BƏYƏNAT

Əziz həmvətənlər!

Azərbaycan Respublikasında azad sözə, azad mətbuata və müstəqil jurnalistlərə qarşı Elmar Hüseynovun xaincəsinə qətli ilə başlayan dövlət terroru gün-gündən daha da şiddətlənməkdədir. Bunun təzahürüdür ki, Azərbaycandakı mürtəce rejimi tənqid etməkdən başqa bir günahı olmadan 8 il yarım həbs cəzası almış Eynulla Fətullayev 26 mart tarixindən bu iki tələblə aclıq aksiyasına başlamışdır:
1. Jurnalistlər və siyasi məhbuslar qeyd-şərtsiz azadlığa buraxılmalıdır;
2. Avropa Şurası və ATƏT vicdan və siyasi məhbus probleminin həlli mexanizmini Azərbaycan ictimaiyyətinə təqdim etməlidir.
Biz, İsveçdə yaşayan müsavatçılar eyni tələblərlə bu aksiyaya qoşulduğumuzu və 28 mart tarixindən etibarən aclığa başlayacağımızı elan edirik. Aksiya barədə İsveçin müvafiq təşkilatlarına və İsveç mediasına məlumat veriləcəkdir.

Mübariz S.Əzimli
Əli Məmmədov
Nicad Verdiyev

27 mart 2008, Stokholm, İsveç

--
Hörmətlə,
Mübariz S.Əzimli

Stockholm, İsveç
Tel.: +46739310472
www.musavatisvec.com