بیز
اؤزوموز
تورکی دیلینی
رسمی ائتمییه
نه کیمین ،
باشثا
میللتلر
بیزیم
دیلیمیزی
رسمییته
تانیمازلار
(2) -
تورک ائلی
بو یازی نین
اؤنجه
بؤلومونده
بیر پارا
سؤزلری آرا
گتیردیم. سید
حیدر بیات بئی
لری ده لوطف
ائدیب ، یاشار
بئی لری نین
یازی سینا بیر
دیرلی جاواب
یازدیلار. هر
حالدا بو
بؤلوم ده
ایسته ییره م
بیر پارا
باشقا سؤزلری
کی گئچمیش
یازی دا
اونلارا
ایشاره ائتمه
دیم آرایا
گتیریم.
یادیما گلیر
، او زامان کی
حئیدر علی یف ،
قوزئی
آذربایجانین
گئچمیش
جومهور
باشقانی ،
دونیایا گؤز
اؤرتدی. ایران
دا ،
آذربایجان
جومهورییتی
نین ائلچی
لیگی (سیفارتی)
بیر یاس تؤره
نی قورموش. بو
تؤره نین
بیلدیریش لری
، تاسسوفلا
فارسی
دیلینده
یازیلمیش. او
زامان چوخ چوخ
تاسسوفلاندیم
، ندن بونلار
بئله بیر
یانلیشلیق
ائدیبلر؟
هامی میز
بیلیریک کی
بئله بیر تؤره
ن لر و
اونلارین
یاییلان
بیلدیریش لری
، بیر سیرا
دیپلوماتیک
ایش دیر. و
بئلنجی بیر
ایشلرده ده
چوخلی مسئله
لری گرک گؤزه
ددییه ک. او
بیلدیریش
کاغاذلارین
تورکجه
یازیلماسی ،
بیر بویوک
آنلامی وار
ایدی ، آما
حاییف اولسون
... .
هر حالدا بو
یاخین گئچمیش
لرده ، اورمو
شهری نین
شاعیرلریندن
بیریسی «میر
مسعود صفری»
آدلا ،
آللاهین
رحمتینه
قوووشدو. او
رحمتلیکین
یاس تؤره نی نه
گؤره بیر
بیلدیریش
اورمو
شهرینده
یاییلدی. بو
بیلدیریش اؤز
آنا
دیلیمیزده
یازیلمیش. من
بو بیلدیریشی
گؤره ن زامان ،
داها او
رحمتلیکه
فاتیحه
چئویردیم ،
ندن کی اونون ،
اؤلوموندن
سونرا دا
اونون آدی
میللییتچیلیگله
باغلی اولموش.
بو مسدله بیر
گؤوه نمه لی
بیر مسئله دیر.
هر حالدا بو
بیلدیریش ،
منی یئنه علی
یفین یاس تؤره
نی نین
بیلدیریش
کاغاذینین
یادینا سالدی.
و بوردا ایدی
کی اؤزومله
بئله دئدیم:
بیز گونئی لی
لر گرک قوزئی
لی لره بو باره
ده الگو اولاق
و اونلار گرک
بیزدن اؤیره
نیب و آنا
دیللرینه
آرتیقراق
اهمییت قائیل
اولسونلار.
تاسسوفله
یاشار بئی بو
باره ده بو
مسئله نین
عکسینه
فیکیرله شیر.
ندن کی
بویورورلار ،
قوزئی ده
دیلیمیزین
اینکیشافینا
فیکیرله شیر و
داها بیزه
ائله بیر
وظیفه یوخدور.
یاشار
بئی بیلمه
دیرلر کی اگر
بیز گونئی
آذربایجان
تورکلری ،
قوزئی ده کی
لرجه ،
دیلیمیز باره
سینده
آزادلیقیمیز
اولسایدی (هدچ
اولماسا بو
سون 15 ایل لرده)
چوخلی ایش لری
گؤره ردیک کی
تاسسوفلا
ایندیسه
قوزئی ده
گؤرمه ییرلر ،
و گؤرسه لرده
چوخ چوخ ضعیف
دیر.
یاشار بئی دن
بیر ایسته کیم
ده وار. منیم
عزیز
قارداشیم
بیزیم هامی
میز گرک اؤز
یازی
لاریمیزدا ،
دانیشیقلاریمیزدا
و
یاشاییشیمیزدا
، هئچ واقت
اؤزوموزو
باشقالاردان
اوستون گؤرمه
یک. یاشار بئی
دیققت ائتسین
لر و
باخسینلار ،
پروفسور
ذهتابی اؤز
دیرلی و
اؤنملی
اثرینده «ایران
تورک لری نین
اسکی تاریخی»
کیتابیندا
هانسی دیل ده
یازیب. گؤه سن
یاشار بئی یین
مقاله لرینده
بو کیتابدان
آرتیق علمی
مسادل آرایا
گلیر؟
منیم
عزیز
قارداشیم
بیزیم آنا
دیلیمیز او
قدر ظرفییه تی
وار دیر کی
ائیلیه بیلر
بیر ادبی دیل
اولاراق ،
علمی دیله ده
چئوریلسین.
آما کیم گرک بو
ایشی گؤرسون؟
نظرینیزه
فارس لار گلیب
بیزیم آنا
دیلیمیزین
اینکیشافیندا
آتدیم
آتاجاقلار؟
یوخ قارداشیم
، سن ایله من
گرک بو ایشی
گؤره ک.
قارداشیم!
سن یانماسان
، من
یانماسام
، نه
جور چیخار
قارانلیقلار
آیدینلیقا؟
یاشاسین آذربایجانیمیز و آذربایجان یولوندا چالیشانلار
تورک ائلی 1385اینجی گونش ایلین خزل آیی نین اوچونجو گونو