Azadtribunun diqqətli oxucuları!

     Sizlərə təqdim etdiyimiz bu izharı Asif Ata 1995 - ci ildə şifahi şəkildə, xalq qarşısında olan görüşlərinin birində   söyləmişdir.   Ata Ocağının Evladları tərəfindən yazıya köçürülmüş və 1999 - cu ildə, yəni Atanın vəfatından iki il sonra çap olunan ”Uluyurd aqibəti -- Bütöv Azərbaycan ” kitabında nəşr olunmuşdur. Ata sözü Mütləq olduğu üçün heç vaxt aktuallığını itirmir. Amma, onu da deyim ki, siyasətlə bağlı, yəni ürəkaçan bir məsələ olmayanda, Ata deyərdi : ”Kaş mən səhv edəydim…” Amma mən deyirəm, təəssüf ki, Ata heç vaxt səhv etmir. Onun bütün sahələrdə söylədiyi fikirlər gerçəkləşdiyi kimi, həmçinin siyasətdə də dedikləri doğru çıxır. Doğru çıxdığına bu yerdə biz də təəssüf edirik, çünki bu bizim millətimizin bu günüdür.  Amma eyni zaman da biz bədbin deyilik, nikbinik. Nikbinliyimizə isə səbəb sabahımıza inanmağımızdır. İnanırıq öz gücünə inanan və inamına söykənərək hərəkətə gələn xalqımız bu ağır, məşəqqətli aşırımı aşacaq və sabahkı nəslə arzularını yox, əməllərini miras qoyacaq.

  Ata Ruhu Qaranlıqları Yarsın və Atamız Var olsun!

                                                        Asif Ata Ocağının Evladı Eluca Atalı

Asif Ata

     Cənubi Azərbaycan məsələsi var -- farsın, İranın ən nifrət elədiyi məsələ

 Cənubi Azərbaycan məsələsi var -- farsın, İranın ən nifrət elədiyi məsələ. Sevmədiyi məsələ.İndiki fars şovinistlərini və əvvəlki fars şovinistlərini hiddətləndirən odur ki, onlar deyən olmur. Bəli, beş nəfər, on nəfər namussuz, qeyrətsiz, o bizdə olan kompodor azərbaycanlılar kimi -- öz dilini də unudur, farslaşırlar da ; onların içindən Xomeyni çıxır.Bu, var. Amma xalq özü bütöv bir hadisə kimi, bir varlıq kimi əl çəkməyib özündən. Öz özümlüyündən -- dilindən, mədəniyyətindən, böyüklüyündən.  Əl çəkmir arzusundan. Bİr olmaq arzusundan. Və burada heç nə eləyə bilimirlər. Çox hiddətlidirlər. Çox acıqlıdırlar, qəzəblidirlər. Qəzəblərini , acıqlarını yeyə bilmirlər. Bilmirlər nə eləsinlər. Hələlik onların tapdığı yol budur ki,  Şimalı Azərbaycanın özünü farslaşdırmaq. Onlar sadəlövhcəsinə belə hesab eləyirlər ki,  Cənubi Azərbaycandakılarının belə təmkininin səbəbi guya Şimali Azərbaycandır. Şimali Azərbaycan var deyə --onlar ərimirlər, assimilyasiya olmurlar. Onlar Şimali Azərbaycandakı vəziyyəti də çox səthi anlayırlar. Tək onunla deyil ;  Bunun əhəmiyyəti var, amma tək onunla deyil ki, Şimali Azərbaycan var. Burda dərin Ruhani Köklər var. Özümlük ideyası var. Bunu yalnız Ocaq anlatdıra bilər ki, nə baş verir. Onlar Şimali Azərbaycanla, daha doğrusu Siyasi Şimali Azərbaycanla dostluq eləmək, bizə kömək eləmək; xüsusilə --bizə islamçılıq yaymaq. Bizdə. Hələ ki, bu yolu əsas götürüblər. Cənubi Azərbaycanın əleyhinə Şimali Azərbaycanla yaxınlaşmaq -- Şimali Azərbaycana qandırmaq ki, Cənubi Azərbaycan problemi sənin işin deyil. Əl çək ondan. Mən sənə kömək eləyəcəyəm, mən sənə hər cəhətdən kömək eləyəcəyəm.

   Amma mən qəti əminəm ki, bu ideya öz bəhrəsini verməyəcək, biz də -- Ocaq da əlindən gələni eləyəcək ki,  Şimali Azərbaycandakı vəziyyəti cənublular anlasın. Və bizim siyasətçilərə bel bağlamasın.

   Demək --  birinci yol budur : Cənubi Azərbaycanı, Cənubi Azərbaycandakıları onların təkliyinə alışdırmaq və onu Şimali Azərbaycandan tam ayırmaq. Daha doğrusu, Şimali Azərbaycanı Cənubdan tam ayırmaq. Elə eləmək ki, Şimali Azərbaycanda Cənubi Azərbaycan haqqında düşünən olmasın . Və bunu çox yaxşı, hüquqi cəhətdən əsaslandırmaq ki, heç bir ölkəni parçalamaq olmaz : ”Sən Azərbaycan niyə Qarabağından əl çəkmirsən ? Niyə istəyirsən ki, mən Cənubi Azərbaycandan əl çəkim ? Bəs xalqın özünün müqəddəratı harada qaldı ?  Niyə sən özünə rəva bilmədiyini  mənə rəva bilirsən ?”.

   Bu deyilmir, ancaq siyasətin də öz dili var, onu anlamaq olur.

    İkinci cəhət -- Cənubi Azərbaycandakılara qarşı təzyiqi gücləndirmək, Cənubi Azərbaycan məfhumunu ləğv eləmək : --  Cənubi Azərbaycan əvəzinə ayrı - ayrı vilayətlər yaratmaq, onları tamamilə İranın içində əritmək, Azərbaycanı farslaşdırmaq üçün onun dilini, məktəbini əlindən almaq ;  bir millət var, o da fars.

   Üçüncü -- ermənilərlə münasibəti yaxşılaşdırmaq. Onunla bizə ziyan vermək.

    Və dördüncü --sonuncu : Son nəticədə lazım olsa, cəzalandırmaq -- Cənubi Azərbaycandakıları. Gözləmək, balaca bir bəhanə tapıb -- onları cəzalandırmaq :  tutmaq, lazım olsa güllələmək, öldürmək. Qorxutmaq.

   Mənim son fikrim budur ki, bütün bunlar hamısı çox böyük ziyanlar verəcək Azərbaycan Xalqına. Ola bilsin, qırğın oldu, amma İranın özünün məhvi haqqında deyə bilərəm, Molla hakimiyyəti mütləq məhv olacaq.

  Qaranlıqlar Yarılsın !

  Yükümüzdən Böyük Fərəhimiz Yoxdur !

 Daxilinizdəki Mütləq sizə yar olsun !

                                                                                                                 26 Ümid Günü, Sərt Ayı,

                                                                                                                 17- ci il.Bakı

                                                                                                                 26 dekabr 1995.