آذربایجان، ان بویوک ناموسوموزدور

14 ایل اونجه، فروردین آیی نین 22 سینده (نیسان- آوریل آیی نین 12سینده)، دوردونجو ایران ایسلام شورا مجلیسینده، بیر چوخ فارس، ارمنی، کورد و تاسوفله مانقورت تورک وکیللرین ایسته کیندن دولایی، گونئی آذربایجان اراضی سی نین دوغو بولگه لری، یئنه فارس فاشیزمی نین یولوندا قوربان وئریله رک، آذربایجانین قوتسال آدی آلتیندان خاریج اولوب، باشقا بیر آدلا آدلاندیریلدی. شوبهه سیز اردبیل آدی، تورک - آذربایجان تاریخینده و ادبیاتیندا ان پارلاق اولدوزلاردان بیری دیر. آنجاق کسینلیکله بو اولدوز، ساده جه آذربایجانین ماوی سماسیندا پارلایابیله جکدیر.

فارس شوونیزمی نین قاجار دموکرات سولطانینا قارشی یاپدیغی قارا و یابانجی لار طرفیندن قیشقیرتیلان کودیتادان سونرا، بوگونه قدر، آذربایجانین گئنیشن و بویوک اراضی سی، ساده جه گونئی آذربایجاندا 12 پارچایا بولونموشدور و هله ده شوونیزمین چیرکین ایسته کلریندن دولایی بولونمکده دیر.

بو گون گونئی آذربایجان آدلانان تاریخی بولگه؛

-          اردبیل

-          تهران

-          باتی آذربایجان

-          دوغو آذربایجان

-          زنگان

-          کیرمانشاه (سونقور، غوروه...)

-          کوردیستان (بیجار، یاستی کند...)

-          گیلان (آستارا، انزلی، رشت...)

-          قزوین

-          قوم

-          مرکزی

-          همدان

اوستانلارینی قاپسیر. بو آدی چکیلمیش اوستانلاردا تاریخ بویو، تورک چوخونلوغو ایله یان یانا تاتلار، تالیشلار، قالیشلار، فارسلار، لورلار، گیلکلر، کوردلر... و هابئله  بعضی دین و مذهب آزغینلیقلاری اورنک ایچین علویلر و بهائیلر ده یاشامیشلار.

قایتاریش کومیته سی، آذربایجان میللتینه  سسله نیب؛

-          بوتون آذربایجان تاریخینده و اوزه للیکله نیشیل، گونئی آذربایجان میللتی نین آپارتایدا قارشی گوستردیکلری سیرا قیاملاردا شهید اولان وطنداشلاریمیزن قوتسال روحلارینا باش ایه رک،

-          بابک قالاسی قورولتاییندا، شهید ستارخان توره نینده، دونیا آنادیلی گونونده و هابئله خوجالی فاجیعه سی نین ایل دونومونده کی قوپان قیاملارا تعظیم ائده رک،

-          آذربایجان میللی حرکتی یولوندا بوتون یارالانلاری، یاخالانانلاری، ایشکنجه اولانلاری، سورگون دوشنلری، سوموت وسویوت ضررلره اوز اوزه گلنلری، صمیمیتله باغرینا باساراق،  

-          فارس فاشیزمی طرفیندن یئنی یایینلامیش ایسکیناسی نین آرخاسینداکی قوندارما و یالان جومله نی، حضرتی پیغمبره قارشی بیر بویوک جسارت و حقارت بیلرک،

-          ایران- ارمنیستان آراسیندا، میللتیمیزین سرمایه سیله چکیلن و یئنی آچیلان دوغال گاز لوله سینی، جینایتکار داشناکی گوجله ندیرمک آنلامیندا گورره ک،

-          پژاک، پ کا کا و هابئله داشناک تروریستلری نین حوضورونا، آذربایجان توپراقلاریندا، بوتون ال وئریشلی یوللارلا سون قویولماسینی ایسته یه رک،

-          ارمنیستانداکی متزامور نوکلوئیک سانترالی نین دهشتلی و وحشتلی تهلوکه لرینه قارشی، ایران دئولتی نین سس سیز- سمیرسیز قالماسینی، میللته قارشی بیر داورانیش کیمین آنلییاراق،

-          کرکوک شهری نین تورک بیر شهر اولماسینی و تورکمن ائلی اولکه سی نین باشکندی کیمین گورونمه سینی وورغولایاراق،

 اعلان ائدیریک:

-          تاریخی آذربایجان توپراقلاری نین بیر قارینجیندان، واز کئچمییه جه ییک.

-          تاریخی آذربایجان اراضی سینده، قوندارما هئچ بیر جوغرافیا آدینی تانیمیاجاییق.

-          تاریخی آذربایجان اراضی سینده، تورکلر ایله یان یانا یاشایان بوتون یئرلی خالقلارا، قارشیلیکلی درین سایغی ایله بیرلیکده، میللی سئوگیمیزیده دیله گتیریریک.

-          فارس شوونیزمی نین نوفوس ترکیبینده ده گیشدیرمک پیلانلارینی سرت قینایاراق، آذربایجان تاریخی اراضی سینده، یئنی کوچن گوچمنلری، ساده جه  قوناق کیمین قبول ائدیریک.

-          آذربایجان تاریخی اراضی سینده شوونیزمین ایسته کلری دوغرولتوسوندا، یئنی اوستانلارین آذربایجان آدیندان باشقا آدلارآلتنیدا قورولماسینی شیدتله قینایاراق، بوتون آذربایجان خالقینی بو قونودا داها دیقتلی اولمالارینی طلب ائدیریک.

-          بوتون گونئی تورکمنیستان، قاشقاییستان، خلجیستان و خوراسان تورک اراضی سینده، فارس شوونیزمی طرفینده ن یاپیلان فاشیستی سیاستلری، آذربایجان اراضی سی کیمین، سرت قیناییریق.

و سون سوز بو کی؛

آذربایجانین تاریخی اراضی سی، شوونیزمین قارا قارقی سی ایله موختلیف آدلاردا یازیلسادا، آذربایجانلی لارین، آذربایجان سوداسی ایله چیرپینان قیزیل قلبلرینده، کسینله؛

-         بیرلشیک دیر،

-         بیتیشیکدیر،

-         بیرلشمیشدیر،

-         و بوتون دور.

اردبیل اوستانینا آذربایجان ابدی آدی نین قایتاریش کومیته سی(قایتاریش کومیته سی)

20 فروردین 1386(10 نیسان- آوریل 2007)