BAKI ŞƏHƏR İH-dən AXCP-inin müraciyyətinə QADAĞA

AXCP isə aksiyaın keçiriləcəyi ilə bağlı mövqeyini dəyişməyib

Xəbər verildiyi kimi AXCP “Azadlıq”qəzetinin binasından çıxarılmasıyla bağlı Əmlak Komitəsinin İqtisad məhkəməsinə müraciətinə etiraz olaraq noyabrın 2-də Prezident Aparatının,

Bakı Şəhər İH-nin və Əmlak kKomitəsinin yerləşdiyi binaların yerləşdiyi ərazidə piket keçirilməsi üçün şəhər meriyasına xəbərdarlıq məktubu göndərmiıdir. Bu gün Bakı şəhər İH cavab məktubu göndərib. Cavabda bildirilir: ”Sərbəst toplaşmaq azadlığı haqqında» Azərbaycan Respublikası Qanununun 9-cu maddəsinin 3-cü hissəsinin 1-ci bəndinə uyğun olaraq Azərbaycan Respublikasının qanunvericilik, icra və məhkəmə hakimiyyəti orqanlarının yerləşdiyi binaların ətrafında 300 metr radius çərçivəsində yığıncaqların, mitinqlərin və nümayişlərin keçirilməsi qadağandır.

Bundan əlavə «Sərbəst toplaşmaq azadlığı haqqında» Azərbaycan Respublikasının Qanununa müvafiq olaraq Bakı şəhər İH başçısının 318 saylı 27 oktyabr 2006-cı il tarixli Sərəncamı ilə Bakı şəhərində toplantıların, mitinqlərin və küçə yürüşlərinin keçirilməsi üçün yerlər ayrılmışdır. Həmin yerlər haqqında məlumat «Azərbaycan» qəzetinin 243 saylı 29 oktyabr 2006-cı il tarixli nömrəsində dərc olunmuşdur.

Odur ki, Bakı şəhərində toplantı, mitinq, nümayiş və ya küçə yürüşlərinin keçirilməsi üçün ayrılmış yerlərdən Bakı Şəhər İH birini seçərək, qanunvericiliyin tələblərinə müvafiq olaraq yazılı xəbərdarlığın - Bakı Şəhər İH nə göndərilməsi tövsiyyə olunur.”  Cavab məktubna   münasibət bildirən AXCP sədrinin müavini Həsən Kərimov Bakı Şəhər İH-nin növbəti dəfə qanunları pozuruğunu qeyd edib. ” Biz  onlara mitinq və küçə yürüşüylə bağlı deyil konkret ünvan gösterməklə piket keçirməklə bağlı müraciyət etmişdik. Meriya isə bizə yürüşlə bağlı marşurut təklif edir”. AXCP yetkilisi cavab məktubunda istinad edilən Azərbaycan Respublikası Qanununun 9-cu maddəsinin 3-cü hissəsinin 1-ci bəndinə işarə edərək “Biz planlaşdırdığımız aksiyanı məhz bu qanuna uyğun olaraq nəzərdə tutulan binanın 300 metrliyində keçirəcəyik ” deyib.