Səttarxanın anım törənində iştirakçıların verdiyi sonuc bildirisi

Ulu tanrının adıla

Qaranlıq danışır aydıncasına zülm sözünü sən him-cimlə demə göstər haqqın özünü

Biz Azərbaycanın ulu sərdarı, şəhid Səttarxanın, 93-uncu anım törəninə toplaşanlar, seçdiyimiz yolun düzgün olduğuna sıx inanaraq,millətimizin dəstəyinə arxalanıb,ötən illərdə Azərbaycana ehda olunan, tökülən şəhidlərqanına andiçərək, bir daha çabalarımızın dinc davam etməsini vurğulayıb,istəklərimizi ulusun qulluğuna sunuruq.

1-İran İslam Respublikası dinc çabalarda olan Azərbaycan milli hərəkat çalışqanlarına qarşı “təhlükə dayandırıcı” kibi yanaşmaların eləcədə böyük ulusun dayanaqlı iradəsində çatlaq yaratmaya yararsız olan basqıların dərhal dayandırmalıdır.

2-Azərbaycanın həbsdə olan, siyasi çalışqanları,dinc çabaları ucundan həbsə alınan fəalları, habelə qazamata atılan insan haqları müdafiəçiləri, dərhal və şərtsiz, azadlığa buraxılmalıdır.

3-Son illər sürəsində bir çox yüksək sayda yayınlanan milli kimligin müdafiə edən bağımsız öyrəncsəl dərgilər qapadılaraq baş redaktorları hədələrlə üzləşiblər.Nəşrinə Verilən qadağa geri götürülərək mətbuatın yayını yenidən bərpa olunmalıdır.

4-Dinc çabalarıla milli kimliyin savunan öyrəncilərə bilimyurdunun inzibati komitələri tərəfindən verilən təhsil qadağası geri götürülməlidir.

5-İşsizlik, narkotik və uyuşdurucu maddələr eləcədə mühacir axını dalğalarıla Azərbaycan təhlükəli hədəyə məruz qalıbdır. Görəvlilərin surumluluq hissi duymadıqları və məsulların başsoyuq yanaşmaları dözülməz hal olubdur.Suçlu və bacarıqsız məsullar cəzalandırılmalıdır.

6-Bilimyurdları və elmi inistitutlarda zorakılıq və icbarca təhsildilinin farsca olması qərarı geri oxunub ibtal edilməlidir.

7-Ölkədə yaşayan türklərin dilinin rəsmi tanınmasına təməl ,ilkəl və elementar hazırlıqlar görülməli,elə həmən bu dildə ölkənin hər yerində alına biləcək radio və tiliviziya verlişləri yola salınmalıdır.

8-Güney Azərbaycan ərazisin parçalamaqla yeni rayonlar yaratma planı dayandırılmalı və Azərbaycan adı onun sakinlərinə qaytarılmalı,bölgədə ulu sakinləri tərəfindən verilən və bəzi anlamsız unvanlarla dəyişdirilən adlar geri götürürməli və əski çağlardan tanınan adlarıla səslənməlidir.

9-Kültür və tarixi abidələrimiz qorunmalı, səhv ya qəsdilə pozulub aradan getməsinin qarşısı alınmalıdır.

10-İran hakimiyəti İslam adından yararlanaraq ırqıcı siyasətlər yürütməsin davam etməməlidir.

İnsan və insanliğa qarşı emal etdiyi qərarlarda israrlıdırsa ölkənin adından “islam” sözcükünü götürüb ölkəni “İran islam” deyil ,“İran pars respublikası “adlandırmalıdır.

11-İran-Ermənisatn işdaşliğını pisləyib məhkum edərək Ermənistanın qarabağda şiələrə qarşı törətdiyi soyqırımlarına etiraf edib işğal etdiyi ərazilərdən geriyə çəkildiyinə qədər müsəlman ölkələrin Ermənistanla hanki bir münasibət qurmayacağına inanırıq.

12-“Pkk-Pejak “terrorçu cinayətçi çətə dəstələri və onların himayəsi altında çalışan qaçaqçılar batı-Azərbaycan əhalisinin canın və malin təhlükə ilə qarşılaşdırıb.Bu terror və qaçaq amillərinə qarşı batı Azərbaycanda kəsin təpki göstərməsin istəyib, etnik tərkibini dəyişdirmək nədənilə həyata geçirməkdə olan siyasətləri pisləyib məhkum edirik.

13-Ulu milli sərdarın vəssiyəti və tapşırığı əsasında məzarının Təbrizə köçürülməsini istəyirik.

Azərbaycanın ulu sərdarı, şəhid Səttarxanın, 93-uncu anım törəninə toplaşanlar.

Milli Şura 2007il noyabrin 15

-----------------------------------------------------------------------------------------------

Aldığımız son məlumata görə,Hüccətülislam Əzimi Qədim azad olunub.

------------------------------------------------------------------------------------------------------------------------------------------------

Şahidlərin verdiyi məlumata görə, Səttarxan məzarında tutulanların sayı 31 nəfərə çatır. Onlardan 3 nəfəri qadındır.

Aldığımız məlumata görə bu gün mərasimdə "iştirak edən" intizami qüvvələr və şəxsi geyimdə olan ETTELAAT məmurlarının sayı hər ildəkindən artıq imiş. Onlar hər kimdən ki, şübhələnirmişlər tutub xüsusi gətirdikləri avtobusa aparırlarmış.Bir neçə ETTELAAT məmuru kamera ilə şübhələndikləri milli fəalların filmini çəkirmişlər. Bundan da məqsəd onlara hədə - qorxu gəlib, törənin qarşısın almaq imiş. Eyni halda bəzi mədrəsələrdən fars milliyətli şagirdləri yığıb Səttarxanın məzarına gətiriblər və oradaca çay, şirni verməklə dövlətin təşkil etdiyi mərasimə adamları cəlb edirmişlər. Həm də bir nəfər dövlət nümayəndəsi çıxışçı kimi nitq söyləyib Səttarxan haqqında saxta məlumatlar verirmiş. Qeyd edək ki, bu çıxış xüsusi səsgücləndirici ilə ətrafa yayılırmış.

-----------------------------------------------------------------------------------------------

ETTELAAT - ın məmurları Səttarxanın məzarında milli fəallara vəhşıcəsinə hücum ediblər

Aldığımız məlumata görə, Güney Azərbaycanın milli fəalları bu gün - 2007 - ci il 15 noyabr tarixində qabaqdan elan olunan kimi Səttarxanın məzarında, Tuti bağında ( Şəhre Reydə yerləşir ) yığışıb və onun şəhid olmasının ildönümü ilə bağlı törən keçirmək istəyirmişlər. Amma çox təəssüf, İran rejiminin agentləri tərəfindən milli fəallara vəhşicəsinə hücum olub. Bədn xəsarəti alanların və həbs olunanların sayı çoxdur, amma hələ ki, hamısının adı bizə çatdırılmayıb. Bizə çatan məlumata əsasən aşağıdakı şəxslər həbsdədir :

1.Mütərrəqi və mübariz ruhani Hüccətülislam Əzimi Qədim. Aldığımız məlumata görə, o, tutulanda bədən xəsarəti alıb və naməlum yerə aparılıb.

2. Bilal Vəlizadə

3. Cəfər Pejman

4. Hüseyn Səttari

5.Araz Nəğipur

6.Ayda

7.Yanar Sönməz

8. Hicazi

----------------------------------------------------------------------------------------------------

Settar xanin ildonum merasiminden xeber

Rey şəhərindən aldığımız xəbərlərə əsasən bu gün Cuma axşamı (86.8.25) bu şəhərin Şah Əbdüləzim hərəmində yerləşən milli sərdar Səttarxanın məzarı üstdə toplanıb, Azərbaycanın milli qəhrəmanı və məşrutə hərəkatının ən böyük lideri adlanan Səttarxanın şəhadət il dönümünü qeyd etmək istəyənlər və İran dövlətinin əmniyyət gücləri arasında qarşıdurma yaranıbdır.

İran dövlətinin izinsiz və qanunsuzluğa yol açan yığıncaq adlandırdığı bu aksiyada ETTELAAT gücləri tərəfindən tutuqlananların sayısının 4-5 nəfər olduğu söylənilir. Tutuqlananlardan ikisinin adları isə artıq bəllidir. “Eyvaz Xani” və “Dariyuş İbadpur”. Həbs edilən şəxslərin arasında bir də qadın iştirakçı olubdur. Tutuqlanan şəxslərin haqqında bu zamana dək heç bir bilgi əldə edilməyib. İştirakçıların bir neçəsi isə 2-3 saat ETTELAAT gücləri tərəfindən tutuqlu şəkildə sorğulanıb üst-baş axtarışından keçdikdən sonra sərbəst buraxılıbdırlar.

Keçən ilki kimi Rey şəhərinin İrşad idarəsi tərəfindən saxta, nümayişi və caydırıcı bir törənin elə həmən saatlarda Səttarxanın məzarı üstdə keçirildiyi bu günün maraqlı faktlarından biri sayılır. Bununla yanaşı hərəm və ona xətm olan küçələrdə sivil (şəxsi) geyimli dövlət əmniyyət güclərinin qalabalığı da başqa diqqət çəkən məqam olubdur.

Azerbaycan Oyrenci Herekati - rey