|
18 OKTYABR PEŞƏ
BAYRAMI SƏVİYYƏSİNƏ ENDİRİLİB
Hacıbaba Əzimov: Müstəqillik tariximizin unutdurulması
prosesi gedir
Bu gün dövlət
müstəqilliyinin 16-cı ildönümüdür. 16 il əvvəl
Ali Soveti dövlət müstəqilliyi haqqında Konstitusiya
Aktını qəbul edib. Sənədi hazırlayan
və onu tribunadan maddə-maddə səsə qoyan sabiq
deputat Hacıbaba Əzimov olub. Bu tarixi məsuliyyəti
öz üzərinə götürmüş H.Əzimov əvvəlcə
təvazökarlıq etdi.
Qətiyyən iddia etmirəm ki, dövlət müstəqilliyi
haqda Konstitusiya Aktı yalnız mənim əməyimin
məhsuludur. Onun ortaya çıxması və
nəhayət, parlamentdə qəbul olunması 1990-cı
ilin oktyabrından Ali Sovetdə vətənpərvər
deputatlardan ibarət Demokratik Blokun mübarizəsinin
bəhrəsidir. Mən Demblokun müstəqillik barədə
təkliflərini komissiya sədri olaraq sadəcə ümumiləşdirdim
və qələmə alıb sənəd şəklinə
saldım. Bu, Allahın verdiyi qismət idi ki,
Azərbaycanın dövlət müstəqilliyinin qəbulu
kimi tarixi işdə mənim də iştirakım olub.
Bununla fəxr edirəm.
H.Əzimova görə, bu sənəd o zaman müstəqilliklə
bağlı qəbul edilən sənədlərin ən
mükəmməli olub: Məhz bu sənədin
prinsipləri əsasında 1995-ci ildə yeni Konstitusiyamız
qəbul olunub. Ancaq təəssüf ki, çoxlarının dövlət
müstəqilliyi haqqında Konstitusiya Aktının
məzmunundan xəbəri yoxdur. Çünki o, çap edilib
təbliğ olunmur, ali və orta məktəblərdə
öyrədilmir. Məqsəd məlumdur. 18 oktyabr Dövlət
Müstəqilliyi Gününün unutdurulması prosesi gedir. Keçən
il qərar verdilər ki, 18 oktyabr bayram olaraq qalır,
ancaq iş günüdür. Dünyada analoqu olmayan dəhşətli
faktdır ki, ölkənin dövlət müstəqilliyi kimi önəmli
bayram bizdə peşə bayramı səviyyəsinə
endirilib. Bu, Azərbaycana utanc gətirən faktdır.
Bunu da düşmən ölkələrlə və düşmən
millətlərlə əlaqəsi, qohumluğu olanlar
etdilər.
Etibar SEYİDAĞA
|