XOCALI SOYQIRIMININ 15-Cİ İLDÖNÜMÜ İLƏ BAĞLI

AZƏRBAYCAN FEDRASİYONU-İSVEÇ(AFİ)NİN BƏYANATI

15 il bundan öncə, 1992-ci il fevralın 25-dən 26-na keçən gecə Ermənistan Respublikasının silahlı quvvələri, Azərbaycanın ayrılmaz hissəsi olan Dağlıq Qarabağın Xocalı şəhərini əhalisilə birlikdə büsbütün məhv edərək insanlığa silinməz ləkə olan soyqırım aktı törətmişlər.

Erməni təcavüzkarlarının Azərbaycan Türk millətinə qarşı törətdikləri  cinayətlərin davamında, bir neçə saat içində 613 nəfər suçsuz Azərbaycanlı, o cümlədən 63 uşaq, 106 qadın, 70 dən artıq yaşlı insanı yalnız Azərbaycanlı olduğuna görə çox rəhmsizcəsinə, dözülməz işgəncə verərək öldürülmüş, 487 nəfərə ağır xəsarət yetirilmiş, 1275 sakin - köməksiz yaşlılar, uşaqlar, qadınlar girov götürülərək ağlasığmaz zülmə, təhqirlərə və həqarətə məruz qalmışlar. 

Biz Azərbaycan Fedrasiyonu-İsveç (AFİ) olaraq, ümid edirik ki, mötəbər uluslararası qurumlar Azərbaycanın həqq mövqeyini dəstəkləyəcək, ədalət tezliklə öz yerini tapacaq, Xocalı soyqırımını törədənlər uluslararası məhkəmə qarşısında cavab verəcəklər. Erməni terorçuları və onların himayəçiləri cinayət məsuliyyətinə cəlb ediləcəklər.İnanırıq ki, bütün tanınmış və mötəbər uluslararası qurumlar Azərbaycan topraqlarında barış, doğal və güvənli yaşamağı, bir milyondan artıq qaçqın və didərgin düşmuş olan Azərbaycanlının öz doğma topraqlarına qaytarılmasını təmin etməklə Azərbaycanlıların pozulmuş hüqüq və azadlıqlarının gərçəkləşməsində bütün imkanlarınızı səfərbər etməklə yardımçı olacaqsınız.

Azərbaycan Fedrasiyonu-İsveç (AFİ)

Bəyanat BMT-nin Baş Katibinə, Avropa Şurasına,İsveç Başnazirinə, İsveç parlamentin sədrinə ünvanlanmışdır.