Ana dili günü, Zəncanın fəthi və milli hərəkətimizin taktiki;

Sözə başlamadan öncə “ Ana dili günündə “ millətimizin böyük başarısını qəhrəman mübarizlərimizə və bütün Azərbaycanlılara təbrik deyir və boğulmuyan səslə haray çəkirəm “ əziz cavanlar, gələcək sizindir”, hade, irəli.

Zəncan uğrunda gedən savaş meydanının səngər daşları Xurdad ayında qoyulmuş olsada “ Ana dili günü “ bu xanlığın ana vətənə tam qovuşması milli hərəkətimizin ən böyük nailiyətlərindən sayılır. Bu yolda zəhmət çəkən bütün bölgə əhalisini , fəaliyət göstərənləri və zəncirə çəkilənləri qucaqlıyaraq bağrıma basıb uca səslə hayqırıram” gələcək sizindir”.

Azərbaycanımızın bütün şəhərlərində, Qumdan Tehrana, Ərdəbildən Sulduza, Urmudan Təbrizə qədər qeyrət damarları coşan millətimiz, bu ağır şəraitə baxmıyaraq  ayaqlanması ilə sübut etdiki” öldü var döndü yoxdur”. Bütün iman və inancımla güvən qələmimi güclənmiş barmaqlarım arasında oynadaraq yazıramki” Azərbaycan Türk Milləti , gələcək bizimdir”. Xurdadın biri dirçəlişinin il dönümünə bütün gücümüzlə hazırlaşmalı, Farsçılıq siyasətinin əyilmiş belinə düzəlmə imkanı verilməməlidir.

Bu ilki “ ana dili günü” dirçəlişini analizində üç məsələyə toxunmaq niyətindəyəm!

1-      Zəncanın fəthi və milli hərəkətimizin taktikləri;

Türk ordularının tarixi başarılarının səbəblərindən biridə, düşmən qoşunlarını bəlli bir taktiklə bölüb müxtəlif qol – ordularının əlaqlərini kəsmək olmuşdur. Qədim klasik qoşunkeşliklərdə ordular əsasən üç bölmədən( cinah) ibarət olduğu halda Türk ordularında bu dörd olmuşdur. Əsas gücü təşkil edən və ortada yerləşən baş ordunun iki tərəfində yerləşən sağ və sol qanatdan əlavə Türk ordularında birdə ön qoşun olmuşdur. Bunu adına qərbi Hunlarda “Altung” və güneyə doğru öncül deyilsədə şərqi Türküstanda “ toğlama” adı ilə tanınmışdır.

Geçən əsrin sonlarında yazdığım məqalələrin bir çoxunda bu fikiri ortaya atmışdımki  “ Tehranın başını Tehranda qatmalıyıq”. Əslində bu düşüncələr birdə “ biz tək başına bu işi başara bilmərik” məfkürəsində olan dostlarımızın fikir dairələrindəki tərs anlayışı aydınlığa qovuşdurmaq üçün yazılır və deylilirdi. İçlərində səmimiyətlərinə inandığım şəxslərində bulunduğu, İran demokratlari- milli məzhəbiləri vəya iki xurdad cərəyanını dəstəkliyən Güneyli  dostlarımızın xətali təhlillərinin   islahında da bu düşüncə meydanının genişlənərək açıqlanması gərəkməkdədir. Azərbaycan Milli Hərəkatının apardığı bu mübarizədə, millətimizin əleyhinə aparılan  asdı- kəsdi siyasətinə biganə qalan Farsçı alternativlər və tamamiyətçi təşkilatlara bel bağlamaq, quyunun dibinə düşməkdən başqa bir məna daşımaz. Ona görədə “ Azərbaycan Mərkəzli  Düşüncə Sistəminə” daxil olan qüvvələrin birləşərək güc mərkəzinə dönüb öz haqqını və istəklərini təmin etməsi siyasəti ən güvənilir körpüdür.

Zəncanın fəthi bir yandan da bəzi bəhanələrlə bizi Fars şovinizminin quyruğuna bağlamaq istəyənlərə verilən bir möhkəm cavabdır. Azərbaycan milli hərəkati bu taktiki uyguluyaraq Azərbaycanın bölünmüş və ondan ayrı salınmış hissələrində öz təbliqatını gücləndirərək düşmənin beynini qarışdırması vacibliyi artıq əyandır. Tarixdən dərs almaq gərəyinə inanaraq “ milli hökümət “ zamanı Tehran və Təbriz arasındakı Zəncan davasını unutmamalıyıq. Hərəkətimiz demokratik, istəklərimiz ədalət məfumu iə dolu və beynalxalq qanunlara uygun olduğuna görə səsimizi eşidən hər Türk harayımıza gələcəkdir. O ölkənin yarısını təşkil etdiyimizə görə yetərki onlara səslənə bilək və  bu barədə GünAz- TV- nin roluna daha çox diqqət yetirək. Beş il öncə Həmədan milli çalışqanları bir əlin barmaqları sayında ikən, bu bölgələrə Türklük şuurunun yayılmasından ciddi təşvişə düşən Fars hakimiyəti onlardan birini şkəncə altında şəhid etdiyini unutmamışıq. Bugün Bahar bölgəsinin nümayəndəsi sayın  “Təlai Nikin” Həmədan Türklərinin haqqını tələb etməsi Fars şovinizminin başımıza ələdiyi külün altındakı közün alovlanmasından xəbər verir. Bütün gücümüzlə bu közləri körükləməliyik.

1992 və 93- də rəhmətlik Eli bəy Kəmalinin hazırladığı Savə səfərlərində olanlar, nə demək istədiyimi daha yaxşı başa düşərlər. Həmin  toplantılardan birində dəyərli ustad Mir Hidayət Hisarının “ Xələc Türkləri tarixi “ haqqindaki çıxışına Savə və ətrafından dəvət olmuş Türklərin  müsbət münasibətləri və sevgi dolu alqışları unutulmazdır. Əkilən bu toxumların yavaş- yavaş gövərməsi və bugün Qum , Tehran , Qəzvin , həmədan və sayir bölgələrdəki artan nisbətlərdə artan milli hərəkət fəaliyətləri umud qaynağımızdan biri  olmalıdır. Bu barədə müxtəlif misallar gətirmə imkanı olsada sözü uzaltmamaq üçün tələbələrimizin boynuna düşən görəvi xatırladaraq geçirəm. Ancaq Cənubi azərbaycanın birinci bölgəsi saydığımız Zəncan , Ərdəbil , Təbriz və Urmu xanlıqlarındakı mübarizlər və xaricdəki dostlarımız uzaq düşmüş bölgələrdəki milli mübarizlərimizi möhkəm dəstəkləməli və onların səsinə səs verməlidir.

Bu davranış uzun yolumuzu qisalta biləcəyi kimi birinci bölgədəki basqılarıda azalda bilər.

2 – Tehranın qəmə qəddarəsi və milli dirçəliş;

Ana dili gününün Güney Azərbaycanda olduqca görkəmli şəkildə qeyd edilməsi açıqca göstərirki hakimiyətin zorakılıq siyasəti artıq öz fonksyonunu itirb və millət öz haqq – hüququnu almaqda israrla dirənməkdədir. Xurdad qiyamından sonra milli fəalların geniş şəkildə tutulub incidilməsi mübarzə əzmini dahada şiddətləndirib. Başqa deyimlə artıq bəlli olubdurki, bugünkü dünya şərtlərində özbaşınalıq həddini aşamaz.  Bəzi bölücü söz, yazı və davranışların, iştirakçıların beynində sual yaratması və təbiəti ilə etirazlara qoşulma rəğbətinə mənfi təsir buraxması inkar edilməzdir. Ancaq bununla belə və hazırlıq mərhələsindəki geniş tutulmalara baxmıyaraq  xiyabanlara tökülənlərin nisbi dəyəri düzgün tərəzidə ölçülməlidir. Zəncandaki rastgələ tutuqlamalar birdə bunu göstərirki, hakimiyət organları başını itirib, nə edəcəklərini bilmədən əl- ayağa düşüblər.

Bu məsələni öz arşınımızla deyil , gərçəkçi bir usulla dəyərləndirsək açıqca görünürki, güney Azərbaycanda uygun şəraitdə milyonlar türkün küçələrə tökülüb “ milli müqəddəratını təyin etmə “ istəyi gözlənilməkdədir. Ana dili ügnünün sabahi Təbrizlə- Tehran arasındakı fotbal müsabiqəsində və arxasınca  küçələrdə verilən milli şuarlar bu iddeanın sübutudur. Məsələyə bu açıdan baxanda, öndə gedən qüvvələrin və milli fədailərin çiyinlərinə böyük yük düşməkdədir.

Gərçi prezident seçgilərində Günüydəki milli – siyasi düşünürlərimizin doğru tədbiri nəticəsində milli hərəkatımızın potansiyeli ölçüldü. Ancaq olaylar göstərirki , zaman daha sürətlə bizim xeyrimizə işləməkdədir, bunu düzgün dəyərləndirməliyik.

3- Parçalama cəhdləri və millətin ayıqlığı;

Fars şovinizminin çeşitli mütəfəkkirlərinin“ parçala hakim ol” tezinin dəriniklərinə qədər işləyib hazırladıqları programların təsirsiz halə gəlməsi sevindirici bir haldır.  O cümlədən ittilaat teorisiyənlərinin serçə bəzəmə metodu ilə yaratdığı milləti doğrama  qılıncının qınında qalması türk millətinin böyük başarısı sayılmalıdır. Bu barədə Xurdad dirçəlişinin təhlilində yazmışdım “ hakimiyət organları parçalamağa zaman tapmadı” çünki o dirəniş sürətlə baş tutdu və qarşısının alınması üçün planların hazırlanmasına fürsət buraxmadı.

Ancaq ana dili günündə bu çirkin oyunların oynanamsına cəhd edənlərə şahid olsaqda millətin ayıq – sayıqlığının buna imkan verməməsinin də şahidi olduq. Bu məsələdə də GünAz.Tv- nin aydınlatıcı roluna dəyər verməklə birlikdə, Güney azərbaycanda millətimizin siyasi təfəkkürünü inkişaf dərəcəsinədə  sevinməmək olmaz.  Əsasən milli hərəkatımızın son 10-15 illik fəaliyətindən dəqiq məlumatı olanlar yaxşı bilirlərki bu milləti aldatmaq olmaz.  5-10, taxma ad ilə bir – birlərinə göndərdikləri  saxtakarlıqlar vəya millətçi qız- oğlanlarımıza qara yaxaraq onu başqalarına pas verən aldanmışlar, ancaq öz zamanlarını itirir və bəzi xəbərsizləri tidərgin salır. Ona görədə bu oyunlarla xaricdə yaşıyanları geçici aldatmaq və şimali azərbaycanlıları çaş- baş salmaq olsada daxildə heç bir təsirinin olmadığı aydındır. 

Özəlliklə 4-5 il öncədən başlanmış saxtakarlıqlardan diskinən daxildəki bəzi millətçi hərəkətçilərimizin tidərginlikləri artıq bitməlidir. Görünürki, ayıq millətimiz bütün o nigarançılıqları süpüprüb basdırmışdır. Fars şovinizminin “gələcəkdə öz aramızda qanlı müharibə salaraq qaymaqlarımızı öz əlimizlə qıracaq düşüncəsi “ artıq geridə qalmışdır.  Azərbaycan milli hərəkati milli demokratik çizgi üzərində heç bir dönəmdə bugünkü səviyədə birləşməmişdi, bugün bu baş tutmuşdur. O zaman haqlı olaraq beyinlərizi üşəndirən , ruhuza qovra çəkən , cismizi əziyətə salan hətta fəaliyətlərizin millətə xeyir verməməsindən yanıxlığız , bu gün yerini daha köklü, daha diqqətli və daha sistematik çalışmalara verməlidir.  Fars hakimiyətlərinin bu oyunu millətin ayaqları altında paiz xəzəli kimi ayaqlanıb- əzildiyinə görə bundan sonrakı hilələridə millətimizin ayıqlığı və dözümlü mübarizəsi nəticəsində  silinəcəkdir.

Əmin və arxayın olmalıyıqki” gələcək bizimdir”.

Böyük Rəsuloğlu : 25. 02. 2007