Hər yerdə QİYAM - Hər yerdə AZADLIQ !!!

ABBAS Atilay

Gözümüzü bu işıqlı dünyaya açandan dünyaya qaranlıq gözlərlə baxmışıq. Direkt görə biləcəyimiz həqiqətlər bizə yetişməsi üçün bir beçə süzgəcin gözündə keçməli olub. Bizə çatansa onun dibində ilişib qalmış "həqiqətlər", həqiqətsizliklər, iyrəncliklər olub.

Gözlərimizdəki süzgəç əkizimiz QORXU-du. Real həqiqətləri gözlərimzə çatana qədər saf çürük edən Ozon təbəqəsidir O. QORXU istehsal maşını isə ailələrimizdir. Doğulan kimi bu mirası beynimizə soxdular. Beşiyimizdə "xortdan", evimizdə "ata", məktəbdə "müəllim", idarədə "müdir", cəmiyətdə "mentalitet", dövlətdə "prezident". Bu qorxu bizimlə doğulur, bizimlə böyüyür və bizimlə ölür. Bizim ən sadiq "yol yoldaşımız"-dır.

Qorxu "müqəddəsdir", ondan ayrılmaq mubah. Atanın mirasıdır, onu tərk etmək ataya xəyanət. Biz ona sadiqik, evdə-eşikdə, çöldə-bayırda, kabinetdə, tualetdə, hamamda, təsəvvür edəcəyimiz hər yerdə, bütöv olaraq həyatda. Hətta sevgilimizlə toy gecəsi belə o bizimlədir. Yataqda, pəncərədə, qapının dəliyindəki beli bükük kaftarın bizə zillənmiş gözlərində. Bax, beləcə əsasını qoyuduğumuz uşağında mayasına qorxunun toxumlarını ustalıqla səpirik. Buna görə nə biz kişiyik, nə atalarımız kişi olub, nə də qorxunun aguşuna tullayacağımız övladlar kişi olacaq.

Bizi müqəddəs "İdeal"-a, QORXU-ya götürən yollar simli məftillərlə-mentalitet, zəif insanların son xilası - "əxlaq"-la hasarlanıb. Bu "əxlaq" geriliyin, ətalətin, yaşlılığın, qocalığın daş üzərində oturub çevirdiyi təsbehinin "qiymətli" əqiq daşıdır. Onların varlıqları qədər "qiymət"-i var.

Sən "əxlaqlı", mən "əxlaqlı", o "əxlaqlı"

Belə olar rəzil insanın həyatı.

 ALMA Azərbaycan gəncliyinin ilk səsiydi. ALMA "əxlaq" bütlərini yerindən titrədən zəlzələydi. ALMA ətalət beşiyində uyuyan cəmiyyətin alarmı, budilniki idi. ALMA mentalitetin, gerilikçi adət ənənələrimizin təməlini sarsıdan hiss olunmaz qüvvə idi. ALMA Həvvanın reallığa-mövcudluğa qiyamı idi. ALMA zəhmətlə qazanılmamış nəticədən imtina idi. ALMA qadağan olunmuş meyvə idi. ALMA qadağalara qadağa qoyan meyvə idi. ALMA bizim yeyəcəyimiz meyvə idi...

ALMA qəzeti Azərbaycanın 16 illik müstəqilliyi tarixində gənclərə total təsir edən, ouditoriyası dayanmadan genələn ilk uğurlu addım idi. O addım ki, sonunda permanent qiyam vardı. Cəmiyyətə, hakimiyyətə, kultlaşmış beyinlərə, bütləşmiş tabulara qarşı viran edici dalğa. O dalğa ki, anarxist müəllim Xaqanı HAS-ın nəfəsi hiss olunurdu. Bu dalğa QORXU-nu alt-üst edən hər yerdə QİYAM - hər yerdə AZADLIQ var edəcəkdi. O işlər ki, heç vaxt atalarımız tərəfində edilmədi, onun da atası etməmişdi, onun da atası etməmişdi, onun da atası etməmişdi, onun da atası etməmişdi, onun da atası etməmişdi...Bax belecə qalaq-qalaq bizə miras qoymuşdular bu problemləri. Amma biz atalarımızdan fərqliyik. Çünki onları inkar edirik, getdikləri yolları danırıq, yaşadıqları həyatsız-həyasız QORXU-ya qan püsgürürük. "Yaşamaq" deyil, kişi kimi yaşamaq istəyirik, permanent QİYAM, daimi AZADLIQ istəyirik. İndividual anarxizm tərəfdarıyıq. Xaqani HAS-ın dediklərinin tərəfdarıyıq:

“Mən”ə qarşı olan hər şeyə qarşı qiyam! Daimi qiyam, permanent qiyam; hər zaman, hər yerdə qiyam! Kifayət qədər pulu olmadığına görə müalicə edilməyən xəstə xəstəxanada, haqları əlindən alınan tələbə universitetdə, əri tərəfindən zorlanan və təhqir olunan qadın evdə, dindirmədə söyülən və döyülən “şübhəli şəxs” istintaqda, zorla mitinqə aparılan məmur iş yerində qiyama qalxmalıdır. Xəstə, palataya gələn baş həkimin üzünə tüpürəndə, tələbə rektoru döyəndə, qadın yatdığı yerdəcə ərinin cinsi orqanını kəsib zibil qabına atanda, saxlanılan şəxs çıxandan sonra polis məntəqəsini bombalayanda azad olacaq. Azadlıq - permanent qiyamdır"

Martın 9-da ALMA qəzeti "qapadıldı", qadağan edildi. Amma bu taxtabaşlar bilmədilər ki, ALMA "QADAĞAYA qarşı QADAĞA"-dı. Zənn etdilər ki, hər şey bitdi. Ay-Hay. Hər şey indi başlayır. Permanent qiyam. Hər yerdə QİYAM - hər yerdə AZADLIQ!!!

Ey, QƏRB-də yaşayan Azərbaycan gəncliyi, bu gün çürümüş gerilikçi təfəkkürün xarabalıqları üzərində qurulacaq yeni həyata sən də qoşul! Azərbaycandakı gənclərə dəstək səsini ucalt! Atalarımızın QORXU üzərində saldığı komaların təməlinə sən də 1 dinamit qoy! Birlikdə Azərbaycanımızı gənc təfəkkürlə quraq!

Abbas Atilay /OSLO/                               abbasatilay@yahoo.com