Azərbaycan höküməti Güneyi yenə fars rejiminə satdı

 Kamran Nərimanoğlu

BBC- nin verdiyi məlumata görə 26 mart 2007 - ci ildə BMT..nin İnsan Haqları Şurasında keçirilən növbəti iclasda  belə qərara gəliblər  ki, İran və Özbəkistanın üzərindən daimi və nizamlı nəzarəti

 götürsünlər. Bu təklifi Azərbaycan, Zimbavə və Banqıladeş ölkə nümayəndələri BMT -də aktual məsələ kimi ortaya qoyublar.Əlbəttə, bu qərar çoxlu ciddi tənqidlərlə rastlaşıb. Məlumat üçün qeyd edək ki, BMT -nin İHŞ -na 47 ölkə üzvdür və bu şurada olan Azərbaycan, Argentina, Banqıladeş, Zimbavə, Fransadan ibarət olan işçi qrupu İran və Özbəkistanın üzərindən nizamlı nəzarətin götürülməsinə müsbət səs vermişdirlər. Çox təssüflə demək lazımdır ki, BMT -  nin İnsan Haqları Şurasının nizamlı nəzarətindən çıxmaq İranın fars rejiminin diplomatiyası üçün böyük nailiyyət sayılır  və bu qələbənin çalınması üçün Azərbaycan iqtidarı əlindən gələni edir. Elə bu səbəbdən də qərb mətbuatında bu məsələ ilə bağlı şərh veriləndə Azərbaycan iqtidarı İran fars rejiminin siyasi şəriki kimi təqdim olunur.

  Burda başqa ölkələrin İranda insan hüququnun pozulmaması ilə bağlı münasibətini başa düşmək olar. Bu səbəbdən ki, Güneydə yaşayan türk soydaşlarımız onların nə qan qardaşıdır ki, burnu qanayanda ordan axan qanın özününkü olub və torpağa axanda halına acısın, nə də qonşusudur ki, imdad istəyəndə səsini eşidib harayına yetsin. Dünya sivilizasiyasının son nəticələrini, əsasən də insan haqlarının qoruyucusu kimi ortaya atılıb, lakin türkə və əsasən də içində min bir problemlə yaşadığımız Şimallı - Güneyli Azərbaycana hələ də bir xeyri dəyməyən BMT adlı təşkilatın üzvü olan dövlətlərin bizə münasibətini başa düşmək o qədər də çətin deyil. Amma son zamanlar bəzi adamlar vardı ki, onlarda indiki Azərbaycan hakimiyyətinin İran şovenizminə münasibətinə və onun siyasi şəriki olduğu haqda olan söhbətlərə həqiqət kimi baxmayıb şübhələnirdilər.Digər tərəfdən gəzən söhbətlərində bir qismi İlham Əliyev rejiminin nə səbəbə İran fars rejimini qəddarcasına müdafiə etdiyini analaya bilməməkdən doğurdu.Soydaşlarımız təkrar - təkrar müqəddəs kəlam kimi dillərində gəzdirib, eyni zamanda urəklərinə həkk etdikləri  və o kəlamın söyləndiyi yeri də öz Kəbələri hesab etdikləri, deyilmiş zamanını hər cəhdlə tarixə qızıl həriflərlə yazmaq cəhdi ilə çıxış etdikləri "Mən 50 milyon Azərbaycanlının prezidentiyəm!" cümləsi ilə nə qədər qürur duydular. Nə az, nə çox. Düz bir il, Axi bu söz düz bir il bundan əvvəl Dünya Azərbaycanlılarının II Qurultayında deyilmişdi. Bəs sonra nə gördük ? Gördük ki, 35 milyon öz haqqını, özü də bu gün bəşərdə ən ümdə məsələ olan ana dilində məktəb, təhsil almaq hüququnu tələb edərkən küçə - bazarda qanına qəltən edilir, öldürülür, işgəncəyə məruz qalır, zindana atılır,amma bir dəfə də olsun nə İran hökümətinə, nə də onun Şimali Azərbaycanda, özü də paytaxtın mərkəzində yerləşən İran Səfirliyinə  müraciət olunmur ki, "A qardaş, o 35 milyon mənim millətimdi,Niyə qırırsan ? Əgər belədirsə, sən mənim düşmənimsən və birinci səfirliyini çəkib burdan aparmalısan." Heç nə deyilmir və üstəgəl heç nə olmamış kimi İran öz yerişini yeriyir, Bakıdakı həyatda öz axarında davam edir. Bütün İran mətbuatı və onun ərazisində yerləşən məscidlər Şimalı Azərbaycanı Şimalı İran adlandırır, yenə Azərbaycan höküməti öz reaksiyasını bildirmir və heç nə olmamış kimi müdrükcəsinə susur.

   Bəlkə də Azərbaycanın kənarında yaşayanlar bütün bu dediklərimə nağılvarı bir şey kimi baxıb inanmayacaqlar.Amma Şimali Azərbayacanda yaşayan bir vətəndaş və eyni zamanda qələm əhli  olub, yəni daim ictimaiyyət içərisində olduğum üçün məsələlərə bir az başqa cür baxıram. Çünki bu gün Azərbaycanda elə bir sosial. siyasi durum yaranıb ki, İ. Əliyev rejimindən siyasi qaçqınlar Avropa ölkələrinə qaçırlar.Əslində indi elə bir zaman gəlib ki, etiraf edək elə kənarda yaşayan soydaşlarımızda məsələlərə daha əvvəl ki kimi baxmırlar, yəni daha açıq gözlə baxırlar. Çox uzağa getməyək, elə götürək bu yaxınlarda Bakıda keçirilən Azərbaycan -- Türk Diaspora Təşkilatlarının I Forumunu,Güney adının çəkilməsi yasaqlandı və nümayəndə heyyətinin bir qismi zalı tərk etdi. Artıq aldandıqlarını və təkrarən aldadıldıqlarını başa düşüblər. Çünki bir müddət bundan əvvəl BMT ..də Kanada hökümətinin təkidi ilə İranda insan haqlarının pozulması ilə bağlı çıxarılan qətnaməyə Azərbaycan Ermənistan və Rusiya ilə bir sirada duraraq, öz soydaşlarının əleyhinə olaraq səs vermişdi.Erməniləri başa düşdük, aşkar düşmənlərimizdirlər.Özümüzə və artıq bütün dünyaya bəlli həqiqətdir. Rusdan danışmağa dəyməz.Hamının bildiyi həqiqəti mən götürüb yazsam, olar boşboğazlıq. Burda bizi çaşdıran özümüzkülərin özümüzə münasibətidir. Sən 50 milyonun prezidenti, necə olur 35 milyonun haqqının tapdanmasına dəstək olursan ?

   70 il rus imperiyasına qulluq etmiş və onun"şərəfli məktəbini" keçmiş əliyev və əliyevçilər heç cürə bu ölkəyə ne demokratiya, nə də millətə ictimai ədalət gətirməyəcək.Vəd etsə də.Təcrübə bunu əksini göstərdi.Digər tərəfdən xaricdə yaşayan soydaşlarımıza münasibətdə  Aazərbaycan höküməti və əsasən də Azərbaycan Dövlət Komitəsi bütün cəhdlərini qoyublar onları parçalamağa və müəyyən mənada buna nail də olublar.Onlar arasında ixtilaf salır, bəzi yerlərdə fiziki savaşmaya qədər gedib çıxıb.Bunula da hakimiyyət özünü zərbə altından çıxarmaq istəyir."Parçala və hökm sür!" siyasəti ilə özünü hakimiyyətdə saxlamaq istəyir. Amma qeyd edək ki, son nəticədə onun bu siyasəti yeriməyəcək. Çünki Avropada, texnikanın inkişaf etdiyi bir yerdə informasiya üzərinə monopolya qoymaq mümkün düyil.Belə olan bir zamanda Azərbaycanla bağlı bütün reallıqlar kənara çıxır.Misal var, deyirlər dəvə quşu başın kolun içinə soxur, elə bilir quyruğu görünmür. Hakimiyyət əmin olsun ki, quyruğunu artıq hər kəs görüb.

İlham Əliyev : "Mən and içirəm, xalqıma ləyaqətlə xidmət edəcəm!"

Buyurun baxın, xalqa ləyaqətlə xidmətin ilk gününü öz gözlərinizlə görün : Şəkli yükləyin