Güney Azerbaycan Öyrenci Herekatı böyük mitinge hazırlanır

Mehr ayının biri (23.09.2006) Güney Azerbaycand'a yeni öyretim ilinin başlanış günüdür. Güney Azerbaycan'da Böcek Karikatörü Krizinde keçirilmiş qanlı mitinglerden sonra ilk defe olaraq G.Azerbaycan öyrencileri öz Ana Dillerinde tehsil alma haqqını elde etmek amacı ile böyük bir mitinge el vurmaları gözlenilmekdedir. Mitingle ilgili Güney Azerbaycan Öyrenci Herekatı bildiriler yayaraq bütün öyrenciler ve xalqımızı  keçirilecek bu medeni ve dinc mitingde iştirak etmege çağırıb. Güney Azerbaycan Öyrenci Herekatı valideyinlerden isteyibki bu günü etiraz simgesi olaraq uşaqlarını oxullar ve üniversitelere göndermeyib mitinglere qatılsınlar.

Tehran Üniversitsi Türk Öyrencilerinin dinc mitingi (Ellerinde Ana Dillinde Medrese ve Haray Haray men Türkem sloganları)

 Çox tessüfki bu güne qader İran ırqçı devleti G.Azerbaycan öyrencilerinin 15 ilden beri dinc ve medeni isteklerini cavabsız qoyaraq tüm imzalanmış PETİŞİN-lere qarşı seret yanaşmışdır. G.Azerbaycan öyrencilerine Ana Dillerinde tehsil alma imkanı verilmemiş eks olaraq Azerbaycan Türkcesinde yayınlanan öyrencisel dergiler qapanmış ve öyrencilerden bir çoxu tutuqlanmışdır.

Hal hazırda G.Azerbaycan xalqı öz milli çıxarlarını tanıyaraq, onları menimsemeye başlamışdır. Bir milyona yaxın Güneylilerin 25 şeherde keçirdigi May ayındakı mitingler dünya çapında seslensede bele İran devleti onların xeberlerini sansor edib yüzlerce dinc insanı küçelerde şehid veya yaralamışdır ve minlercesini ise dustağa atmışdır. İran devleti bu möhteşem gösterilerden ders almayıb ve xalqımızı milli mücadile yolunda daha artıq ciddileşdirmişdir.

Böyle bir durumda Güney Azerbaycan Öyrencileri dünya aydınları, sivil örgütler ve uluslar arası teşkilatlara üz tutaraq öyrencilerin Ana Dillrinde tehsil etme haqqını qazanma yolunda tuttuqları qutsal mübarizede yardım etmeğe çağırır. Eyni zamanda Güney Azerbaycan Öyrencileri dünya çapında olan serbest Radio-Tv leri ve hemçinin xeber ajansları ve qazete müxbirlerini G.Azerbaycan'da keçirilecek mitinglerden raportaj hazırlamağa devet edir.

GELECEK BİZİMDİR

GÜNEY AZERBAYCAN ÖYRENCI HEREKATI

GÜNEY AZERBAYCAN

12.09.2006