دونيا
آناديلي
گؤنونو٫ آنا
ديلينده
سئچيلن
آدلاريميز
ايله
قوتلاياق
۲۱
فوريه (۲
اسفند) دونيا
آناديلي گؤنو
آدلانيب. بو
گؤنو آنا
دیلینده
قوتلاماق
گرکیر.
۱۹۵۲
ايلينده
فوريه نين ۲-سينده
پاکيستانين
شوونيستي و
آسيميلاسيون
سياستلرينه
قارشي چيخان
بنگلادشليلرين
نئچه سينين
اؤلدورولمه
سي ايله گؤنده
مه چيخان
آناديلي
قونوسو٫ ۱۹۹۹
ايلينده
يونسکو
طرفيندن
دونيا آنا
ديلي گؤنو
آدلاندي.
پاکستان
دولتي
چاليشيردي
آزينليق
اولان اردو
ديليني٫
بنگال ديلينه
اؤستون
ياپديرسين و
اردو ديلين
بوتون
پاکيستان
آدلانديرديقلاري
بؤلگه ده رسمي
ديل تانيتسين.
فارسلارین
ایران
آدلانان
اَلکه ده
یاپدیقلاری
کیمین.
۱۹۵۲
ايلينده
باشلايان
بنگاليلرين
آناديلي
حرکاتي٫ ۱۹۷۱-ده
بنگلادش-ين
استقلاليتينه
ندنلرين
اؤنملي
لريندن اولدو.
دونيادا
مدني
دولتلرين
اينانجينا
گؤره٫
ميللتلرين
ديلي
ياشاماليدير
و حتي يارديم
ائديلمه
ليدير کي
اينکيشاف
ائتسين. مدني
اولمايان
فاشيست
دولتلر آما٫
بونا قارشي
دوروب و
آسيميله
سياستلري
ايله
ميللتلره
باسقي
ياپيرلار.
ايران
آدلانان
اؤلکه نين
فارس-اسلامي
شوونيست
رژيمي، غير
مدني
دولتلردن
ساييلير و حتي
اونلارين
باشيندا گلير.
ايندي
ايسه هر ايل، ۲۱
فوريه دونيا
دا ياشايان
ميللتلر
طرفيندن
ايلگي و جوشقو
ايله
قوتلانير.
سطله آلتيندا
قالان٫
موستقيل و حتي
دولتسيز
ميللتلرده بو
قوتلامالارا
ايستک ايله
قاتيليرلار.
آذربايجان
اسکيدن بري
دولتچيليک
پروسه سيني
گئچيريب٫ آما
يازيقلار
اولسون کي بو
گون فارس
شوونيسمي
الينده
توتوقلودور.
بونا
باخماياراق٫
آذربايجانين
ميللتي٫ اؤز
آنا ديلي و
کؤکلو
کولتورونون
ده ييشمه سينه
اجازه وئرمه
دن اونلاري
قوروماقا
دوام ائدير.
نئچه اون
ايللردير کي
آذربايجان
آغير باسقي
آلتيندادير.
بو باسقيلار
بير سيرا
سيخينتيلار و
اؤزونتولره
ندن اولوب٫
آنجاق
آذربايجان
گون به گون
استقلاليته
دوغرو يول
آپارير.
ايران
آدلانان
اؤلکه ده ايلک
اوخوللار٫
بيليم
يوردلاري و
اصلينده يئني
ليکلرين
هاميسي
آذربايجان و
آذربايجانليلار
واسيطه سي
ايله
تانيتيليبلار.
آذربايجان
تاريخ بويو
مدنيت و زنگين
کولتور ايله
ياشاييب.
اينديکي
سيخينتيلي و
چتين دوروم
بوجور قالان
ده يير.
آذربايجان
گينه آيدين
گله جک ايله
قاووشاجاق.
عرب
و فارس
حکومتلرينين
باسقيلاري
نتيجه سينده (آچيق
يا گيزلي)
آذربايجاندا
ان بويوک يارا
آدلاريميزا
وورولوب.
آذربايجان
تورکجه سينده
گؤزل و
آنلاملي
آدلارين
يئرينه٫ عرب٫
فارس و يا
کؤکسوز آدلار
سئچمه يه
مجبور قالان
آذربايجان
ميللتي٫ بو
دؤنمده ده اؤز
قازانجينا
ييشيکليک
ياپماقا
مجبوردور.
عرب٫
فارس و غير
تورک آدلارا
يوخ دئيه رک٫
هر
آذربايجانلي٫
اؤز سئوديگي
آنلاملي و
کؤکلو تورک
آدي سئچيب و ان
آزيندان
تانيديقلارينا
او آد ايله
تانينماليدير.
بو ايش
آذربايجان
ميللي
حرکتينده
بويوک
باشاريا ندن
اولا بيلير.
تورک آدلاري
يالقيز
آذربايجان يا
تورکيه
آدلارينا
محدود
اولماماليدير.
تورک ديلي و
دونياسي
بويوک دور٫
ضياليلاريميز
آد قونوسوندا
داها
چاليشقان
اولماليديلار.
آدلار٫
آدلارين
آنلامي و
کؤکلريني
آراشديراراق٫
ميللتيميزه و
کولتوروموزه
خدمت ائتميش
اولوب و
گئنجلريميزه
يارديمجي
اولاجاقلار.
ايندي بو
قونودا آز و
يئترسيز
ايشلر
ياپيليبدير
کي من اؤز نوبه
مده اونلارين
يازارلارينين
اليني
سيخيرام٫
آنجاق
آذربايجان
ديلي و
کولتوري چوخ
بويوک و گنيش
ياييلان بير
قونودور.
گون
اولاجاقدير
کي
آذربايجانين
ميلي دولتي
وسيله سي ايله
يئني
کيمليکلريميزده
هر کس سئوديگي
آدي سئچيب و
رسمي اولاراق
او آد ايله
دونيادا
تانينسين.
منيم
رسمي آديم
مسعود انتظار
دير٫ آديمي
آتام سئچيب و
سوي آديم ايسه
بؤيوک آتامين
سئچديگيدير.
آديم و سوي
آديم عربجه
دير. بويوک
بويوک
آتالاريميز
باشقا
ميللتلرين
آذربايجانا
سالديرمالاري
قارشيسيندا
قان وئريبلر٫
ايندي من نئجه
آتالاريميزين
قاتيللرينين
آديني داشيا
بيليرم؟ آتام
باي بک٫ قاني
ايله اؤزونو
بوياييب تا
عرب خليفه سي
اونا قورخاق
آدي وئرمه
سين٫ ايندي من
آتامين
قاتيلينين
کؤلتورونه
عايد اولان
آدي نئجه
ساخلايا
بيليرم؟
آتاما
و بويوک
آتالاريما
سايقي
دوياراق٫ ۲
بايرام ۱۱۰۰۶
(۲۱
فوريه ۲۰۰۷
- ۲ اسفند ۱۳۸۵) دن
اعتبارن
آديمي تبريزلي
باي بک اعلان
ائديرم.
يازيلاريم و
دانيشيقلاريم
هر ايکي آد
ايله گئچرلي
اولاجاقدير٫
تا او گونه جان
کي
آذربايجانا
قاييديب و
رسمي
کيمليگيمي
اؤز دولتيمدن
آلام. بو ايشين
آدي
ايرقچيليق ده
يير٫ بو ايشين
آدي اؤزومه ده
ير وئرمک دير.
اگر
کيمليگيمه ده
ير وئرمک
ايرقچيليق
ديرسا٫ من
ايرقچيام
مسعود
انتظار (تبريزلي
باي بک)
۱۱/۰۲/۲۰۰۷
گلاسگو