گرچکدن آذربايجان جنسي تجاوزکارلاري سربست بوراخير؟

آذربايجان ميلي حرکتي پاسيو مرحله دن آکتيو مرحله يه گئچيش ياپارکن چوخلو تضييق و تخريبلر اورتاليقا چئخدي. بونلاردان بيري و ئن پيسي ايسه تجاوز و تجاوزا قالخيشماقدير

کؤتو يؤنلو چاليشمالار و کؤتو نييئتلي چاليشانلار تانينماقا و تانيتيلماقا باشلاديلار

آذربايجانين ضعيف خبر سرويسلري جان آليب و ياواش ياواش فعاليتلريني ٫گنيشلنديرديلر

آما نه اصول و يؤنتم ايله؟

نئچه آي اؤنجه ر - س باره سينده اعلاميه بوراخيلدي و بو چاليشقان گئنجه تجاوز اولوندوقو ادعاسي اورليقا سورولدو.

گئچديقيميز گونلرده باشقا خبر و بو دفعه دوستاقدان گلدي ! نئچه گئنج دوستاقدا اولورکن تجاوزا معروض قاليبلار.

بو ايشلر گئدير کي آذربايجان ملي حرکتينده کوتو بير رسمه دؤنوشسون.

اگر گرچکدن بو ايشلر اولوبسا (اولا بيلير) بوندان آذربايجان هيچ چکينمه مه ليدير. باخاق پاکستاندا تجاوزه اوغرايان خانيما کي ايندي دؤنيادا ان غرورلو و قادين حاقلاريني قورويانلاردان بيري اولوب. موختارماي بو گون پاکستانين آلنيندا بير يارا کيمين دؤنيايا تانيتيلير و اونا بنزر قادينلارين حاقيندان هر کسه سؤز سويليير. آما بو آذربايجاندا ياپيلماماليدير. بونون اؤنو آنيدن کسيلمه ليدير.

اگر بو اتفاق دوشوبسه ٫ بونو ياپانلار حساب ورمه ليديلر. بويله جه قولاي آذربايجانليا تجاوز اولونا بيلمه مه ليدير.

سيزجه ٫ آذربايجان اوتوروب و باخماليدي؟

آذربايجاني دؤنيادا غيرتينه و شرفينه تانيرلار. آما بوگون دوستاقدا شکنجه يه معروض قالانلارا تجاوز ائدنلر ٫ نئجه بوش و سربست بوراخيلا بيليرلر؟

ترتميز گئنجلر و شرفلي آذربايجانليلار نئجه بو حيواني دوستاقلاردا يانليز بوراخيلا بيليرلر؟

يازيلان خبرلر و تکرار اولونان مقاله لر ٫ انساني شوبهه لنديرير. يعني بير بالاجا دا اولسا بو خبرلرين تکرار اولماسي بير آز دؤشونمه ليدير. اوخويان گرک دوشونسون کي بو خبر ندن آذربايجان توپلوموندان چيخمير و ندن تجاوزکارلار مجازات اولمور. بو آرادا انگليس ٫ تورکيه تورکي و روس ديلينده ياييلان بو خبر ٫ هر کسين ديلينده دير و ياراديلان دوستاق قورخوسو هر کسين قانينا سانجي دولدورور. بو دوستاق ندن سؤکولمه دي کي بو گون بيزيم گئنجلره اؤز توپراقيميزدا تجاوز ايله سينلر؟

مينلرجه فعاليميز (چاليشقان يا پاسيو) توتوقلاندي آما بير دفعه ده اولسون دوستاقلارين اؤنونده بويوک و غيرتلي بير گؤستري ياپيلمادي! کاريکاتور ايله سوسريه بنزتيلن تورک ميليونلارجا خياوانلارا چيخدي قان و جان وردي آما اوشاقلارينا تجاوز اولدوغوندا ٫ سوسدولار و قالديلار ! عجب و يازيق ده يير تورک ميلتينه؟

منجه بو ايشلرده بير ايش وار. بو خبرلر يالان يا دوغرو ٫ آذربايجانين ملي حرکتينه قورخو سالما آماجي ايله داغيتيلير. بير گئنج بونو ائشيتديقيندا ٫ اؤزونه سوروشاجاق کي اگر توتولورسام باشيما نه گله جاق؟

طبيعي دير کي انساندا قورخو اولور و طبيعي دير کي استقلال و آزادليق ايستين انسانلار توتوقلانيب و دوستاقا آتيلارلار. طبيعي دير کي بو انسانلار شکنجه و اؤلومه معروض قالارلار.

آما قارداشلار و ياجيلار ٫ ميليونلار انساني کيم دوستاقا سالا بيلير؟ ايران آدلانان زيندان ياواش ياواش داغيلماقا باشلير. ايندي بو بويوک زيندانين ايچينده اولان بالاجا زيندانلار ٫ نئجه چاليشماقا دوام اده بيليرلر؟ بو زندانلار نئجه گؤجلودولر کي آذربايجانين اوغولاري و قئزلاريني توتوب٫ اؤلدوروب و يا جسمينه توخونورلار؟ هله قالسين تجاوز کي باغيشلانمايان بير سؤچدور.

دوستاقلاري کؤکوندن تميزله مک لازيمدير. بو سيستم و بو کؤتو خبر سيستملري وارکن ٫ ملي حرکت آخساياجاق.

ميللتليک قولاي ده يير. ساواش لازيمدير. ساواشما آلاني ايسه بير ٫ ايکي و يا اؤچ آلاندا اولماماليدير. بيزيم کولتورل ٫ توپلومسال ٫ اقتصادي ٫ سياسي و اينانج ساواشلاريميز٫ برابر و گؤجلو ايلريله مه ليديلر. بيري ياواش گئدرسه ٫ او بيريلرينه انگل اولا بيلير.

آذربايجانا بير مد گليرسه يامان داغيتيلير. بو گون هر کس بيرليک شوراسي ياپماقا باشلاييب٫ اما بو شورالاردان بير سس و فايدا گورونمور. گئچميشده هر کس حزب ياپماقا باشلادي و آذربايجان گؤجلري پارچا پارچا اولدو. بو گو بيرليک آدينيا ينيدن هر کس توپلوملار و شورالار ياراتير! سورمالييق کي بو شورا ندن و نئجه يارانير؟ بو شورالارا سس ورنلر کيملرديلر؟ بو شورالارين ايشي نه دير؟

چوخ کؤتو بير دؤنمده ساواشمالييق. ايچريده بيلمييب و بوزانلار ٫ ايچريده بيليب و قاتانلار ٫ ديشاريدا بوش دانيشيب و يول آييرانلار ٫ ديشاريا باغلي اولوب و يول گؤسترنلر و داها کؤتوسو ايچريده و ديشاريدا حزب ٫ توپلوم ٫ بيرليک ٫ شورا٫ جبهه ياراديب و ليدر اولانلار. بيزيم ساواشيميز اصلينده بونلار ايله باشلاماليدير.

آذربايجان ملي حرکتينين آدي آرتيق او غرور و شرف کي باشلانقيجيندا وار ايدي ٫ کيرلنماقا باشلاييب. هر کس الينه بير کاسا پالچيق آليب و اورا بورا ٫ اونا بونا سورتور. بيرليک دئنيلين شئي اصلينده اتحاد و بيرلشمک دئمکدير. ايندي يارانان بيرليکلر ايسه ٫ ساده جه آد دئييشيميدير. يعني منيم پارتيم اولدو بيرليک پارتيسي ؟ يعني همان خرابه بينانين اؤستونه يني بير بويا ياخيلدي. بونون ايله قاباقا گديلمز.

اگر بيرليک ياراناجاقسا ٫ گؤجلو بير ايدولوژي اورتاليقا سورولمه ليدير. گؤجلو بير ايستک اورتاليقا چيخماليدير. ايکي حزبين بير اولماسينا بيرليک دئنيلمز.

آذربايجاندا اورتالقدا اولان ايدئولوژي ٫ ميلليچيليق دير. هر کس هر نه ياشدان اولورسا اولسون آما سؤز بير سؤر دور: هاراي هاراي من تورکم.

بونلار تانينميش و تانينماميش سياسي ايدئولوژيلر ايله ايشلري يوخدور. بونلارين بير تک آماجلاري وار و اودا آذربايجانين تورک ميللتينه سياسي ٫ جغرافيايي و کولتورل باغيمسيزليق گتيريلمه سيدير. بو باغيمسيزليق ايسه گرچک بيرليک ايله آلينير٫ يوخاريدا دئديقيم بيرليکلر ايله يوخ.

استقلالچي و فدرال هيچ بير نقطه ده بير آرايا گله بيلمزلر. سوسياليست ايله دموکرات هيچ بير شئي ده آنلاشا بيلمزلر. ديکتاتورلار ايله قادينيسم (فمنيسم) تام مخالف نقطه لرده ير آليرلار.

آما بونلاري بير تک شئي بير آرايا گتيره بيلير و اودا ميلليچيليق دير. آديني ايستر (ناسيوناليسم) قويسونلار ٫ ايستر نژادپرستليق ! بو چئخمازدان چئخيش يولو بير تک بودور وطنداشلاريم.

بو ايدئولوژي آذربايجاندا يونلنديريليرسه ٫ هر سورون چؤزولور و هر انگل اورتاليقدان گؤتورولور. چوخ قولايجا دوستاقدا شکنجه و تجاوزه معروض قالانلار گري آلينيرلار. قولايجاسينا آذربايجانين ثروتينه صاحيب چيخيلير. قولايجا هر کس ايسته ديقي شخصيت ايله دولانير. قولايجا سينا حاقلار حاقليلارا وريلير و قولايجا سينا آذربايجان آذربايجان اولور.

هاراي هاراي من تورکم باشقا ايدئولوژيلير ايله قاريشماز

مسعود انتظار

۰۱/۰۹/۲۰۰۶

گلاسگو