BAKININ AZAD OLUNDUĞU GÜN MÜSDƏQİL DÖVLƏTİMİZİN BAYRAĞI TƏHQİR OLUNDU!

                                                 Kamran Nərimanoğlu

18 sentyabr ---  Bakının Türk qoşunu tərəfindən yadelli işğalçılardan azad edildiyi gündür!

 Hər il 18 sentyabrda  Türkiyənin Bakıdakı Böyük Elçiliyi və müxtəlif təşkilatlar tərəfindən bu gün bayram kimi qeyd edilir.Xatırladım ki, bu ilki bayram tədbiri 15 sentyabrda Filormoniyada keçirilib. Doğrudan da, hər bir xalqın həyatında elə günlər var ki, o gündə bir xalqın taleyüklü məsəkləsi həll olunub. Elə qeyd etdiyimiz tarix də bu baxımdan təkcə Azərbaycan yox, bütün türk xalqının bayram kimi yadda saxlayacağı gündür.

  XX əsrin əvvəllərindən etibarən ermənilər və ilk növbədə onların havadarları, neft qoxusunu burnundan heç zaman qova bilməyən ruslar, ingilislər Bakını əldə etmək eşqi ilə yaşayırdılar. Azərbaycanın sərvəti olan nefti mənimsəmək üçün biryolluq Azərbaycanı parçalamaq, məhv etmək planı işlənilmişdi. Ən əsası isə Baki işgal olunmalıydı. M.Ə. Rəsulzadənin fikri ilə desək  : "Bakısız Azərbaycan --- başsız bədən kimi bir şeydir!"  Məqsəd Azərbaycanı başsız qoymaq, bununla da başını kəsib, qanını axıdıb, öldürmək idi. Amma düşmənlərimiz həmişə olduğu kimi, bu dəfə də mənfur niyyətlərinə çatmadılar. Minlərlə Azərbaycanlı qanı axıdılsa da, lakin son anda şanlı türk ordusu Bakıya girdi, döyüşdü və haqqı nahaqqın ayağıa endirmədi. Bakı neftını iyləyə - iyləyə gəlib çıxanlar, arxalarına baxmadan qaçmalı oldular.

    Yuxarıda qeyd etdiyim kimi, hər il olduğu tək bu il də ardıcıl bayram tədbirləri ilə bu şərəf tarixi Şamaxıda, Göyçayda və sonda paytaxda tarixi gün  kimi yadda qalan şıkildə keçirildi. Amma bu il Filormoniyada keçirilən bir müstəqil ölkənin paytaxtının azad olunduğu gün, başqa illərdəkindən daha çox yadda qalan oldu. Beləki, səhnədən asılan dövlət bayrağı baş - ayaq asılmışdı. Zala yığılan tamaşaçılar arasından  nə qədər işarələr olsa da, buna məhəl qoyulmadı. Ürəyi təmiz türk xalqı bunu bir təsadüf bildi. Amma bu az imiş  kimi səhnədə göstərilən video lentdə də yenə bayrağımız baş - ayaq asılmışdı. Əcabə, hər hansı bir dövlətin bayrağı millətin ruhundan, qanından, canından doğur və onun dövlətinin sinvoluna, atributuna çevrilir. Biz türklər nə vaxtdan baş - ayaq yeriməyə başlamışıq ki, bayrağımızda da yer dəyişmələr olub ?  Bəlkə bu da təsadüfdü ? Əgər taleyimizə belə təsadüflər yazılırsa, bir xoşbəxt məqamda qonaq gəlsin !

  Bunu buraxaq millətin öhdəsinə, amma xahiş edirəm, düşünsün. Çünki  bu qəti təsadüf deyildi! Səhnədə çıxış edənlər bugünkü Azərbaycanın işgal olunmuş, onun mövcud sərhədlərindən kənarda qalan tarixi torpaqlarını dilə gətirəndə, bəs niyə 40 milyonumuzun yaşadığı böyük bir ərazi olan GÜNEY AZƏRBAYCANIN adı heç kim tərəfindən qəti dilə gəlmədi ?