یا
شاهچراغ آتما
قیراق
شیراز
سفرنامه سی
سید
حیدر بیات
heydarbayat@yahoo.com
ایکینجی
بؤلوم
صبح ساعات
سککیزده
اویانیرام.
مشروطه نین
یوزونجو ایل
دؤنومو, خانیم
بیر کاغاذ
گتیریر, کئک
اوسته نه
یازاجاییق؟
اؤزون یاز, دای
سونرا بیزدن
ایراد توتما.
یازیرام:
سید محمد
ارسلان
دوغوم
گونون قوتلو
اولسون.
شیراز
85/5/14
سونرا
تئلفون
دفتریمی
گزیرم, اؤنجه
دوکتور کیانی
«ائل سؤزو»
درگی سی نین
سوروملو
مودورونون
نومره سین
تاپیپ زنگ
آچیرام.
دوکتور کیانی
همیشه کی کیمی
چوخ محبتله
دانیشیب
قونوشور و
کسینلیکله بو
گئجه شاما
یوخسا صاباح
ناهارا بیزه
قوناق
اولمالی سیز
دئییر. آمما من
بو دعوتی رد
ائدیرم و
نهایت شنبه
گونو صبح
بیر
بیریمیزله
گؤروشمه یه
سؤز وئریریک.
دوکتور کیانی
دان دوکتور
حسن لی نین
شیرازدا
اولوب -
اولماماسین
سوروشدوقدا
ائله بیل بیر
زاد یادینا
دوشور. «هه!
دوکتور حسن لی
چوخ ایستیردی
سنی گؤرسون, سن
صاباح گل بورا
من اونا زنگ
آچارام». «یوخ!
دوکتور جان!
زحمت چکمه
اؤزوم زنگ
آچارام,
یالنیز
شیرازدا
اولماغین
بیلمک ایسته
ییردیم» و
بئله لیکه هله
لیکله شیریک.
سونرا حسن لی
نین جیب
تئلفونونا
زنگ آچیرام,
دوکتور حسن لی
ایسسی بیر کیف
احوالدان
سونرا اؤز
شیرازدا
اولماماغین
بیلدیریر.
جوما گونو
من هئچ بیر ایش
گؤره بیلمه
میشم.
ناهاردان
اؤنجه
باجاناغیم
ماشینی
آلیشدیریب
منی شیرازین
ایمامزادالارین
بیریسینه
آپاریر. بو
ایمامزادانین
بیناسین صفوی
لر تیکیب و من
ایران
شهرلرینده
بئله بیر
گؤیچک بنالی
ایمامزادا
گؤرمه میشم.
ایمامزادانین
آدی
علاءالدین بن
جعفر. اوردا
خانیملار
بؤلوموندن
بیر خانیمین
آغلاماق سسی
گلیر اما
اؤنملی بودور
کی بو خانیم
ایکی نفس
آردیجیل
آغلادیقدان
سونرا ائله
آغلاماق
هاواسیندا
تحریر وورور
و دوغرو بیر
آنلامدا او
آرکائیک
فضانی داهادا
آرکائیک
لاشدیریر. بو
اوخشاما و
آغیت یالنیز
کؤچری
ائللرین
ایچینده اولا
بیلر. منجه بو
خانیم قاشقای
یوخسا
بختیاریلاردان
اولمالیدیر.
آخشام چاغی دا
گون بازارینا(بازار
روز) باش
ووروروق,
اؤنملی بیر
زاد یوخدور,
یالنیز بیر سی
دی ساتان,
قاشقای
قیزلاری نین
هالای فیلمی
نی قویوب, نئچه
دقیقه
دایانیب اونا
باخدیقدان
سونرا فارسجا
بیر سس او گؤزل
هالایین
اوستونه میکس
اولدوغو
حالیمی پوزور
چیخیب گلیرم.
گئجه دوکتور
حسنلی زنگ
آچیب, شیرازا
قاییتدیغینی
سؤیله ییر.
سونرا دعوت
ائدیر کی
صاباح «حافط
شناسی»
مرکزینده
گؤروشک,
دوکتور حسن لی
بو مرکزین
قوروجوسو و
باشقانی دیر.
آنجاق من
صاباح دوکتور
کیانی ایله
گؤروشه سؤز
وئرمیشم
دئینده
دوکتور حسن لی
تسلیم اولوب «بس
او واخت منده
گلرم کیانی
گیله, دوکتور
کیانی نین
قیچی دا
سینمیشدی من
هئچ یانینا
گئتمه میشم».
صاباح
ساعات 9 دا
ائودن
چیخیرام آمما
یولون بیر
بئله
اوزاقلیغین
هئچ
سانمامیشدیم.
یولدا بیر
بسته شیرینی
آلدیقدان
سونرا ساعات
اون حدودلاریندا
چاتیرام
دوکتور کیانی
نی گیله و
اوردا اوتاغا
گیرجه یین
دوغروسو
شاشیرام. من
دوکتور کیانی
ایله دوکتور
حسن لی نین هئچ
بیریسین
یاخیندان
گؤرمه میشم,
اونا گؤره ده
منیم ظنیمجه
کیانی جاوان و
حسن لی قوجا
اولمالیدیر.
اما نه ایسه
تام عکسینه
دیر حسنلی 40 و
کیانی باشی
آغارمیش
آنجاق قیبراق
و عاشیقلار
دئمیشکن
گومراه 60
یاشلی بیر
کیشی دیر.
البته دئمه لی
یم کی حسن لی 60
یاشیندا بیر
کیشی قدری
فارسلارا
ایشله ییبدیر.
حسن لی شیراز
خلج لریندن
دیر, 17 جیلد
فارس
ادبیاتیندا
اؤنملی اثر
یاراتدیقدان
سونرا فرانسه
ده نئچه
تورکولوقلا
تانیشیب و
اؤز دیلی
حاقدادا بیر
زادلار
یازماغا
ماراقلانیر.
او ذات ایندی
اؤز دیل
لرینین
گرامیرین
یازماغا
باشلاییبدیر
آمما شیراز
خلج لرینین
دیلی خلجستان
خلج لریله
فرقلیدیر
آنجاق دوکتور
ایندی
دیلچیلیک
اساسی ایله بو
ایکی خلج
دیلینی
آراشدیرماق و
اساسن شیراز
خلجلری خلج
دیرلرمی یا
یوخ؟
سورغوسونا
یانیت تاپماق
اوچون مندنده
یاردیم ایسته
ییر و البته
نئچه علامتلر
بونلارین خلج
اولماسی
حاقدا اله
گلیر. ایکینجی
سورغو خلج
لرین هاچاق
شیرازا گلمه
لی دیر. فاروق
سومر
اوغوزلار
کیتابیندا
15-جی قرنیده
خلج لرین
شیرازدا
اولماسیندان
یالنیز بیر
سطیرده سؤز
آچیبدیر. بو
سورغودا هله
لیک یانیت سیز
قالیر.
دوکتور
کیانی «سؤز
بازاری»
کیتابینی و ها
بئله «دولت
سبکری» مقاله
سینی چوخ
سئویبدیر. سؤز
بازاری شاعیر
سلیمان
نوراللهی شعر
کیتابی دیر.
من اونا اسکی
کیتابلار
کیمی البت
یئنی فورمادا
حاشیه
یازمیشام و
اورادا چوخلو
تورک شخصیت
لرین و تورک
تاریخینین
بعضی
بؤلوملرین و
ها بئله بؤیوک
آبیده لر و
کیتابلاریمیزی
قیساجا
تانیتدیرمیشام.
اورادا
قاشقای شخصیت
لریندن میرزا
ماذون,
جهانگیر
قشقائی, خسرو
بیگی
تانیتدیریب و
قاشقای
شعریندن بیر
نئچه اؤرنک
وئرمیشم.
«سؤز چوخ
واخت یوخ مثلی»
آرتیق نئچه
یازیجی بیر
یئره
توپلاناندا
اؤزون
گؤستریر. من
ایلک دؤنه دیر
کی شیرازین
عالیم
تورکلریله
گؤروشورم.
بونا گؤره ده
قالاق - قالاق
سورغو
بئینیمده
قالانیبدیر.
بو آرا بیر
چگینی آدلی
بیر آیری
دیلداشیمیزدا
بیزه قاتیلیر.
دوکتور کیانی
چگینی
طایفاسین
بیزه
تانیتدیرماق
ایسته ییر, من
ایسه «بونلار
شاه خطائی نین
ان سئون
موریدلری
ایدیلر و شیبک
خانی شاه
اسماعیلین
بویوروغو
ایله
اولدوروب
یئدیلر»
دئدیکده
دوکتور کیانی
«هه بس سن
بونلاری
یاخشی
تانییبسان »
دئییب گولوب
سؤزه سون
قویور.
ائل
سؤزونون
دؤردونجو
سایی یئنی
لیکده
یاییلیبدیر و
اوردا بهمن
بیگلی نین
دیلینجه ده
بیر زاد یازیب,
دوکتور کیانی
اونو بیزه
گؤستره ریر:
نور چشم
محترم و عزیزم
منوچهر کیانی
مجله ات را
خواندم و
میخوانم, روی
هم رفته خوب و
آموزنده است
تبریک میگویم.
آرزوی موفقیت
ترا دارم. فقط
یک توصیه دارم
از هر نوع تعصب
نژادی, زبانی,
قومی و تاریخی
بپرهیز.
محمد بهمن
بیگی
(ائل سوزو,
سای 4, ص 37)
بو سؤز
منیمده سیزین
کیمی قانیمی
قارالدیر, و
اورادا بهمن
بیگلی دن سؤز
گئدیر. چگینی
جنابلاری بیر
اؤنملی نوقطه
یه اشاره
ائدیب و دئییر:
«بهمن بیگی
نین شاگیردلری
نین ایچینده
نه قدر دئیه سن
دوکتور,
موهندیس
تاپیلیر, آمما
اونلارین
ایچینده بیر
نفرده بؤیوک
شخصیت, و
بؤیوک
دوشونجه
آرایا
چیخمادی,
یالنیز قورو
موهندیس,
دوکتورلر
آرایا
چیخدیلار» بو
سؤز برق کیمی
منی توتور.
باخیرام
دوکتور حسنلی
نین اوزونه.
بهمن
بیگلی دن بو
سفرنامه نین
او بیریسی
بؤلوملرینده
یئنه
یازاجایام.
دوکتور
کیانی دن
قاشقایین
عاشیقلاری
حاقدا
سوروشورام.
دئییر: «عاشیقلار
اؤزلری بیر 15-20
ائولی بیر
طایفاایدیلار
اؤزلری کوچ
- قون ائدردیلر
صولت الدوله
زامانی
اونلارین
حوقوقلاری و
وظیفه لری
وارایدی.
یایدا گلیب
خان ائوینده
چالاردیلار,
آنجاق عاشیق
ایسماعیل سون
عاشیق ایدی کی
اؤنون اؤلومو
ایله
عاشیقلیق ائل
ایچیندن
گئتدی.»
سوروشورام
عاشیق
اسماعیل
هاچان
دونیاسین
دئییشدی,
دوکتور کیانی
نه قدر
فیکرلشیر
یادینا گلمیر,
آنجاق اون -
اون بئش ایل
بوندان اؤنجه
بو آجی
اولایین
اولدوغون
بیلدیریر.
دئمه لی
قاشقای
عاشیقلاری
آذربایجاندان
گلمیش
ایمیشلر و
قوپوز یئرینه
کامانچا
چالیب و دستان
سؤیلرمیشلر.
صولت
الدوله دن
سوروشدوقدا
دوکتور کیانی
اونون
هئیکلین
گؤروبسن می؟
سوروشور و
آرتیریر: او
بیریسی
اوتاقدادیر
گئت باخ.
دوکتورون
خانیمی منه
یول گؤسته ریر.
صولت الدوله
نین قیزیل
هئیکلی
اوتاغین
کونجونده منی
چاغیریر
باشیندا بیر
قیلینج, سول
یانیندا اؤز
شکیلی.
ائلخان
بابامیزین
هیئکلینه
تعظیم ائدیرم
سونرا: سنین
اؤجونو
انگلیس, ایران
تورکلریندن
آلدی دئییرم
خان بابا!
هئیکل
تبریزلی روحی
تونانین ایشی
دیر و دوکتور
کیانی بو
هئیکلی
قورماغا 3
ملیون خرج
ائتدی یینی
دئییر و: بونو
صولت الدوله
نین آغیرلاما
تؤره نینه
حاضیرلامیشدیق,
آنجاق 18 تیر
قضایاسی گلدی
و...
بلی, بو
تؤرنده یوزلر
تؤرن کیمی
قورولماییبدیر.
اوچ ساعات
اوتوردوقدان
سونرا بیر
بیریمیزدن
آیریلیریق.
دوکتور حسنلی
منی اؤز
ماشینینا
آلیر. دوکتور
خانیمیم
تورکدور آمما
نه ایسه
اونونلا
فارسجا
دانیشاریق
دئییر. یولدا
دوکتورون
خانیمادا
ماشینا مینیر
و من اونونلا
سلاملاشاندان
سونرا خانیم
حسنلی! من
سیزینله اؤز
دیلیمیزده
دانیشاجایام
دئییرم و خانم
حسن لی ده
گولومسونرک
قبول ائدیر.
دوکتور
شعرلریندن
دئییر و
اثرلریندن.
دئییر بیر
شعریمی مهستی
اوخویوب:
کسانی که از
عشق دم می زنند/
چرا بین ما را
به هم می زنند.
من ده
آرالارا
فیکیرلشیرم
آذربایجانلا
قاشقایین
ایچینده
اولان فاصله
یه و اؤز
ایچیمده «مدنیت
دن
دانیشانلار
نئیه بیزیم
ایلگیمیزی
ایسته میرلر,
وحدت دن
دانیشانلار
نئیه قاشقای
ائلی ایله
آذربایجان
ائل لری نین
بیرلی یینی
سئومیرلر»
سوروشورام.......
آردی
اولاجاق