سون شاباش

گوئنی آذربایجان میللی حرکاتینین مالی احتیاجلارینین کیچیک بیر قیسمی نین باغیمسیز تأمین اولماسی اوغروندا دوستلارلا بئله قراره گلمیشیک کی بو احتیاجلار چئشیدلی میللی یاردیم واسطه لریله تأمین اولونسون. بو واسیطه لردن بیری «سون شاباش» آدلانیر. آدیندان بللی اولدوغو کیمی دونیا آذربایجانلیلارین بوتون توی ، آدگونو ، بایراملار و بو کیمی بر پا اولونان شنلیک مراسیملرین سونوندا «میللی یاردیم» آدینا بسته لنمیش«سون شاباش» اویون هاواسیلا توپلانان پوللار ، امین آداملارین واسطه سی ایله «میللی یاردیم» فوندونا کوچورولسون ، دونیا آذربایجانلیلارین بوتون شهر و کندلرینده برپا ائدیلن بئله بیر شنلیک مراسیملرینده «سون شاباش» دان توپلانان میللی یاردیم اوچون فوندون یارادیلماسی و او یاردیملاری گونئی آذربایجانین میللی حرکت مرکزینه چاتدیریلماسی ، هئچ بیر وجدنلی آذربایجانلی اوچون پروبلم دئیلدیر.

بو یاردیم لار آذربایجان حرکاتینین کاسیب عائیله لرینه ، حبس اولونانلارین عائیله لرینه ، اونلار اوچون وکیل و وثیقه تأمین ائدیلمه سینه ، میللی علاقه لر اجلاسلارین سفر خرجلرینه ، کتاب و نشریات چاپ اولماسینا و باشقا واجب پلانلارا خرج اولوناجاقدیر. بوتون دونیا آذربایجانلیلارین توی و شنلیکلرینی تبریک ائده رک اونلاردان رجاء اولونور بئله بیر شرفلی مقصد اوچون آشاغیدا گلن ایمیل له علاقه ساخلاسینلار.

Ma_haray@yahoo.com

Son şabaş

Güney azərbaycan milli hərəkətinin mali ehtiyaclarının kiçik bir qisminin bağımsız təmin olması uğrunda dostlarla belə qərarə gəlmişik ki bu ehtiyaclar çeşidli milli yardım vasitərərilə təmin olunsun. bu vasitələrdən biri (son şabaş) adlanır. Adından bəlli olduğu kimi dünya azərbaycanlıların bütün toy , ad günü , bayramlar və bu kimi bərpa olunan şənlik mərasimlərin sonunda (milli yardim) adına bəstələnmiş (son şabaş) oyun havasilə toplanan pullar , əmin adamların vasitəsilə (milli yardim) fonduna köçürülsün. Dünya azərbaycanlıların bütün şəhər və kəndlərində bərpa edilən belə bir şənlik mərasimlərində (son şabaş) dan toplanan milli yardim üçün fondun yaradılması və o yardımları güney azərbaycanın milli hərəkət mərkəzinə çatddırılması heç bir vicdanlı azərbaycanlı üçün problem deyildir.

Bu yardımlar azərbaycan milli hərəkatının kasib ayilələrinə , həbs olunanların ayilələrine , onlar üçün vəkil və vəsiqə təmin edilməsinə , milli əlaqələr iclaslarin səfər xərclərinə , kitab və nəşriyat çap olunmasina və başqa vacib planlara xərc olunacaqdir.

Bütün dünya azərbaycanlıların toy və şənliklərini təbrik edərək onlardan rica olunur belə bir şərəfli məqsəd üçün aşağıda gələn imail lə əlaqə saxlasınlar.

Ma_haray@yahoo.com

منوچهر عزیزی (هارای )                                                                                                            86/07/13

سفردن اوغورلو قاییتدیم

آوروپایا 36 گونلوک اوغورلو سفریمین دؤنوشونده مهر آباد آییرپورتوندا موفتیش لر طرفیندن منیم و حیات یولداشیمین پاسپورتو تبریزین پاسپورت اداره سینه حواله ائدیلسه ده ، گؤمروک موفتیش لری طرفیندن حؤرمت سیزلیگه معروض قالاراق 11 عنوان ادبیات کیتابیم و عائله وی CDلریم مصادره اولونسادا ، آوروپادا یاشایان وطنداشلاریملا اوغورلو آنلاشمالاریمین حدّی – حسابی یوخ ایدی. ملی وجدانیمی راضی ساخلایان بئله بیر جدی آنلاشمالار ، بوتون عؤمرومون اَن ثمره لی گونلریندن ایدی.

توپلانتی لاردا گؤروشدویوم چئشیدلی پارتیا و تشکیلاتلارین نماینده لریله «آذربایجان» آدی آلتیندا خالقیمیزین پولاد اراده سیندن حؤکم وئریلمیش میللی ایستکلریمیزین حیاتا کئچیریلمه سی اوغروندا سارسیلماز ایش بیرلیگی آپارماغیمیزا سؤز وئردیک. چوخ صمیمیتله سؤز وئردیک کی بیری بیریمیزین علیهینه دوشمن سئوه ر شانتاژلارا سون قویاراق بوتون وار گوجوموز له گونئی آذذربایجانیبن قهرمان میللتی نین سارسیلماز میللی مبارزه لرینه مادی - معنوی یاردیم ائده ک. سؤز وئردیک کی مبارزه میزین تاکتیکی فرقلرینه باخمایاراق ، استراتژیادا گونئین اراده سینه تمکین ائده ک ، خارجله داخلین سیستماتیک حالدا دائماً فیکیر مبادله سینی آنلاشماسینی ، سارسیلماز ایش بیرلیگینی رهبر توتاراق ، خارجدن داخله رهبرلیک ائتمه یه سون قویاق. من خارجده یاشایان وطنداشلاریما سؤز وئردیم کی ، اؤلکه داخیلینده کیمسه رهبرلیک قراریندا دئیل. بو او دئمک دیر کی کیمسه اؤزونو گونئی آذربایجان میللتینه رهبر و لیدر سانیرسا او اؤزونو 35 میلیون قهرمان گونئی آذربایجان میللتیندن اوستون گؤره ن بیر خسته دیر. بو میللت گله جکده میللی رهبرلیک شوراسینی یاراتماق لیاقتینه کفایت قده ر شعورا مالیکدیر. من شخصاً خارجده یاشایان میللی فعاللارینین اللرینی سیخیرام و اونلارا فخر ائدیره م. امیدوارام بوتون توپلانتی لاردا ، عائله وی گؤروشلرده چوخ جیدّی سؤز وئردیگیمز قرارلار ، بیر آن بئله سارسیلماسین. موباریزه میزه چوخ جیدّی باخسینلار. اورتا دا آپاریلان شانتاژلار و ضدیتلر موشترک دوشمانلاریمیزین فیریلداقلی اویونلاری دیر. کیمسه نین تفرقه سالماغا حاققی یوخدور. من سیزی امین ائدیرم اورتامیزدا بیر ایکی نفر نادان اولسادا ، خبیث یوخدور. یاخین گله جکده غلبه بیزایله دیر «بیربیریزدن آیریلمایید آماندیر».