شعر معاصر تركي استان همدان آزربايجان

معصومه صادقي سپهر ( عرب ادبييات ليسانسييه سي )
رزن شهه ريندن- همدان اوستاني - آذربايجان

منيم آي غملي ديليم !

(« سينا » هفته لييي نين 113- نجو ساييسيندا چاپ اولموش )

منيم آي غملي ديليم !
درده بورونموش
سنه چوخ دردلي سؤزوم وار
سنه ايللر بوْيو قان آغلاماغا بيل كي گؤزوم وار
داخي دوستاقلي گؤنول ايچره كؤزوم وار
سن آتامين ديلي‏سن ، هم ده آنامين
ائليمين ، ميللتيمين ، كيمليييمين
بايراغي سَنسَه ن
تؤركلويون شانلي نيشاني
اُولاماز نازلي ديليم من سني آتام
اؤزگه ‏لر ديلينه ، ياد ائللرينه من سني ساتام
سني آلداتماييرام
سني ايچدن سئويره‏ م
سن اگر سولغون اولاسان ، سولاسان
گؤزلريم گؤز ياشيني دالغالارام
ظولمه قارشي آخارام
كؤزه ‏ره ‏ن گؤكسوم اوديله ياخارام
ظولمه سوْن نوقطه‏ سيني قويمالييام
سنه من آند ايچَه ره ‏م
آخي تورك'ون توْرونو
آنا "تومروس" قيزييام
آي منيم غملي ديليم !
درده بورونموش
سنه من آند ايچه ره ‏م
سنه من آند ايچه ره ‏م

آقاي صادقيان- همدان شهه ريندن - آزربايجان

آنا يوردوم، همدان !

بو گؤزه ل اؤلكه ميزين ، گؤرمه گه وار آيري صفاسي
"همدان" توركلريني ايسته‏ مه ‏لي دوغدو آناسي

دين-و مذهبده آدي "مأمن مؤمن"دي بو شهرين
عئلمده باخ كي چاتيب هر يئره دؤنيادا صداسي

يايدا گزگين‏لر ايله شهر، ائله بيل، پاريس'ه بنزه ر
بلليدير چونكو اونون سئومه ‏ليدير آب-و هواسي

« عليصدر» غاريني گؤرسه اولاجاق خيلقته حئيران
بارك الله او يدالله كي قويوب اؤيله بناسي

فارسلارا وار بو نصيحت كي ياماندير بو منييت
فارس-و تورك ، كورد-و لُورين هاميسينين بيردي خداسي

بويوروبدور بونو قورآن كي فقط تقوالي اوستدور
كيسمه كي اه يمه‏‏ يه باش بونا اونون يوخدو خوداسي

هاني "آخوند شوندي" ، هاردادير "شئيخ بهاري" ؟
هاني "موللا علي معصوم" ائله ميش ترك-ي معاصي

آنا يوردوم، همدان ! "تنها" سنه سؤيله‏دي ، سن ده
سؤيله شاعيرلر ايچينده ، شيعرينين چوخدو باهاسي

مهدى كردخورى ملايرى

اشعار زير از شاعر ترك ملايرى - از استان آذربايجانى همدان- مهدى كردخورى ملايرى است:

ماه اوزونه سالميش بير ملك منظر
مؤعتبر زولفلرين زر افشان اولدو.
عئشق آتشى منى سالدى آياقدان
هئچ دئمه ز عاشيقى ناتوان اولدو.

يوسيف سن سن زولئيخانين معشوقو
عالمه دوشوبدو شووقون ايشيغى
ايختييارين الدن آلدين عاشيقى
عاشيق ديندن چيخدى٬ بى ايمان اولدو.

هر باخاندا عيشوه ساتارسان منه
چوخ بى مورووت سن٬ يئتيشديم جانا
بيلير عالم گيريفتارام من سنه
حق مورووتين كسسين٬ باغريم قان اولدو.

جهد ائده ر ده قورتارماغا عهدينى
امه ن اولماز شيرين لبين شهدينى
بسدير٬ چوخ اينجيتدين فقير مئهدىنى
اگر كافير٬ ايندى موسلمان اولدو.

شاعير تانيتيمي

عليرضا كامراني دانا

لَلين (لالجين) شهه ريند‏ن- همدان اوستاني- آزربايجان

(« سينا » هفته لييينين 115- نجي ساييسيندا چاپ اولموش )

نه ‏دي دونيا

انـدوه-و غميـن گـوزگوسو ، غمـخانه‏ دي دونيـا
افسانه يازانلار يازيب : افسانه‏ دي دونيا

آلدانما زر-و زيـورينه ، يـوخدو وفـاسي
هم دام-ي فريبنده‏ دير ، هم دانه‏ دي دونيا

بير لحظه‏ ده ، ويرانه جيداري ييخيلان‏دير
ويرانه ‏يه يورد سالما كي ويرانه‏ دي دونيا

هر ائو كي سو اوسته سالينيب ، غرق اولوب آخير
سو اوسته سالينميش ائو- و كاشانه ‏دي دونيا

ائي كاخدا-و قصرده منزيل ائده ن اينسان
گئت "دارِ-ي سلام" ايچره ، گؤر آيا نه‏ دي دونيا

گؤر نه سوروشوب "نوح-ي نبي"دن "ملك العرش"
باخ "نوح" بيانيندا ، عزيزا ، نه ‏دي دونيا

"جبريل-ي امين" ، نازيل اولوب نوح`ه سوروشدو:
چوخ عؤمر ائله‏ يه ن حضرت-ي نوح`ا ، نه ‏دي دونيا ؟

حضرت بويوروب پئيك-ي خوداوند-ي جليله
ايككي قاپيلي ائو كيمي بير خانه ‏دي دونيا

بو مطلب-ي زيباني بيله ندن سورا ، واللاه
هر كيم سنه بئل باغلاسا ، ديوانه‏ دي دونيا

فخريم بودو : مدداح-ي حوسئين ايبن-ي علي`يه م
جان-و قلميم وقف او سولطانه‏ دي ، دونيا

شيش گوشه مزاريندان اوزاق دوشماغا خاطير
"دانا" اوره يي " اُستُنِ حنّانه "دي ، دونيا

شاعير تانيتيمي

عباس مرادي (ياز)

باهار شهه ريند‏ن- همدان اوستاني- آزربايجان

(« سينا » هفته لييينين 115- نجي ساييسيندا چاپ اولموش )

آلين يازي

گَلَه ن گوندن يالان اولدون ، ازل گوندن يالان دونيا!
وفاسيز ! اولموشام سن بيوفادان باغري قان ، دونيا!

جفالار چكميشه م سندن ، بلايا دوشموشه م سندن
گيريفتار اولموشام سندن ، منه زيندان اولان دونيا!

اَليندن ناله‏ لر گؤردوم ، سارالان لاله لر گؤردوم
كؤچَه ن كؤچدو ، گله ن گئچدي ، بلالي ساربان دونيا!

قوجالديم ، هوش ـ هوس اوچدو باشيمدان ، اولموشام يورغون
گؤزوم گؤرمور ، آياق گئتمير ، داخي اولمام جوان ، دونيا!

گئجه ـ گوندوز فغان ائيله‏ ر ، يازار " ياز " غملي دفترلر
آلين يازي يازان يازميش منه آه-و فغان ، دونيا!

شاعير تانيتيمي

مهدي طراوتي توانا

باهار شهه ريند‏ن- همدان اوستاني- آزربايجان

( « سينا » هفته لييينين 115- نجي ساييسيندا چاپ اولموش )

مهدي طراوتي توانا، متولد سال 1358 از شاعران جوان شهر بهار (واقع در استان آزربايجاني همدان) است. وي از دوران نوجواني به طبع آزمايي در عرصه شهر تركي و فارسي پرداخته و بهره گيري از محضر استاد غلامرضا بهاري (باهارلي)، گامهاي او را در اين مسير محكم تر نموده است و البته آشنايي طراوتي با آثار ادبيِ قله هاي شعر تُرك همچون علامه فضولي، حبيب ساهر، شهريار، سهند، ناظم حكمت و ... نقشي تعيين كننده در مسير تفكر شعري و ادبي او داشته است.اينك نمونه اي از شعر او :

تورك`ون ديلي

ايللر گئچيب ، اويان يوخودان شانلي قارداشيم !
سسلَه ن : باهارلي ! آيدينا چيخسين قارانليغين

سـَسـله ن اويـانسيلار يوخودان تورك ائللري
بيلسين حرامي‏لر آپارير يولدا وارليغين

اوتراق ائتمه اؤزگه ديلين كؤلگه ‏سينده ، دور !
تورك`ون ديلي ايله ائيله بنا جاودانليغين

تورك`ون ديلي سنينله اولوب دوغما قارداشين
سن ده بو دوغما قارداش ايله آت اوتانديغين

غلامرضا عابدينلو

رزن شهه ريند‏ن- همدان اوستاني- آزربايجان

آنــا

(« سينا » هفته لييينين 115- نجي ساييسيندا چاپ اولموش )

گل بيـر آنـا اَه يـله ش دؤنــوم باشيــوا
قـادان آليــم قوربان كسيم قاشيوا

غمـلي گؤرسه م سني ، گؤزوم ياش اولار
منــيم نظــريمده دونيا باش اولار

مئهـرين قلبيـمده‏ ديـر آنـا ! بيـليــرسـه ن
آنـد او قيبـله‏ يه كي ناماز قيلارسان

بـارماقـلارين چـاتيــن آنـا گــؤره نــده
ايش توخويوب يا كي كؤينه ‏ك هؤره نده

بئلــه بيـل كـي اوره ييــمي داغــليـران
اونـدا كـي سن بارماقلارين باغليران

ناخـوش ايديم ، صوبـحا كيـمي ياتمادين
آي تك ، باشيم اوستونده سن باتمادين

صوبحـا قـده ر مندن گيـزلين آغـلارديـن
گـاه دؤشـونه ، گـاه داليـنا بـاغـلاردين

اينـدي داخـي گئـچيب گئديب او گونلر
اينـشاۆ آللاه آچيــليبــديـر دويــونـلـر

قيش گليـري ، گتـير كـؤرسون قـورگيلَه ن
تنـدير دؤشـونه يئـرآلمـا وورگيــــله ن

كاش ييغـيلاق گئـنه سـؤرفـه بـاشيـنا
هئـي گـؤز تيـكَه ك قـابلامـانين آشيـنا . . . .

مظفر غفاري نوين

جهننــمه ! !

ايسكيناس بيزلريله ن هئيچ ايشي يوخ ، جهــننمه !
يا كـــي بيزلر آجيـگ -و فيلاني توخ ‌، جهننــمه !

كاباب اولدو اوره ييم ، اوشاق كاباب گؤنو چكير
بو باهاليــق وورورو قلبيــمه اوخ٬ جهنــنـمه !

بس كي شادليق ائله ييب فيلاني گونونو ووروب
بيچــاره ـ بينوانين غوصصه سي چـوخ٬ جهنـنمه !

بينوا مشــدي فيلاني ، نه ايشـــي وار نه پـولو
عصـــباني اوتوروب حوصله پـوخ٬ جهننــمه !

باخ گيــله ن ايفاده يه حاجي فيلان خانـزاده سي
گونده بير مودئل گئيير خوشدور- و شوخ٬ جهننـمه !

آجليــغي بس كي چكيب جمالي بنزه ر گيچي يه
يوخدو بير كس سوروشا آجدي ‌يا توخ٬ جهننـمه !

جور به جور منزيلي وار ، نئچـه جوره ماشين-ي بئنز
حرام اولسون اونا وار چوخ ، بيزه يوخ٬ جهنـنــمه !

علي اصغر مصطفوي

لالجين شهه ريندن-بهار شهريستاني- همدان اوستاني- آزربايجان

سن ده بئله مغرور-ي جمال اولما ، عزيزيم !

(« سينا » هفته لييينين 113- نجو ساييسيندا چاپ اولموش )

عؤمروم گئچيب احوال‏ـ ‏ي جوانليق هاني قارداش
ايششيق گونوزوم اولدو قارانليق داخي ، قارداش
بوش معريكه‏ ده اوْل قورو خانليق هاني قارداش؟
افسوس! گئچيب عؤمر ، توگه ندي اوْ طراوت
اُوْل بزم‏ـ‏ي طرب اولدي حيكايت هامي ، قارداش

پيس وقتده بويوردون سنه بير شئعر يازام من
فيكر ائيله ‏مه‏ دين بلكه بو اشعاري آزام من
يا يازديغيم اشعاري جيسارتله پوزام من
يوخدور داهي بنده ‏نده اوْ ذؤوق ايله شهامت
گول اولدو خيزان ، باغ‏ـ‏ي فصاحت هاني ، قارداش

نه باشدا واريم حؤوصله ، نه قلبده طاقت
بير لحظه ‏ده جيسميم تاپيري ضعف-و كسالت
اؤتدو گؤزه‏ل عؤمروم ، هامي جهل ايچره ، جهالت
هر چند جوانلاردا دا قالماز بو وجاهت
گئد گؤلشَه ‏نه باخ ! گؤر او طراوت هاني ، قارداش؟

ايندي دلي‏لر تك اولورام من عصباني
هر لحظه دوشور ياديما اييام-ي جواني
چوخدور اوره گيمده ، منيم ، اسرار‏ـ ‏ي نهاني
فاش ائيله‏ مه‏ ره م ، ائيله‏ مه ‏م هرگيز ده شيكايت
عاجيزدي قلم ، وقت‏ـ ‏ي كيتابت هاني ، قارداش

سن ده بئله مغرور-ي جمال اولما ، عزيزيم
لاكين چو من آزورده خيال اولما عزيزيم
سن عاشيق-ي آمال-ي محال اولما ، عزيزيم
دوشمه ز الينه ، يوخدو داهي هيجرينه طاقت
عاشيقلار اوچون صبر-و متانت هاني ، قارداش؟

بو دهرده ، گَل سالما اؤزون درد-و بلايا
فيـكر ائيلَه‏ گيـلَه ‏ن گئتـمه ‏گينه دارـ ‏ي بقـايا
"نمرود"ي ، "سؤلئيمان"ي فلك ووردو فنايا
بيل گورگِ-ي اجل جنگينه يوخ كيمسه‏ ده طاقت
گر چاتسا اجل ، وقت-ي خلاصت هاني ، قارداش؟

بئش گون ، باشارارسان ، هامي مخلوقا وفا قيل
آت جور-و سيتم داشيني ، سن ترك ‏ـ ‏ي جفا قيل
گل ديققت ايله ، بيرجه نظر بر سولفا قيل
گؤر هاردا ، او كس‏لر كي به صد شور-و وقاحت
سندَن قاباق ائيله ردي ريياست ، هاني ، قارداش؟

سؤز دوشدو اوزون ، ختم ائليره م ، ائتمه گيلايه
لازيـمدي بـو اشعـاري چـكه م كربُوبَـلايا
چون نوحه ‏گره م ، سن كيمي ، شاه‏ـ ‏ي شوهدايا
گر ائتمه ‏سه محشرده من-ي زارا شفاعت
بو عبدِ-ي گُونَه‏ كارا سعادت هاني ، قارداش؟

خسرو قرباني (غريب)

باهار شهه ريندن- همدان اوستاني- آزربايجان

قالميشام حئيران بو چؤلده!

(« سينا » هفته لييينين 113- نجو ساييسيندا چاپ اولموش )

ضرر وئردي منيم بوسسان بو چؤلده
ننه جان! قالميشام حئيران بو چؤلده

موكافات چكديم-و قالديم بلادا
كي پولسوزلوق اولا درمان بو چؤلده

منيم قارپوزلاريم ائرري اولاندا
دييه‏ رديم هر گئجه: "جان! جان!" ، بو چؤلده

ائشيتديم قارپوزون نيرخي سينيبدير
اولوبدور گؤزلريم آل قان ، بو چؤلده

گله ن مووقئع ، ننه! ، فيل هئيكَلييديم
بوگون ، باخ ، اولموشام قئيلان بو چؤلده

بو چارداقدان او چارداغا قاچارديم
ننه جان! اولموشام دووشان بو چؤلده

ننه! چوخ جيرميشام من ايشله ‏يَه نده
بوليز-و كؤينه ‏گ-و توممان ، بو چؤلده!

ننه! گل داديما ، چاره سيز اولدوم
كي سانجدي قيچچيمي ايلان بو چؤلده!

اگر دا من بو چؤلده بوسسان اكديم ...!
كي اولدو بي وفا بوسسان بو چؤلده

گئجه ‏لر ياسسوغوم چؤلده ايته‏ ردي
قويارديم يئرينه "قازان"! بو چؤلده

ليباسلار هامي اولدو پاره ـ پاره
كي دلدي هامميني سيچان بو چؤلده

ننه جان! "يئر صاحاب" بيردن گه‏لَه ندَه
ووراردي كلله ‏مه فينجان بو چؤلده

ياتان چاغي ، گئجه چارداق ايچينده
ائله ‏ردي "مِيغمِيغه" طوفان بو چؤلده

توفنگ-و توپ-و تانگ ـ مانگ يوخ بو ياندا
توته ‏رديم اَله "جير سوببان" بو چؤلده

نه دوگو وار ايدي ، نه آش ، نه تُووق
ايچه‏ رديم هر گئجه ائيران ، بو چؤلده

"دليران لييان شامپو" بيلير كي
اولاردي "اَپپايي" "لينچان" ، بو چؤلده

مني از بس ووروبدور يئر صاحابيم
اولوبدور پئيكريم لرزان بو چؤلده

بو بوسساندا ، گه ‏نه ائششگ دَمي گرم!
كي اولدو وفالي حئيوان بو چؤلده

اگر من ائششه ‏گه چايير اَكه ‏يديم
گئده ردي سورعت-ي پئيكان بو چؤلده

"غريب" ! سن بير بئله يالان دئمه‏ زدين
نه اولدو اولموشان چاخان بو چؤلده

علي صادقي (وورغون)

باهار شهه ري- همدان اوستاني -آزربايجان

( « سينا » هفته لييينين 117- نجي سايسيندا چاپ اولموش )

علي صادقي ( وُورغون ) به سال 1338 در شهر "بهار" ديده به جهان گشود. گرچه تنگناي مالي و معيشتي خانواده امكان ادامه تحصيل را از وي سلب نمود و او فقط تا كلاس پنجم ابتدايي توانست به مدرسه برود اما اين امر مانع از آن نشد كه استعداد ادبي وي كه با عشق به زبان مادري اش تركي ، آميخته بود، با تكيه بر ميراث گرانسنگ شعر و ادب دنياي ترك و بهره گيري از محضر اساتيد شعر و ادب تركي در بهار از جمله استاد غلامرضا بهاري(باهارلي) و استاد بشير فضائلي، شكوفا و بالنده گردد. آنچه در پي مي آيد چهار نمونه از اشعار "وورغون" با عنوانهاي« ايشاللا »،« درد اليندن » ، « اؤلسم ده » ، « آنا يوردوندا قال وورغون » است كه تقديم خوانندگان عزيز مي گردد :

توش گَلسه م »آشيق ريضا«يَه

ائي آقـالار دلـي گؤيـلوم كاميـني
بير گون بوُ دونيادان آللام ايشاللا
فلكـين اليـندن ، اَجَـل جاميـني
آليب ، ايچيب سَرخوش اوْللام ايشاللا

حضرت ـ ي عزراييـل آلاندا جانـي
وقت يئتيشه ر تَرك ائدَه رَه م دونياني
توْپراغه سالارام جيسم ـ ي عورياني
اوْ دونيا قاپيسين چاللام ايشاللا

ملاييكلَـر قـاپي آچـار اوزومَه
جننت باغي ، خوْش گؤرونَه ر گؤزومَه
آنام گَلَه ـر اَليـن قـوْيار ديزيمَه
قوْللاريم بوْينونا ساللام ايشاللا

بو باشيما گله ن درد ـ ي بلايه
ال گؤتورره م شوكر ائيله ره م خودايه
محشرده توش گَلسَه م " آشيق ريضايه " (1)
اليندن ساز آليب چاللام ايشاللا

كؤوثَر قيراغيـندا گؤررَه م آقامي (2)
" وُورغون"ام ، موولايا وئررَه م سلامي
موبارك اليـندن آلارام جامي
مست اوْلوب يانيندا قاللام ايشاللا

1) آشيق رضا : " آشيق رضا باهارلي " از بزرگترين آشيق ها و شاعران مردمي دنياي ترك كه به تقريب 300 - 350 سال پيش از اين، در شهر " بهار " ( باهار ) مركز شهرستان هنر پرور " بهار " ( باهار ) چشم به جهان گشود و « بئيش بند »ها و اشعار تركي اش ورد زبانها است. 2) آقا : حضرت علي ( ع )

درد اَليندن

اي آقـالار درد اَليـندن
غمـلي گؤيلوم دؤنوب قانا
بوُ جسم-و جان-ي بيماريم
دوشـوبدور بوْردا زيـندانا

گون ـ به- گون آرتيري غميم
فلك سيـنديريبدير دَمـيم
دوشـوبدور گيـردابا گَميم (1)
يالواررام شـاه ـ ي مـردانا

مجنون كيمـين دوشـدوم چؤلَه
بولبـول تَكـين گَلديم ديلَه
اوچـدوم ، قوْندوم گولـدن ـ گولَه
تا يئـتيـشَه م گولوسـتانا

بوُ دونيـادا اوزوم گولـمَه ز
هئيچ كيمسه درديمي بيلمَه ز
موولايا قـوُل (2) اوْلان اؤلـمَه ز
جانيـم قوُربان اوْ سولـطانا

چوْخ موددتـدير اينـتيـظارام
قالان عؤموردن بيزارام
" وُورغون " دييَه ر وفادارام
مورتضـا شـير - ي يزدانا

آنايوردوندا قال " وورغون " !

زامان ايله ، ازل گوندن ،
آرام ساز اولمادي بيرگون
باهاريم دؤندي پائيزه
قيشيم ياز (1) اولمادي بيرگون

جوانلوق چاغي دونياده
گولوستانيم خزان اولدو
خياليم بولبول ايچين
وقت-ي پرواز اولمادي بير گون

يالان دونياده خوش گون
گؤرمه ديم بير لحظه عؤمرومده
غميم درديم چوخالدي
هر زامان ، آز اولمادي بيرگون

گئچه ن گون حسرتينده
عؤمرومو ووردوم باشا هردم
يازيقلار كي (2) اوگونلر
بير ده آغاز اولمادي بيرگون

آنا يوردوندا قال "وورغون"
آماندير ائلدن ال چكمه
اولار كيم ائلدن ال چكدي
سرافراز اولمادي بيرگون

1) ياز : باهار فصلي ( " بهار" شهه رينده " قره ياز" دَه دئييله ‏ر )
2) يازيقلار كي : حئييف كي

اؤلسه م ده

دؤوران اَلي ظولم ائيله دي سؤندوردو (1) چيراغيم
قان اوْلدو اورك ، گئچدي عؤمور سوْلدو ياناغيم (2)

ياغديردي كدر ياغيشي ، اسديردي بلاني
ايسلاندي ائو ، ايبيندي(3) داميم ، چؤكدو اوْتاغيم

يوْخسوللوق و بختسيزليگ ايله دردلره دؤزدوم
قحبه فلك هر ايككيسيني ائتدي قوْناغيم

آللاه نَه دئييم چوْخ يامان ايش باشيما گلدي
هيجران اوْتونو داددي گؤنول ياندي دوداغيم

"وُورغون" دئيَه ر : اؤلسه م ده يابانجي (4) ائله گئدمَه م
ياد (5) ائل يوْلونا بير ده داها وارماز (6) آياغيم

1) سؤندورمك/ سؤندورماق : گئچيرتمك 2) ياناق : فارسي ده ياني " گونه " 3) ايبينمك / ايبينماق : خيس اولماق 4) يابانجي : اؤزگه ، ياد (" بهار " شهه رينده دئيه رلر : " يازي - يابان " كي فارس ديلينده ياني بيرون ، خارج ) 5) ياد : اؤزگه ، يابانجي ( " بهار " شهه رينده دئيه رلر : " ياديخديرماق " كي ياني : اؤزگه له شديرمك ، بيگانه له شديرماق ) 6) وارماق : گئدمك / گئدماق

استاد «غلامرضا بهاري» يه تقديم

شئعر: علي صادقي ( وُورغون ) ـ باهار شهريندن

قيش دولانيب ياز اولوبدور ، نووبهار ايياميدير
گول آچيب ، سونبول آچيبدير ، گؤلعوذار اييامي دير

باغبان باغيندا بولبول باشلاييبدير چهچهَه
چؤل اولوبدور سبز-و خوررم ، كشت-و كار ايياميدير

وورما اوخ جئيرانا اووچو ، قييما اونون جانينا
كيم دئيير فصل-ي بهار اولسا شيكار ايياميدير

ناله چكمه عاشيق-ي بيچاره بو ويرانه‏ ده
گز دولان پروانه تك ، گشت-و گوذار ايياميدير

سازي كوك ائيله موغغني ، وور بيات-ي توركو سن
دف و چنگ-و تار-و تنبور-و سه تار ايياميدير

سئوگيليم گَل سن جفا ائتمه من-ي بيچاره ‏يه
سنسيزه م ويرانه ‏لرده ، چاره چار ايياميدير

ساقييا گزدير صبوحي ، ائيله بو ميسكيني مست
صبريمين كاسه‏ سي داشيبدير خومار ايياميدير

ائي "باهاري" ، ائي سؤزون اوستادي ، اي توركون ديلي
هم سنه ، هم بو دييارا ايفتيخار ايياميدير

يوسف غلامي سفر
بخش سردرود- شهرستان رزن- استان همدان- آزربايجان

( فوق ليسانس جمعيت و توسعه)

قلم! ياز!

(« سينا » هفته لييينين 117- نجي ساييسيندا چاپ اولموش )

بير ـ بير دئييم اوره ك سؤزوم ، قلم ! ياز !
تك سئوگيليم ! قاراگؤزلوم ! قلم ! ياز !

ياز دارليغدان ، يالقيزليقدان ، دار گوندن
قانلي ياشيم(1) قوي من سوزوم (2)، قلم ، ياز !

يالانچيلار ، قان ائيله ييب باغريمي
بوْغار مني بو بوْغوزوم(3) ، قلم ، ياز !

ديلده دئيير : " آداملارين فرقي يوْخ "
دالدا ائلير : " سيزين ـ بيزيم " قلم ، ياز !

مَثَلدير بو : " باش سينديريب ، قوْز وئرير"
قارا ائديب ، آق گوندوزم ، قلم ، ياز !

اگر كيمين يوْل زوماريم(4) بورلاري
اوُزون يوْلو ، نيجه دؤزوم ، قلم ، ياز !

اؤز ديليمي اؤزگه سايير خلقيمه
هانسي ديله دئييم سؤزوم ، قلم ، ياز !

كسمك گوناه ، دئمك عيئيب اوْلوبدور
يوْلوم بودور آنجاق(5) دوزوم(6) ، قلم ، ياز !

قوي دانيشاق آناديلده(7) ، من دئديم
گولوب ، دئدي : " وار ، نه لوزوم " قلم ، ياز !

خان آتينين ديشين سايان اوْلار مي (8) ؟
هرنه ديسَه ، گَرَه ك دؤزوم ، قلم ، ياز !

گوج ياسادا (9) يازيلمييب ، گوج دئمه!
آنلا (10) بونو ، جانيم ـ گؤزوم ! ، قلم ، ياز !

نَه لَر دئيير ، ائشيت اينان اويونمه (11)
آلاولانير سؤنموش (12) كؤزوم(13) ، قلم ، ياز !

1) قانلي ياش : قانلي گؤز ياشي 2) سوزمك : فارس ديلينده ياني چكيدن 3) بوغوز: غوصصه دن بوغازدا بوغولموش آغلاما 4) زومار : آدامين ذخيره غذاسي . يول زوماري : يولون ذخيره غذاسي . 5) آنجاق : يالنيز ، فقط 6) دوز : مستقيم 7) آنا ديلي : هر ميللتين اؤز ديلي 8) مي/ مو : توركي ده سؤال اداتي ، آيا ؛ اولار مي؟ ياني « آيا اولار » 9) ياسا : قانون( آناياسا : قانون اساسي ) 10) آنلاماق : حالي اولماق 11) اؤيونمك : فخر ائله‏مك 12) سؤنموش : گئچميش 13) كؤز : قيزارميش كؤمور ( زوغال )

هادي فيروزي

بهار ( باهار ) شهه ريندن - همدان اوستاني – آزربايجان

بلالي زامان

(« سينا » هفته لييينين 117- نجي ساييسيندا چاپ اولموش )

فلكين چرخينه لعنت ، كي جفاسي چوْخ اولوب
پيس ائديب ياخچيلاري، دام-ي بلاسي چوْخ اولوب

ياخچيليقدان داها ايندي بُو زامانلار سؤزو وار
كؤلگه سينده دوْلانير ناكيشيلر چوْخ موزو وار

گئدي ـ گَللر آزاليب ، يوْخدو صفا ائولرده
يوُرد ساليب بوُردا شياطين بالاسي، دئولرده

هر كيمين فيكري بوُ دور بؤرك قوْيا يوْلداش باشينا
گون چيخاندان باتانه ، نقشه چَكَه قارداشينا

نَه قييامت تانييوْرلار ، نَه جهننم نَه موعاد
كسب-ي كار-ي اوْلانين گؤر نَه اوْلوب رِيزقي كَساد

بيري دؤرت دفعه گئديب مككه يَه آمما چوْخو دا
گئجه لر شابديلعظيمه (1) گئده بيلمه ز يوْخودا

مككه دن تا يئتيشه ر يئددي سَفَر، سوفره سالار
وارليدير هامي قوْناقلار ، فوْقَرا دالدا قالار

جور به جور ماشينه باخ پارك ائله ييبدير ائوينه
يوز تومن وئرسه كيمه ، اللي چَكَه ر تنزيلينه

آديميز شيعه دي آمما يوْلوموز ضيدد-ي "علي" (ع )
هر بلا گَلسَه بيزيم باشيميزا يوْخدو ولي

علي'نين شيعه سي اؤز دينيني ساتماز قيرانا (2)
اوْخوسا هم عمل ائيله ر خودا يازميش قورآنا

علي'نين شيعه سي ميسكينه باخا ، قلبي يانار
حل ائده ر مؤشگولونو قلبيني غمدن قوُتارار (3) ...

1- شابديلعظيم: شاه عبدالعظيم حسني (ع) 2- قيران: اَسكي و قديم پول واحيدي 3- قوُتارماق : خلاص ائله‏ مك ، نجات وئرمك

حاج عبدالرحيم اسماعيلي كبودر آهنگي "بحري"

استان همدان- آزربايجان

نقي يعقوبي

شاعري كه در پي معرفي او هستيم يكي از بزرگان و نامداران و شاعران استان همدان است كه ما اينك با دستماية ارزشمندي كه همانا ديوان سه جلدي اوست روبرو هستيم . مرحوم حاج عبدالرحيم فرزند عبدالعظيم اسماعيلي كبودر آهنگي از معدود شاعران موفق معاصر مي باشد كه هنوز ياد و خاطره اش در دلهاي علاقه مندان به ادبيات و كساني كه طوق شاعري به گردن دارند ثبت است. ديوان او مشحون از عشق و علاقه و محبت به خاندان عصمت و طهارت مي باشد ، گاهي عشق او آنچنان اوج مي گيرد كه گوئي از غيب مدد مي گيرد و گاهي حالت عادي و معمولي دارد

گهي بر طارم اعلي نشينم
گهي تا پيش پاي خود نبينم

ديوان شعر مرحوم " بحري " از لطايف و اشارات و نكته هاي فراواني برخوردار مي باشد و تنها ايرادي كه مي توان به وي گرفت به كارگيري برخي لغات نامأنوس در بعضي اشعار جهت تنظيم وزن بيت مي باشد ( گويا در آن دوران سرودن اين اشعار معمول بوده است ) البته ايراد ديگر اشعار آن مرحوم به كارگيري گاهاً زياد كلمات عربي و فارسي است ، ولي بخش مصائب اين ديوان در ابراز ارادت و علاقه به سرور شهيدان و ديگر شهيدان كربلا بي نظير مي باشد.

مرحوم حاج عبدالرحيم اسماعيلي ، معروف به " بحري " فرزند حاج عظيم نوة مرحوم آيت الله حاج ملاسيف الله انصاري مدفون در مسجد جامع كبودر آهنگ ، در سال 1295 ه.ش در يك خانوادة مذهبي به دنيا آمد و در سن 13 سالگي با توسل به ائمه معصومين (س) بالاخص به آقا و مولاي خود امام زمان (عج) و باعنايت و لطف او به سلك شعرا و مداحان آل عصمت و طهارت نائل آمد و در عنفوان جواني به علت از دست دادن پدر جوان خود مسئوليت خانواده اي كه شامل برادران و خواهران خردسال و مادر بود به عهده گرفت ، وي اهل تقواو فضيلت بود و در كارها و امور اجتماعي پيش قدم بود و همواره سعي در حل و فصل مشكلات منطقه داشت و چون علاقة وافري به اهل بيت (ع) به خصوص حضرت ابي عبدالله الحسين (ع) داشت ايام عاشو