فاشيست لرين آذربايجاني آسيميله ائله­مك اوچون پلانلاري

بو سؤن زامانلار، آذربايجانين خورداد اينقيلابيندان سؤنرا، فارس حاكيمييتي اؤز باخيشيني آذربايجانا و ميللي حركته دييشديردي. فارس حاكيمييتي آذربايجانين ميللتيني آسيميله ائله­مك اوچون قديمي يوللاردان فايدالانيردي، ياني اؤنلار آسيميله پروسه­سيني بو يوللارلا اوغورلو بيليرديلر و دييشدير­مه­يين اؤنملي بيلميرديلر. آنجاق بو قيامدان سونرا آسيميله ائله­مك اوچون قديمي يوللاري قيراغا قويوب و بوگونكو دوروما اويغون يوللارا اوز گتيريب و بو پروسه­ني سونا چاتديرماقا چاليشيرلار.

ائله بو اساسدا  حاكيمييتين امنييتينه باغلي اورگوتلر، نئچه جوره آراشديرمالار آپاريب­ و يوللار گؤستريب­لر. اونلار آذربايجانين حركتينين قارشي­سيندا دايانماقدان اؤترو تركيبي يوللاري اؤنري وئريب­لر، ياني هم امنييتي نظامي، هم ده كولتورل يوللاري. اونلار اوچون تكجه بير هدف وار اودا آذربايجاني آسيميله ائله­مك.

اؤرگوتلرين هم تحليلي و هم ده خبري بولتن­لري بوتون يئرلره ياييلير و اؤرگوتون اويه­لري بير تاكتيك و بير استراتژي­ ايله بو حركتين قارشيسيندا دايانماقا تكليف اولونور. بو تكليف­لرين بير نئچه­سي بونلاردي:

1-     هد­ه-قورخو ايله، ميللتچي­لرين چاليشمالارينين قارشيسيني آلماق

2-  حساسيت يارالدان موضوعلارين(جوك، اله سالماق...) رسمي تريبونلاردان ياييلماقين قارشيسيني آلماق

3-  آذربايجانا و تورك ديلينه عاييد بوتون كولتورل  چاليشمالاري دايانديرماق ، و فارس اوتوريته­سيني گوجلنديرن مدني اورگوتلرين چوخالتماق،

4-  يئري گلديكده مدرسه­لرده تورك ديلينده فارسين ميللي فرهنگيني تبليغ ائله­مك،

5- موخاليف پان فارس تشكيلاتلارين (جبهة ميللي، نهضت آزادي، پان ايرانيست­لر) گونئي آذربايجان شهرلرينده دستك­لمك،

6-     موازي جريانلاري ياراتماق(ايران شمالي،....)

7-     يونيورسيته­لرده، فضا­ني آذربايجانلي اؤيرنجي­لره( توركچولره) داراتماق،

8- پان فارسلارين چته­لرين يئني­دن قورماق، گنج نيرولاري ييغيب و كادرو يئتيش­ديرمك

9- يالاندان علمي قايناقلارا سويكنمك­له او مطلب­لري فارسلارين نفعينه موصادره ائله­مك ( ژنتيك، ژنتيك باستان)

10-ساغا سولا باغلي، فارس­چي تشكيلاتلارين ياراديلماسي( ميثاق، وطن جمعييتي، نهضت آزادي، جمهوري خواه­لار، كومونيست­لر، چپ مودرن، ........)

11- پان فارس شخص­لري، موخاليف نيظام عونوانيندا ديرچت­مك­لري( پيمان پاكمهر.....)

12-آذربايجان­دا ميللت­چي­لره ياخينلاشيب و حركتي يولوندان چيخاريب و حاشيه­ايله باشين قاتماق( رضا سياح، آلتاي تبريزلي.........)

13- آذربايجانلي كؤكنلي كسلري آذربايجاندا اولان امنييتي اؤرگوتلردن قيراقدا ساقلاماق و امنييتي اؤرگوتلرين سوروملولوقلارين فارس كؤكنلي كيمسه­لره تاپشيرماق

حاكيمييت اؤز تحليلينده هئچ عونواندا آذربايجانلي­يا حاق وئرمه­ييب، بو حركتلرين عيللتيني حاكيم­لرين آذربايجان مسئله­سينين حساسييتيني دريندن دوشونمه­دييني بيليبلر.

بو اؤرگوتلرين كي بئله بير آراشديرما مركزلري وار، خبري و تحليلي بولتن­لري محرمانه و خيلي محرمانه ماركي لا ياييليرلار بير نئچه­سي بو عونواندادي­لار

1- وزارت اطلاعات 2- سپاه پاسداران 3- شوراي سيايت گذاري ائمه جمعه 4- مجمع تشخيص مصلحت نظام 5- حفاظت اطلاعات نيروي انتظامي 6- مركز پژوهشهاي مجلس شوراي اسلامي 7-حفاظت اطلاعات  ارتش و وزارت دفاع 8- وزارت كشور ..........

   اؤرگوتلرين بير نئچه­سي­نين­ يايديقلاري بولتن­لردن بيزيم اليميزه چاتيب، آنجاق ايمكاني اولماييب بيز اونلاردان اسكن ائله يبب  يا كوپي چكيب ياياق. آشاغيدا بير بولتن خبري كي «رويدادها» عونوانيندا هر آي امام جومعه­لرين آراسيندا ياييلير، بير نومره­سينده گونئي آذربايجان ايلگيلي اولان مطلبري اسكن ائديب سيزين حوضورونوزا چاتديريريق.

بو بولتن­لري اله گتيرمك، حاكيمييتين باخيشلاريني بيزه بيلمك اوچون چوخ اؤنملي­دير و يولداشلاردان ايسته­نيلير هر بير بولتنه و يا سنده اللري چاتا بيلسه و اونلاري يايا بيلمك ايمكانلاري اولسا يايسينلار.

                                                                                         حؤرمتله اتابك مرادي