حمله٫ رمز موفقيت - دفاع٫ قبول شکست

يکي از اصول پيروز شدن و پيروز ماندن٫ حمله و قدرت حمله مجدد است. در جنگهاي واقعي و يا مجازي اين يک اصل است.

چند مدتي است که کلمه ؛ايران شمالي؛ ورد زبانها شده و در محافل عمومي استفاده کلي يافته است. آيا از خود پرسيده ايد چرا؟

روز ۲۵ مهر (۱۸ اکتبر) روز استقلال دوباره آذربايجان شمالي از سلطه اتحاد جماهير شوروي است. اين استقلال بر همه استقلال خواهان و خصوصا ملت تورک آذربايجان مبارک باد. اينروز روز بزرگي در تاريخ ملت آذربايجان محسوب ميشود.

هر چند اين چندمين بار است که آذربايجان مجبور به گرفتن استقلال سياسي از قدرتهاي منطقه ميشود.

جمله بالا دقيقا به همين علت نوشته شده است: يکي از اصول پيروز شدن و پيروز ماندن٫ حمله و قدرت حمله مجدد است.

کشور بزرگ و استراتژيک آذربايجان که اينک به دو بخش عمده شمالي و جنوبي تقسيم شده و اين بخشها نيز به بخشهاي کوچکتر تجزيه شده اند٫ داراي سابقه اي طولاني در تمدن بشري ميباشد. سرزمين آتش و برابري و سرزمين خون و پايداري٫ آذربايجان ٫ آذربايجان است.

اتحاد دوباره و دائمي اين سرزمين چگونه ممکن خواهد شد؟

بللي دير کي بو ايش ٫ بيز آذربايجانليلارين (گونئي لي و قوزئي لي) بيرليگي و بيرليگ يارانماسيني دوشونماقيميز ايله الده اولونا بيله جک. بو دئمکدير کي اگر بيزلر اؤز آراميزدا بيرليک ياراتمازساق٫ توپراقلاريميز بيرليگه قاووشامازلار.

بيرليگين ايلک آدديمي ايسه شخصي و بره سيز (فايده) دؤشونجه لردن قورتولوب و آذربايجانين گله جگينه دوشونمک دير. بو آدديم ايلک و اؤنملي آدديمدير. اگر بيزيم ايشلريميز و دانيشيقلاريميز بو يولدا گئدرسه٫ سونوج بيرليگه دوغرو حرکت دير.

اگر بيزي بيزدن ائدن ايشلر ايله باشيميزي قاتساق و هر کس منم منم ديه ميداندار اولورسا! آذربايجان بيرليگه قاووشماز کي هيچ ٫ بلکي اولان قالان توپراقلاريني دا فارسا٫ ارمنيه و يا کورده يئديرده جک. بو گون يالاندان فارسلار ايران شمالي دئييب دورموللار ! بوگون اونلار ساباحلارينا ايش ياپيرلار.

گونئي آذربايجانين ميللي قالخيشي (خرداد آييندا) اورتا دوغودا بويوک ده ييشيکليک ياراتدي. شايد بيزلره گيزلي اولسون آما بو بير گرچک دير. اورتا دوغونون گله جگينه پلانلار ياپيب و او پلانلاري ايشه سوخماقا باشلايان گوجلر٫ بير آندا اوزلرين ده ييشيک بير دوروم ايله قارشي قارشيا گوردولر. اونلارين پلانلاريندا٫ آذربايجان و آذربايجان توپراقلاري داها چوخ تضييق و داها چوخ داغيلماق ايله قارشيلاشمالي ايدي ! آنجاق ميللي قالخيش بو ايشلري پوزان کيمي گورونور.

آمريکا٫ روسي٫ ائرمنيستان ٫ ايران و تورکيه بيري بيريندن چوخ تاققا يئديلر. بونلارين پلانلاري (حتي تورکيه نين) آذربايجاندان اؤز ميللي منافعلري اؤچون بهره آپاريب و لازيم اولدوغو آن اونو (آذربايجاني) قوربان ورمک دير.

تورکيه نين کورد و اروپا قورخوسو ٫ ائرمنيستانين گوج ايله اوغورلاميش توپراقلاري و ميللي امنيتي ٫ ايرانين (فارسلارين) استعمار سياستي و فاشيستي ايستکلري ٫ روسيه نين اورتادوغو قاپيسي و خزر ثروتي و سونوندا آمريکانين ٫ بونلارين هاميسي بيرليکده و خلاصه اولاراق دونيانين دورد يولونون اورتاسي (هارت لند) تانينان آذربايجاني الدن ورمک قورخوسو ... بيزي قوربانليق بير قويون کيمين اورتاليقدا ساخلاييبلار.

قوربانليق قويون اولوب و اؤلؤمو گوزله مک چوخ چتيندير. سايقيلي آيدين تبريزي سون مقاله سينده ايرانين و يا آمريکانين اتم مسئله سي ايله باغلي گوروشونون اؤزتي (خلاصه) بو اولور کي آذربايجان همان من دئديغيم قويون کيمين اؤلدوروله جک ٫ اولور دونيانين سوپر گوجو ٫ آمريکا وسيله سي ايله و يا دونيانين بالاجا گوجو٫ ايران الي ايله !! سونوج اؤلؤم دور.

اگر اؤز گوجوموزه اينانمازساق٫ گرچکدندن قوربانليق قويون اولوب اؤلمه ميز ياخجيدير.

ايکي گون بوندان اؤنجه دکتر محمود علي چهرگانلي گون آذ تي.وي يه قوناق اولدولار. من شخصا دکتر بئي و اونون شخصي ياشامينين آذربايجان يولوندا خرج اولماسي قونوسوندا باش اييب و اليندن اوپورم. آما سياست شخصي مسئله و يا جسمي ناراحاتچيليق ده يير. سياست و سياسي ايش بير ميللتين گله جگي ايله باغلانيب. اگر بير سياستچينين ظرفيتي اولمازسا و سياست دوني سيندا اولان معمولي باسقيلاري (تنقيد ائدنلر٫ مخالفلر و دشمنلر) چکه بيلمزسه ! او شخصين ظرردن سورا هيچ بير تاثيري اولماياجاق.

اوبيري ليدر تانينانلار گيزلي قالماقي ترجيخ وئريب و صانديقخانالاريندا ساخلانيرلار. ساده جه ايکي ليدر اورتاليقداديلار: صالح ايلديريم (گايپ) و هردن بير دکتر چهرگانلي (گاموح). بو وسيله ايله بو ايکي ليدردن تشکر ائديب و گينه ده شخصي سايقيلاريمي بيلديريرم. آنجاق شخصي سايقي ايله سياسي تارتيشما بير بيرينه قاتيلماماليدير. اگر بير سورو وارسا٫ جوابلانماليدير. اگر بير سهو وارسا٫ اعتراف ائديب و دوزلتيلمه ليدير. اگر يالان وارسا٫ عذر ايسته نيب و استعفا ائديلمه ليدير. بو سياستين ايلک درسلريدير. يالان سويله٫ ياخالانما. سهو ائت آما دوزلتمه سينده آخساما. سورولارا محکم جواب ور تا گله جک سورولارين اؤنو آلينسين.

دکتر بي و اونون کور يانليلاري بو گون ميللي حرکت ٫ گونئي آذربايجان و اصلينده بوتوو آذربايجانين ايچينه آيريليق و دشمنليق ياراتيرلار. بو آيريليق و دشمنليقين اؤرنگي بو گون دانيشيقلار٫ تخريبلر و يرسيز تنقيدلر ديلر. بايراق مسئله سي چؤزولمه دن آچمازا گلدي ! بيرليک يارانمادان آيريليق دوشدو ! آيا بو ايشلر بيزيم گله جگيميزه يارارلي اولا بيليرلر؟

بايراق بير اؤنريدير دئين٫ بوگون سومه ين ترک ائتسين دئيير ! عسگر اولان٫ محکمه دن و خائنلردن دانيشير ! گله جک ميللتين دئين٫ بو گون اؤلوسلار آراسي قرار ورمگه چاليشير!

بو ايشلرين باشيندا ساده جه بير شخص گلير و اودا دکتر محمود علي چهرگانلي اؤزلري دير.

دکتر بو گون دانيشيب و تاکيد ائتديکلري سوزلردن ساباح خبريم يوخ دئيير ! بو گون يوخ دئييب و ساباح هه دئيير ! بو گون ياخجي دئييبده ساباح دانير ! دکتر استعفا ورديم دئيير ٫ آما کور يانليلاري اونو اولو ليدر ديه تاپيرلار (پرستش). اگر بو سياست دير ( کي ده يير) بلکي بيزلر (من يوخ٫ سياستچيلر) سياستي يانليش آنلاميشيق!

سوزومون باشلانقيجيندا ايران شمالي ايشي ايله باشلاميشام. ايران شمالي فارسچيلارين تام کسکين و ايتي سيلاحلاريندان بيريدير. مقاوله لر ٫ دونيا گؤجلريندن سس ٫ ايکي اؤزلو قومشولاردان دستک و حسابسيز مادي قايناق اونلارين الينده دير. ايران شمالي ساده جه بير آد ده يير٫ بو پلانين آرخاسيندا مينلرجه ايش و ميليونلارجا ايشلدن ياتيب. بيز آما اوتوروب و دولتي اولمايان ميللته بايراق چيزيب و يا قارالاييريق‌!! حيرت اولسون تورک بيرليگينه.

بيرليک و بيرليک! يالانچي فعاللار

اينسانين بوغازي قورور و بئيني دايانير. آخي بوقدر ده بيرليک دئييب و آيريليقا دؤشونن فعال بير ميللته ياراشير مي؟ يوخ جانيم ياراشماز. بو بويوک بير عيب دير و بيزيه آغير ضربه لر ووروب٫ ووردورور. باخئن بو اؤچ آيدا فارسچيلار چوخ قازانديلار يا بيزلر؟ بير بيريميزه يالان سويله مييبده دوغرولاري قونوشاق ٫ اونلار داها چوخ قارانيبلار و اگر بيز بوجور بيربيريميزه سالديرساق ! داها چوخ قازانيب و بو ميداندان غالب اولاراق چيخاجاقلار.

بوگون سورا ياراتانلار ٫ ساباح جبهه قورانلار ٫ بو گون پارلمان جورليينلر ساباح بللي ده يير بيزيم باشيميزي نه ايله قاتاجاقلار ! ايچلرينده جان يانديران فعاللار بيله بي آبرو اولورلار. منجه يئتر بو سئرچه بويامالار !

گرچک بيرليک نئجه يارانا بيلمير آما ساواشلار گون به گون بويور و اورکلر پارچالانير؟

چونکو:

۱- ايچيميزده ساتقينلار يوخاريلارداديلار

۲- ايچيميزده آنلاماز ليدرلر وار (آنلاماز توهين آنلاميندا ده يير(

۳- منليکدن قورتولماق دؤشونجه سي گوجلو ده يير

۴- قوزئي و گونئي آذربايجان آراسيندا ايلتيشيم (ارتباط) يوخدور

۵- قوزئي آذربايجانين بايراقي و ليدرلري اوردا قالماييب و گونئيه تحميل اولماقدادير (اشتراک يوخدور(

۶- بوش خياللار ايله بوش اللره باخيريق (مثلا آمريکا يا تورکيه(

اگر بو آلتي آشاماقي (مانع) آشساق ٫ کسين دير کي قازانج و ظفر بيزيم اولاجاق. آما سيزجه بو ايش اولاندير؟

سالديرمالييق آما دؤشونجه و پلان ايله. سالديرقان اولماق هيچ عار ده يير. اگر اؤز کيمليک و اؤز توپراقلارووي قوروماق اؤچون سالديرماليسيان٫ سالدير. اگر آذربايجانين بيرليگيني ياراتماق اؤچون سالديرماليسان٫ سالدير.

ايران شمالي٫ بوستان و يا گلستان مقاوله سي ٫ فارس دولتينين قوزئي آذربايجاندا کولتورل (فرهنگي) چاليشمالاري ٫ گونئي آذربايجاندا خفقان و قورخو ٫ قوزئي آذربايجانين دولتينين يوموشاق سياستي ٫ ائرمنيستان-روسيه-آمريکا و تورکيه نين بيرليگي و ... بيزه سالديرماق امري ورير٫ چوخدان دير سالديرماق بهانه سي حاضر اولوب. سالديرمازساق ٫ اوتوزموشوق.

ساباح آمريکا عراقي چؤزوب و ايرانا باشلاياجاق و يا ساباح ايران اتمي بمب ياپيب و اورتادوغودا بويوک گؤج اولاجاق ٫ و يا تورکيه اروپالي اولوب و کوردلره توپراق وره جاق ٫ و يا ائرمنيستان توپراقلارين سنديني اؤز آدينا ووراجاق ٫ و يا کوردلر مملکت ياپيب و تبريزي باش کند ياپاجاق و يا ...

سالديرماق امريني کيم وره جک؟ آذربايجانليدان و آذربايجانلينين توپراقيندان کيم مودافعه ائده جک؟ تورک ميللتي هانچي بيليک ايله بو تهليکه لرين قارشيسينا چيخاجاق؟

آذربايجان نه اولاجاق؟

مسعود انتظار

۱۸/۱۰/۲۰۰۶

گلاسگو