عباس قارداشيميز٫ بيزي نامردلر ايله بوراخما

تاريخ قهرمانلار ايله دولودور. قهرمانلار بير باخيشدان تاريخي يازارلار. تاريخده عادي انسانلارين رلي اولماييبدير. تاريخي يارتانلار٫ قهرمانلارديلار.

عباس قارداش٫ سن آذربايجانين بوگونکي قهرمانيسان. ايناديريبسان کي آذربايجان هله ده قهرمانلار تؤره ده بيلير. سن آذربايجانين باشي اؤجا قهرمانيسان.

تاريخ آما٫ نامردلر ايله ده دولودور. نامردلر ده تاريخ يازيبلار٫ آنجاق اؤز باخيشلاريندان. اونلارين يازديقي تاريخ قابقارادير. يازيق کي دونياميز نامردلر ايله دولودور.

قهرمان آز يارانير٫ آنجاق نامرد ساييسيزدير. سن بيزي نامردلر ايله يالقيز بوراخما. بيزه و عائله وه ساغلام لازيمسن تا بيزه و دونيايا دانيشاسان. يالانچي گؤزياشلار٫ا يالانچي شعارلارا و يالانچي آرخالارا باخمادان٫ گرچک دونياميزي گؤروب و سندن آجليقا سون وئرمه ني ايسته ييريک. ساواش سنين دوام ائده جک و سن بيزيم ايله اولاجاقسان.

بيزي دشمنلره يالقيز بوراخما٫

ايرانين فاشيست دولتي٫ سني آذربايجان آدينا آرادان آپارماقا نيتليدير٫ سن بونا يارديم ائتمه. سنين دانيشيقلارين٫ دؤشونجه و ياراتيجي يازيلارون هله آذربايجاني دويونجاسينا سووارماييب. بوراخ سنين ايله ياشاياق٫ سنين ايله ساواشاق و سنين ايله قازاناق. بيزي قارداش٫ يولداش و ساواشداش کيمين قبول ائديب و آجليقووا سون وئر.

عائله وين و بيزلرين باشيني اؤجالتيبسان٫ سنين اوشاقلارين٫ يوخ٫ بلکي آذربايجانين اوشاقلاري سنه بير قهرمان کيمين باخيرلار. اوشاقلار گله جکديلر. اونلارين قهرمانلاري ياشاماليدير. اوشاقلار ساباح آذربايجاني قورويان عسگرلر اولاجاقلار. اونلارين دؤشونجه لرينده بوراخديقين اتکيني داها گؤجلنديرمک اؤچون آجليقووا سون وئر.

عباس قارداش٫

اليندن اوپوب و سنين ايله برابر٫ آذربايجان دوشمانلاري ايله ساواشماقا سؤز وئريريک. يئتر کي بيزيم ايله قال.

باي بک توپلومي