Azərbaycan prezidenti İran prezidentindən rəsmi təkzib tələb edəcəkmi ?

  İranın fars rejiminin ən tanınmış ideoloqu, " Keyhan " qəzetinin baş redaktoru,   Hüseyn Şəriətmədari  İran dövlətinin birinci kanalı olan  "Nigah bir" - in canlı proqramında Şimalı Azərbaycan dövlətinə qarşı həyasızcasına iddia ilə çıxış etmişdir.  Beləki, o, demişdir : "İmam Xomeyni deyib Azərbaycanın şimalı - cənubu yoxdur və Şimalı Azərbaycan, üstəgəl 17 Qafqaz şəhəri  İranınkıdır."

   Qeyd etməliyik ki,  "Keyhan " qəzeti İran fars rejiminin nəzarəti altında çap olunan mətbu orqandır və bu məntiqlə yanaşanda bunu dövlətin rəsmi münasibəti kimi qəbul olunmalıdır.

  Sabah, yəni avqust ayının 21- də Əhmədi Njad Bakıda Azərbaycanın prezidenti  İlham Əliyevlə görüşəcək. İndiki vəziyyətdə, bölgənin ağır vaxtında Əhmədi Njad kimi abırsız adamla görüşün ziyanından başqa heç bir faydası yoxdur. Azərbaycan prezidenti İran prezidentini görəndə hakimiyyətə gələn zaman Azərbaycan torpaqlarının bütövlüyünü və istiqlalını hifz edəcəyinə içdiyi and yadına düşəcəkmi ?  Və bunun üçün İran prezidentindən ŞİMALI AZƏRBAYCANI  İran torpaqları adlandırdıqları üçün izahat və təkzib verməsini tələb edəcəkmi ?

Müstəqil Azərbaycan Respublikası hakimiyyətinin qətiyyətsizliyi İran fars rejiminə imkan verib ki, öz gündəlik mətbuat orqanlarında Şimalı Azərbaycanın torpaqlarını İran ərazisi adlandırsın. Aşağıda İran mətbuatında dərc olunmuş bir neçə nümunə verilmişdir.Aşağıda surətini verdiyimiz İranın fars Xəbər Agentliyinin, "Həfteye - nameye Ərdəbil" və "Misaq " qəzetlərindən nümulər verilmişdir.