21فوريه
دونيا
آناديلي گونو
موناسيبتيله
تبريک:
حرکتيميزده
قيزيل صحيفهلر
عليرضا
صرافي
sarrafi2006@yahoo.com
30بهمن
1385
آناديلینه
سایغی بسلهين
سئویملی
ديلداشلار!
آنادیلیگونو
قورولتایی و
مراسیمینین
قورولماسینا
غیرت ائدن
دگرلی
وطنداشلار!
سکگیز
ایل اؤنجه
يونسکو
طرفيندن 21
فوريه دونیا
آناديلي گونو
اولاراق قید
اولوب،
بیرچوخ اؤلکهلرده رسمی
اورقانلار
طرفیندن، بو
گونده
آنادیلی
شنلیکلری
قورولور. بيزه
گلديکده،
ميلّتيميزين
آناديلينه
سئوگيسيني
بيلديرهجک
بوتون
ايمکانلارين
محدودلاشديريلديغي
کيمي، بو
بؤیوک و
معنالي گون ده
- عار اولسون -
رسمي
مديالاريميز
طرفيندن بير
نئچه ايل
اِفِره
چیخماییب،
تمامیله
گيزلي
ساخلانيلميشدير!
نهايت
بيرچوخ
دوستلارين
ايشبيرليکلريله
(م. 2004=) 1382-
جي
ايل فوريهنين
ايگيرميبيرينده
ايلک دفعه
اولاراق
تبريز
شهرينده
آناديلي
قورولتايي
تشکيل اولدو.
اونا
آذربايجانين
هر يئريندن او
جوملهدن
اورميه، خوي،
مراغا،
زنگان،
اردبيل، ائلهجه
ده تهران و
کرجدن ده
قاتيلانلار
وار ايدي.
قورولتايين
اوغورلاريندن
بيري، اونون
زنگين
قطعنامهسي
اولدو.
بيرلشميش
ميلتلر
تشکيلاتي
کونوانسيونلارينا
ايستيناداً،
ديل
حاقلاريميزين
برپاسيندان
سؤز ائدن بو
قطعنامه،
هامينين سسبيرليگيايله
قبول اولوب،
بير هفته چکمهدن
اوچمين، اوچيوز،
اوتوزاوچ
ايمضانين دا
گوجونه
آرخالاندی و
دؤرد ديلده،
اؤلکه ايچي
بوتون
مسئوليت
داشییان
اورقانلارا،
ائلهجه ده
يونسکو و
بيرلشميش
ميلّتلر
تشکيلاتينا
سونولدو،
بئلهليکله
ده بیرینجی
قورولتاي و
قطعنامهسي
ميلّي
حرکتيميزين
قيزيل صحيفهلريندن
بيرينه
چئوريلدي.
1383-1384-جو
ايللرده
ايکينجي و
اوچونجو
قورولتايلارين
انگللنمهسينه
باخماياراق،
او بير بايرام
کيمي بوتون
شهرلريميزده،
ائولرده
کئچيريلمگه
باشلاییب،
خالقيميزین
اؤز
آناحاقلاريندان
ال چکمیهجگینی
بیر داها دا
وورغولاندی.
بونا
رغماً، بيزيم
ايش
باشينداکي
بعضي
جنابلارین،
ميلتين بو
دينج حرکتي و
نجيب
ايستکلريني
دويوب، دينلهمکده
قولاقلاري
ساغير و ان
ایلکین
اينسان
حاقلاريني
قارشيلاماقدا
آياقلاري
آغير اولدو!
اونلار
سکسن ايل
اؤنجه
يابانجيلارين
اليله خالقين
آياغينا
وورولان بير
دوگونو، رسمي
سالونلاردا،
دينج و
دانيشيق يولو
ايله
آچماقدانسا،
ايش بيلمهمزليکلري
و ترس
سياستلري
اوزوندن،
بوروشدوروب،
داها دا دوگون
سالماغا
چاليشديلار! صميميت
اوزوندن
سونولان
سوآليميزی،
قاپالي
قاپيلارلا
جوابلادیلار.
آنجاق
1385-جي ايل
خوردادين
بيرينده، "يا
اؤلوم، يا
ديليم"
باغيران
ميلّتيميز،
داها ائولره-
سالونلارا
سيغماييب،
کوچه،
خيابانلارا
آشيب، داشدی و
ديل
دوشمنلريميزه،
آذربایجان
بؤیوکلوکده
بیر ميدان
اوخودو، بئلهليکله
يئني بير
قيزيل صحيفهني
ده
حرکتيميزین
تاریخینده
آچميش اولدوق.
منه ائله گلیر
کی، ميلّي
حرکت
تاريخينده بو
دؤورو،
دونيادا قبول
اولموش
نورملارلا
آياقلاشماسي
و مودرن،
چاغداش و
جسارتلي
ادبياتينا
گؤره، يئني
بير فاز کيمي
دگرلنديرمک
اولار.
*
* *
صاباح
بلکه ده چوخ
گئج اولدو،
يوخاريدا
اگلشيب،
ميلّتيني
آشاغيلايان
وظيفهلي
آغالار،
قولاقلارين
آچيب، تورک
وطنداشلارينين
حاق سؤزلريني
ائشيتمگه
جسارت ائتمهليديلر.
تاريخ ثابيت
ائتميشدير کي
تمکينلي،
مدني و
دينج
يوللارلا،
اؤز ميلي
حاقلاريني
ايستهين بیر
ميلّت، واقتی
گلینجه دوشمن
قارشيسنا
باشقا جور
چيخماغي دا
باجارمیشدیر.
خالقیمیز
دونيادا آنا
ديلي حاقلاري
اوغروندا ان
چوخ ديرنن و ان
چوخ هزينه
وئرن بير
ميلتدير. تکجه
آلتميش ايل
اؤنجه،
آناديلي
باشدا
اولماقلا
ميلّي
حاقلاريني
قازانديرماق
اوچون،
ايگيرميبئشمين
اوغول- قيزي
قوربان
وئرديگيميزي
آنارساق،
گونده بير
شهيد
وئرديگيميزدن
دانيشا
بيلريک.
محض
بو اعتيباره
گؤره ده –
من دئيرديم -
آنا ديلي
گونو، بينالملل
بير گون
اولماسينا
رغماً هم ده
بيزيم ان
دوغما و
ميلّّي بير
بايرامیمیز
کيمي قيد
اولونا
بيلردی.
*
* *
یئری
گلمیشکن، بيرينجي
آناديلي
قورولتايي و (قارشيسي
آلينان) ايکينجي
و اوچونجو
آناديلي
قورولتايلاري
و اونون يانيسيرا
تبريزده
کئچيريلن
آناديلي
مراسيملرینين
قوروجو هيأتي
عضولريندن
بيري کيمي،
اؤز آديمدان،
ائلهجه ده بو
قورولتايلار
و مراسيملرده
جانوديلدن
امک صرف ائدن
بوتون ميلّي
چاليشقانلاريميز
آديندان،
بوتون ائلسئور
و دیلسئور
وطنداشلاریمیزی
تبريک ائديب،
آناديلي
بايرامينيز
موبارک
اولسون
دئييرم.
عین
حالدا بو 2007-جی
ایلده آغیر
باسقیلارا
معروض
قالماسینا
رغماً، غیرت
گؤستریب، آنا
دیلی
قورولتایلاری
و مراسیملری
قوروجولارینین
الینی سیخیر،
اونلارا
اوغورلار
دیلهییر،
تدبیرلرینین
اوغورلو
کئچمهسینی
آرزولاییرام.
امینم
کی
میلتیمیزین
بو نجیب، مدنی
و تمکینلی
حرکتی، آغزی
یاوا
دوشمنلریمیزی
سوسدوروب،
اونون
ایفتیرا و
تکفیر
چوماغینی
الیندن یئره
سالاجاق.
گلهجک
بیزیمدیر...
یاشاسین
وارلیغینی
یاشادان
میلتیمیز
یاشاسین
آنادیلیمیز
دگرلی
دوستوموز
منوچهر
عزیزی
جنابلاری
نئچه
ایللیک
سورکلی
چالیشمالارین
دوامیندا،
دونیا
آنادیلی گونو
قورولتایی موناسیبتیله،
رسمی
مقاملارا بیرباشا
موراجیعتینیزه
گؤره...و اونون
یانیسیرا
قورولتایین
هئچ ده یونگول
اولمایان ایجرا
و ایداره
ایشلرینی
یئریتمکده
چابالارینیزا
گؤره، سیزی
ائلهجه
ده بوتون
تبریزدهکی
چالیشقان
دوستلاریمیزی
جانودلدن
تبریک ائدیرم.
بیرینجی
آنادیلی
قورولتایی
(و قارشیسی انگللهنن)
2-جی و 3-جو
آنادیلی
قورولتایلاری
قوروجو هیأتی
عضولریندن
بیری کیمی،
سیزین بو نجیب
و صداقتلی
چالیشمالارینیزا
یاخیندان
قاتیلا بیلمهدیگیم اوچون
اوزگونم.
بونونلا
بئله امینم کی
ایش سیزین
کیمیلرین
الینده
اولونجا، تمامیله
دینج و مدنی
شکیلده ایرلی
گئدیب، اونون
ثمرهلی
نتیجهلریندن
هامیمیز
فایدالاناجاغیق.
گون
او گون اولسون
کی بوتون دیل حاقلاریمیزا
صاحیب چیخاق!
دیل
حاقّلاریمیزی
آلینجا، دیل
آچیب، دانیشماغا
دا حاقیمیز
اولسون!
آنادیلی
قورولتایینین
باشاریلی
کئچمهسی دیلگی
ایله
علیرضا
صرافی
28بهمن 1385