, Kalmar, İsveç
Rahib Kazımlı - jurnalist, "Yeni Müsavat" qəzetinin keçmiş
əməkdaşı, Stokholm, İsveç
Elnur Sadıqov - jurnalist, "Azadlıq" qəzetinin keçmiş
əməkdaşı, Stokholm, İsveç
7 aprel 2008, Stokholm, İsveç
--
Hörmətlə,
Mübariz S.Əzimli
Stockholm, İsveç
Tel.: +46739310472
www.musavatisvec.com