آیدین گنجلیگیمیزین گونئی آذربایجان میللی حرکتینه اولان انتیقاد لاری
احسان
تبریزلی
گونئی
آذربایجاندا
میللی
موباریزه
گونده ن گونه
کوتلوی لشسه
ده آما چوخ
آجیناجاقلی
تهدیدلر
اونون
یاخاسینی
بوراخمیر. بو
قده ر گوجه و
ائتگین
پتانسیله
مالیک اولان
دوغما
حرکتیمیز ده
یرلی آیدین
لار اکیپی،
گوجلو
تشکیلات و
آیدین
رهبرلرین
اولماماسیندان
اینانیلماز
درجه ده سیختی
چکمکده دیر.
حرکتیمیز گنج
اولسادا بئله
فورمالاشما
سوره جینی
سورعتله گئری
ده بوراخمالی
دیر. دایغینیق
فعالیت
گوستره ن
یازار و
آیدینلاریمیز
بعضا مصلحت
لره یول وئره
ره ک حرکتی
بینوره ده ن
تنقید
ائتمکده ن واز
کئچیرلر.
تنقید ائده
نلره قارشی
سوروله ن
اوزده ایراق
ایتهاملار
طبیعی
اولاراق
اونلاری
تنقید
مئیدانیندان
اوزاقلاشدیریر.
بو گونلر
اینترنت
سایتلاریندا
ده یرلی بحث
لره یول
وئریلمه کده
دیر. بو بحث
لرده ن بعضی
لرینی
آشاغیدا
سیرالاییرام:
·
گونئی
آذربایجان
میللی حرکتی و
اونون
دمکراتیک
پرنسیپ لر و
اورگوتلرله
اولان
موناسیبتی
·
گونئی
آذربایجان
میللی
فعاللاری و
تشکیلاتلارینین
بیرلشمه سی
سوره جینده
اولان ائتگین
مانع لر
·
قوندارما
لیدرلر و
سیمگه لرین
بیرلیگمیز
قارشیسندا
توره تدیگی
اوزده ن ایراق
توققوشمالار
·
حرکتین
ایچینده
اولان
موصادیره یه
عادت ائده ن
قوروملارین
منفی ائتگی
لری
·
قوندارما
قوتسال
قوروملار و
لیدرلر چئوره
سینده
هورولموش
نورانی هوروک
لر
بو
یله بیر
اورتامدا
میللی
حرکتیمیزین
چه رچیوه لری
اوزه رینده
ایشله مک،
اونون تئوریک
یاپی سینی
گوچلندیرمه
ک، دمکراتیک
پرینسیب لره
سایقلی
اولمایانلاری
افشا ائتمک،
دونیا
چاپیندا
اولان
دمکراتیک
اورگوت لر له
ایلشکی یه
گیرمک، میللی
تشکیلاتلار و
فعاللار
آراسیندا
بیرلیک
گرکسینیمی
اوزه رینده
دورماق،
بیرلیگیمیزیولوندا
دیکتاتور
تشکیلاتلار و
قوندارما
لیدرلری
میللتیمیزه
تانیتماق،
آذربایجانین
گله جکده
گرکلی اولان
دورومونو و
سیر ائتمه سی
گرکن
جیزیقلاری
چیزمک و ...
آیدینلار و
یازارلاریمیز
میللی
بورجودور. بو
آرادا
گلیشمیش و
دمکراتیک
پرینسیب لره
اینانیب
سایقلی اولان
یازار و
آیدینلاریمیزین
فدرال و
استقلال
مفکوره سینه
ده ن آسیلی
اولمایاراق
بیر آرایا
گلمه سی
چاغیمیزین
اینانیلماز
ضرورتی دیر.
الی ال اوسته
قویوب و
اوزاقدان
باخماقلار
بلکه ده
میللتیمیزین
گله جه یی
قارشیسندا
هئچ بیر
آیدینا
یارامایان
سورومسوزلوقدور.
یازارلاریمیز
آچیق آشکار
تنقیدلرینی
ایره لی سوروب
آغی قارادان
آییرد ائتمه
لی دیرلر.
گونئی
آذربایجان
میللی حرکتی
آرتیق داها
بولانیق بیر
اورتاما گره ک
دویمامالی
دیر. قوی
گنجلیگیمیزی
و میللتیمیز
گله جه یی باره
ده اوز
قرارینی
وئرسین.
توخونماسی
گره کن
موضولار
ایستر فارس و
ایستر تورک
دیلینده قلمه
آلینمالی دیر.
تئوریک و یاپی
سال
قونولاردا
بیزه اونملی
اولان سوزدور.
اگر بیریسی
آنادیلیمیزده
یازا
بیلمیرسه آما
سویلمه گه
سوزو وارسا
چکینمه ده ن هر
دیلده و هر
الیفبادا
اولورسا
اولسون
فیکیرلرینی
ایره لی سورمه
لی دیر.
سانسورسوز
اولاراق
اینترنت سیته
لریمیزی
گونده ن گونه
گوجلندیرمک و
مدرن
چاغیمیزا
اویغون
موضولارا
توخونماق و
میللتیمیزه
گله جه کده کی
قورولاجاق
دولتیمیز
یولوندا
مانطیقسل
فداکارلیغا
حاضیر ائتمک
آیدین
لاریمیزین
میللی
بورجودور.
طبیعی
اولاراق گله
جه کده چوخ
بویوک
سورونلارلار
قارشی قارشیا
چیخاجاییق.
ایندیده ن
بونلارا
حاضیرلانمامیز
گره کیر. بو
آرادا
گنجلیگیمیز و
اوزه للیکله
اویر ه نجی
لریمیزین
بوینونا دوشن
گوره و(وظیفه) فات
فاتدیر. اویر ه
نجی سل
تشکیلاتلاریمیز
داها درینده ن
میللی
سورونلاری
منیسمسه یه ره
ک ایره لی یه
آدیم آتمالی
دیرلار.
ایللردیر
میللی
موباریزه میز
یولوندا
تجروبه لی-ساودلی
و چوخلو هزینه
لر وئره ن
آیدینلاریمیز
اللرینه قلم
آلیب یازیب،
یاراتماق
مجبوریتینده
دیرلر. گله جک
ایچین یونه
تیجی و دمکرات
کادرلار
یاراتماق و
اونلاری
ائیتمک
آیدینلاریمیزین
بیر باشقا
بورجودور.
میللی
حرکتیمیز
ایچین
دوزگون،
دوغرو و
طرفسیز
تنقیدلر
لازیمدیر.
تنقید
اولمازسا
حرکتیمیز
ایچینده
چورویه بیلیر.
قوی
یازارلاریمیزی
خیانت له
سوچلاسینلار.
اصلا اونملی
دئییل. اونملی
اولان مدرن
چاغیمیزا
اویان و
دمکراتیک بیر
آذربایجانین
میللی منفعت
لری دیر.
عینی
زاماندا بو
گونلر
میللتیمیزین
آنادیلمیز
اوغروندا
اولان
موباریزه
سینین گره
کسینیم لرینی
ایفاده ائده ن
و مهر آینین
بیرینده
اولاجاق
موحتشم
اعتراض
متینگلرینه
چاغریشدا
بولونان
مقاله لرین
یئری بوش
گورونمکده
دیر. گله جه یه
ایناناراق
قوللاریمیزی
چیرمالاییب
ایشه گیرمه
لییک. او قده ر
گور ه جک
ایشلریمیز
وارکی یوز
ایللردیر بیر
بیرینین اوزه
رینه قالانیب
و بیر داغا
چئوریلیب.
آرتیق
اونلاری
دوشونمه لییک.
گله جک بیزی
سسله ییر. هادی
گله جه یه
دوغرور....
گله جک
بیزیمدیر
شهریور
آینین اون
بئشی. 1385