یا
شاهچراغ آتما
قیراق
شیراز
سفرنامه سی
سيد
حيدر بيات
heydarbayat@yahoo.com
بیرینجی
بؤلوم
شیرازین آدی
فارسلارلا
ایلگی لی بیر
آد اولسادا
آنجاق تورک
مدنیتی نین
ائتگی سی بو
شهرده
دانیلمازدیر.
بو شهر یوز ایل
لر بویو تورک
سولطانلاری
نین حاکمیتی
آلتیندا
اداره
اولوبدور.
اسلامدان
سونرا ایلک
تورک حکومتی
نین باش
کندیده شیراز
اولوبدور.(باخین:
دولت سبکری
نخستین حکومت
ترکان در
ایران)
سعدی، حافظ
کیمی
شاعیرلرده
بوردا تورک
شاهلاری نین
مدحینی
دئییبلر. و
سعدی اؤز
تخلصونو
ابوبکر سعد
زنگی , تورک
حاکیمیندن
آلمیشدیر. بو
دؤنه ایکینجی
دؤنه دیر
شیرازا گلیرم.
موردادین اؤن
دؤردو مشروطه
گونونون یوز
ایل لی یی و
اوغلوم
ارسلانین بیر
ایل لی یی دیر.
خانیمین
اؤنری اوزره
ارسلانین
دوغوم گونون
شیرازدا
خالاسی گیلده
قوتلایاجاییق.
صبح ساعات 6/5
قومدان یولا
دوشوروک،
بیر جیلیکس،
اصفهانا کیمی
بیزی
یئتیریر،
سوروجو
اصفهانلی بیر
فارس دیر،
آمما نه ایسه
چوخ محبتلی،
اینسان سئور
بیر گنجدیر، و
اصفهانا کیمی
بیزدن باشقا
موسافیرده
آلماییر و
اصفهانا
یئتیشدیکده
کاوه
ترمینالی نین
پارکینگینه
گیریب، بیز
شیراز بیلیطی
تاپینجا
بیزدن
آیریلماییر،
نهایتده
پارکینگ
قبضینی حیساب
ائتمک
ایذینیده
وئرمه ییر. من
بوندان اؤنجه
ده اصفهانلی
وطنداشلاریمیزدان
بئله محبت لر
گؤرموشم. شیراز
بیلیطی نی
ساعات10/5 آلساقدا
ساعات 12 ده
وولوو اتوبوس
یولا دوشور.
ارسلان همیشه
کی کیمی هئی
شیطنت ائدیر و
اونا بونا قاش
گؤز آتیر،
اوردا بیر 25
یاشیندا گنج
آرتیق
ارسلانلا
ایلگی قورور،
و نهایت
ارسلانی اؤز
یانینا
آپاریر.
بو گنج
سفرداشلا
آرتیق
دانیشدیقدا
پاسدار
اولماسی اوزه
چیخیر, نه ایسه
من بو سفرداشی
آرتیق کؤنول
ائویندن
منیمسه یه
بیلیرم. ماشین
گئدیر, ارسلان
دیل آچماسادا
من اونلا
تورکجه
دانیشیرام,
پاسدار
سفرداشیم
دیله گلیب و
تورک
اولماغین
سؤیله ییر.
دئییر: من بورا
تورکلرینده
نم. من ایسه
اونون
قاشقایلاردان
سانیرام, ائل
سؤزو درگی
سیندن سؤز
آچیرام دئییر:
هه یئشیدیبم,
دئییرم سیزین
دانیشغینیز
آرتیق قوم -
ساوه
شاهسونلرینه
بنزه ییر,
سونرا بیر آز
دانیشدیقدا
اونون
دانیشغیندا
باشقا دیل
اؤزه للیک
لرینه ده
اوغراشماق
اولور. البته
من ارینگج
بیریسی اوردا
اونلاردان
نوت گؤتورمه
دیکدن هامیسی
اونودولور
گئدیر.
یادیمدا
قالان تورکیه
ده
قوللانیلان «سیجاق»
سؤزجویون
بونلاردا
قوللانیرلار
و دئییر: بندر
ده یییر چوخ
سیجاقدیر.
یادیمدان
چیخمامیش
دئییم کی
بیزیم بو
سفرداشیمیز
شیرازین
یئرلی
تورکلریندن
اولاراق
قاشقای
ساییلماییر,
بلکه شیرازدا
قاشقایلاردان
باشقا خمسه
طایفاسی دا
واردیر من آلا
بیلدیگیم
بیلگی یه گؤره
بو طایفا
ییغجام
شکیلده «فسا»نین
قره بولاق
ماحالیندا 20
کند حدودوندا
اولاراق
یاشاییرلار.
سفرداشیم
دئییر:
شهرلرده داها
تورکجه
اونودولور,
آمما کندلرده
دوروم یاخشی
دیر, سفرداشیم
بیر یاشیندا
بیر اوغلوم
وار دئییبدیر
منه اؤنجه دن,
او اساس ایله
سوروشورام: «سن
اؤز
اوشاغینلا نه
دیلده
دانیشیرسان»
دئییر: «من
اؤزوم تورکجه
دانیشیرام,
آناسی ایسه
فارسجا»»
سؤز آرتیق
ایرانین
آسیمیله
سیاستیندن
سورور و سونرا
سپاهدا اولان
تحلیل لرین
پامبیغین
آتماق و.... بئله
لیکله
آتابابالار
دئمیشکن یولا
نردووان
قویوروق.
ساعات 7/5 آرغین
یورغون
شیرازا
چاتیریق.
بالدیزیم
اوغلو ایله
ایکیسینه
قارشی یا
چیخیب
ترمینالدا
بیزی آلیرلار,
یولدا گله گله
بالدیزیمین
اوغلو
قاشقایلارلا
قونشو
اولدوقلارین
سؤیله ییر.
اعتیاددان
سؤز گئدنده
تئز
سوروشورام «قاشقایلاریندا
موعتادی وار؟»
بالدیزاوغلوم
«یوخ»
سؤیلوینده
درین بیر
سئوینج
جانیما چؤکور,
«گؤی تانری یا
شوکور اولسون»
دئییرم. دئمه
لی یم کی
شیرازین
موعتادی داها
چوخدور و
موعتاد گنج
لرین
خییاوانلاردا
دیلنمه یی و
پارکلاردا
تزریق ائتمه
سی هامی یا
آیدین دیر..
قاشقایلاردان
داها آرتیق
سوروشوارام,
بالدیزیم
دئییر: بیزیم
قونشو خانیم,
لاپ سنین
تاییندیر» من
نئجه دئمه میش
آرتیریر: «اوشاقلارینا
فارسجا اؤیره
تمیر,
اوشاقلاردان
کیمسه فارسجا
بیر زاد
سوروشاندا
اوشاقلار
هامیسی
تورکجه جاواب
دئییرلر» یئنه
گؤی تانری یا
شوکور اولسون
دئییرم. گئجه
یاریدان
سووشور,
اینتیرنیته
بیر باش ووروم
دئییرم. یا
للعجب بورا
داها قومدان
دا بتر بوتون
سیته لریمیز
فیلتیردیرلر.
یاهو
مسینجیری
آچیب بوتون اد
اولانلار
مسیج
گؤندریرم منه
بیر
فیلتیرقیران
گؤندرسین لر,
اون لار
فیلترسیندیران
منه گؤنده
ریلر آمما
بوتون
فیلتیرقیرانلار
اؤزلریده
فیلتیردیرلر.
نهایتده
سونونجو
فیلتر قیران
دادیما چاتیر,
سیته لری
آچیرام, بای بک
سیته سینده
کیهان قزیته
سینین
دیلینجه
یازیب: گرک
اینترنیته
بیر دوزگون
فیکیر ائدک. و
احمدی نژادین
ایلک گونلری
یادیما دوشور,
او گونلرده
بهار زنجان
درگی سی زنگ
ائدیب مندن
بیر موصاحیبه
آلدی. ایلک
سورغوسو
بوایدی کی
میللی حرکتین
دورومو احمدی
نژاددان
سونرا نئجه
اولاجاق؟ من
میشیل
فوکونون «بو
زامان گوج
ارتباطات و
ایلگی لشمه
لرده دیر»
سؤزون نقل
ائده رک,
اینتیریتی
باغلاماسالار
حرکت دایانان
دئییل جاواب
وئرمیشدیم..
یاری گئجه
سووشور و من
ساعات
بیریاریم
جمعه گونو بیر
اوزون سفردن
سونرا یوخویا
گئدیرم.
سفرنامه نین
بیرینجی
قسمتین
بیتیرمه دن
باشلیقدا گلن
«یا شاهچراغ
آتما قیراخ»
تومله جین
آچیقلامالی
یام. بیزیم
کندده پاییز و
قیش گئجه
لرینده
تویلاردا به ی
الینه خینا
یاخدیقدان
سونرا «اوزوک
اوزوک» آدلی
بیر اویون
اویناردیلار,
و اوردا گول =
پوچ آلاندا بو
تومله جی بیر
دوعا کیمی
قوللانیردیلار.
سونرالار شاه
چراغین
شیرازدا بیر
ایمامزادا
اولدوغون
بیلدیم. آمما
اؤنملی بودور
کی هم شاه هم
چیراغ کلمه سی
ایکیسیده
تورکجه یوخسا
تورکجه -
موغولجا بیر
کلمه دیر, و
منجه بو
ایمامزایا
تورکلر بو
لقبی
وئرمیشلر,
دئمه لی چیراع
بوردا اوجاق و
حاجت وئرن
اوجاق
آنلامیندا
اولاجاغدیر و
شاهچراغ یانی
حاجت
وئرنلرین
شاهی, بؤیوگو(
باب الحوائج
لرین بؤیوگو»
بورادا تکجه
سؤزجوکلر یوخ
بلکه
سؤزجوکلره
باغلی
ایناملاردا
بوسبوتون
تورک
ایناملاریندان
آسیلی
اولدوغو بلله
نیر. بو
ایمامزادانین
اصلی عربجه
آدی «احمد بن
موسی الکاظم (ع)
دیر.
آردی
اولاجاق....
شیراز
جوما/ 85/5/13