گؤج
اوستونلوقي
ايله بير
دونيا قورماق
چوخ قولاي دير
اسرائيل ایله آمريکا ٫ باتي و دوغو ساواشی ، اصلينده دين و گؤج ياريشماسيدیر
خبرلرده
يازيلير ٫
اسرائيل
اؤزونو
قوروماق
اؤچون گوک دن و
يردن
سالديردي.
فلسطين ٫
لبنان و سوريه
دئمدن باسقي
آلتيندا
سالان
اسرائيل ، بو
اؤلکه لرین
جواب
ورديقلاري آن
دونيایا باغيرير
و دونیا اونا
سس وریر.
اسرائيل
ندن اؤزونو
قوروماقا
مجبوردور؟
بو اؤلکه٫ اشغال اتديقي توپراقلارين صاحبي اولماديقي اؤچون هر گون قورخو ايچينده دير. آتالار و آنالاري اؤلن فلسطينليلر ايسه بو غاصبلرين دشمني ساييليرلار. بو اورتا دوغونون حاليدير. يعني گؤجلو اولان اشغال اديب و سس چيخارداني اؤلدوره بيلير. بیر گون هر کس توپراقینا قاووشاجاق.
باتيدان
بويوک دستک
آلان اسرائيل
٫ يني سيستم
اؤچاق ٫ تانک ٫
فؤزه سيستمي (موشک)
٫ تلسيز (بي
سيم) و يني
بمبالار ايله
گناه سيز
انسانلاري
قولايجا
اولدورور. بو
آيدين دير و هر
کس اونو
گؤزلري ايله
گؤرور. باتي ٫
انسان
حاقلاري ايله
يني مستعمره
لر ياراتماقا
چاليشير. يعني
بو
سالديريلارا
قوروما آدي
قويان باتي ٫
بيزلرين
اؤلدورولمه
سيندن هيچ
چکينمز.
گئچميشه
باخديقيميزدا
بيله بو غير
انساني
داورانيشلار
باتينين
آيريلماز
عادتي
اولدوقو
اورتايا
چيخير.
هاردا کي باتينين منفعتلري وار ٫ فرق ائتمز دين منفعتلري و يا مادي منفعتلر ٫ اوردا انسان حاقلاري باشقا جور تعريف اولونور. يعني ميليونلارجا انسانين اؤلومو بيله توجيه اؤلور
اسرائيله يني تکنولوژي ايله ياپيلميش سلاحلار ورنلر ٫ فلسطينليلره ايکينجي دونيا سواشيندان قالان سلاحلار وريلنده ٫ انسانيته هايقيري آدلانديريرلار. و هر کسي تحريم اولماق ايله تهديد ايلييرلر. عجب دير بو انسانيته.
فلسطين٫ ايللر دير که تجاوز و قتل عاما معروض قاليب. باتي بونو بيلير و آيدينجا سويلور آما بونو اؤنلمک اؤچون بير ايش ياپيلمير! ندن؟ چونکو باتيني دوغويا ياپديقي استعمارين بويوک آچاري اسرائيل ديه بير اؤلکه دير.
اسرائيلين يارانماسي بيله چوخ ايلگينچ دير. ايکينجي دونيا ساواشيندان سونرا ٫ آلماني مجازات ائتمک اؤچون ٫ يهوديلري دوغويا گؤنده ريب و بير اؤلکه ياپديرديلار ! آلمان هارا ٫ دوغو هارا ؟ بو ايشين کؤتولوقونو بو گون آنلامايانلار ٫ اوگون نئجه آنلايا بيليرلردير؟ عرب اؤلکه لارينه باخديقيميزدا٫ دؤزگون ساتقينلاري گوره بيليريک. بو انسان آدلانان شئي لرين ثروتي ٫ توپراقي و وجودلاري تمامي ايله باتينين اختياريندا.
لبنان تانينميش بير اؤلکه دير. بونا بنزر اؤلکه لري قوروماق اؤچون بير اورگوت (سازمان) وار کي آدي سازمان ملل دير ! بو سازمان ملل آما بير اؤلکه نين اختياريندا و او نه ايستييرسه ٫ او اولور. داها دؤن 15 اوُلکه اسرائيلي سؤزده محکوم اتديلر (سوُزده محکوم اتمک یعنی دستک ورمک) ٫ آنجاق آمريکا بو سؤزي بيله وتو اتدي !! داها آچيقلاماقا گرک يوخدور. جنگي جنايتچي اولا اسرائيل سؤزده بيله محکوم اولمور آما فلسطينليلر اگر اؤزلريني قوروماق اؤچون بير جام قئرسالار ٫ دونيا باشلارينا سؤکولور.
دونيا
نه دئمک دير؟
بو دونيا يعني گؤجلولرين جنتي. گؤجلو اول و هر نه ياپارسان ياپ. بو اؤزدن ايران کيمين اؤلکه لر اتم سلاحينا ال تاپماقا چاليشيرلار. برابر اولماديقي بير آلاندا ٫ گؤجسوز طبيعي دير کي آرادان گدر و محو اولار. بيزيم گلجک ده قورولا بيلن دولت بيله بو گوندن دؤشونمه ليدير. يعني گؤج ايله بيرليک باشارينين سببلري ديلر.
اليميزدن
بير شي گلمير.
آنجاق اؤز
انسانلاريميزا
سويله مک ده
يرليدير. يعني
انسانلارميز
دؤنياني
اويله کي وار
تانيسالار هر
ايش ياپا
بيليريک.
دؤنيا
تلويزيونلاردا
يا گزئته لر ده
يازيلان ده
يير.
اسرائيلين ۵
گؤندن آشقين
سالديريلاري
و بو
سالديريلاردا
يوزلر
انسانين
اؤلمه سي هيچ
يايينلانمادي
آنجاق حزب
الله
سالديريسيندا
ترن
استاسيونو
ضرر گؤردو و
تلويزيون
ايله گزئته لر
رپورت ٫ عکس و
يوروم ايله
دولدو داشدي.
هر کس آديني
آيدين قويوب ٫
فلسطيني
محکوم ايليير
آما اسرائيل
دن هيچ بير سؤز
سويله مير.
بو گوُن اسرائيلین پاتلاتدیقی آلت یاپیلار (زیرساخت) ، اینان و فلسطینی یوز ایللر دالی سالیب و داها چوخ باتیا محتاج ادیر. بیر ده ینی سلاحلار امتحان اولور و داها گوُجلو سلاح یاپما امکانی ساغلانیر. بو تمامی ایله انسانلایقا قارشی بیر ساواش دیر. دونیا سوسوب و باخیر. آما آرزو ادیریک کی دونیا باخسین آما اسرائيلی دستکله مه سین. اسرائيل دستک آلمازسا ، قولای قولای ایسته دیقی توپراقا گیریب و اولدوره بولمز.
بير
سوروم وار:
فلسطينليلر
ندن
اسرائيلليلري
اؤلدورولر؟
بو سورونون جوابي يقين کي چوخ گيزليلري آيدينلاتار. تروريس دئمک ندن سيز انسانلارا سالديريب و اونلاري اؤلدورمک دير. آما باتينين تعريفي تروريستدن باشقا دير. باتي بويله تعريف ادير: هر بير اؤلکه ني کي من چاپيرام ٫ اونو وطنداشلاري منه اعتراض ائتسه لر تروريست ساييليرلار. بو يولدا دا هر اؤرگوت اوندان يانا دير. سازمانلار هامميسي بونو قبول ايلييب و اونا گؤره ايشلم ياپيرلار
سني اؤلدورن دشمنه قارداشيم دئييب و باغريوا باساجاقسان ٫ يوخسا تروريست آدلانيب و اولدورولورسن
گؤندم ده ياشانان اتفاقلارين يورومو ساده ده يير. اسرائيلين سالديريلاري بير دن و يا بير عسگرين قاچيريلماسي ايله ياپيلمادي. بو يني اپراسيون دور کي سوريه و ايرانا باسقي ياپسينلار. ايران اتم ماجراسيندا بويوک قازانچ الده اديب و بو آمريکا طرفيندن قبول اولونماز حاده دير. اگر ايران يشيل ايشيق ياخمازسا ٫ اسرائيل الي ايله آمريکانين توزاقينا دوشه جک. يعني بو ماجرا بويويوب و دونيا ساواشينا بدل اولا بيرلر. روسيه ده توپلانان دؤنيا ليدرلري (دؤنيادا ۸ - ۹ اؤلکه وار ٫ باشقالاري هيچ ساييليرلار) بو کونو دا گؤروشلريني بيلديرمک دن قورخورلار. يني پايلاشمالاردا ٫ ايران حاق ايستيير و نه يازيق کي آذربايجان بو حاقدان ضرر گؤره جک
آذربايجان و باشقا ملتلرين حاقي اوستونده معامله ياپان باتي ٫ ايراني اتمي اولمادان وازگچديرماقي باشاراماديلار و بو آرادا ايران ايچينده ياشايان ملتلرين حاقلاريني دا تمامي ايله ازديلر. يازيقلار اولسون مدني آدلانان جنايتکارلارا و يازيقلار اولسون شرفسيز شوونيسمه
چوخ ده يرلي اولوردو کي آذربايجانين فعاللاري٫ گرچک سياسي فعال کيمين گؤندمده ياشانان اولايلاري يوروملاسينلار و گؤروشلريني بيلديرسينلر.ذربايجانا چاليشيب آما دونيادان خبري اولمايان بير فعال ٫ ايشه ياراماز. آيدين و گؤنجل فعاللار ايله آذربايجاني قورتارماق اولور. هر کس اؤزونه محدوديت ياراديب و يا سؤز ورديقي آداملاردان (باشقالارينا چاليشانلار) چکينير ٫ يقين کي آذربايجانا چاليشاماز. اگر بوگؤون آمريکا ٫ باتي و يا باشقا يرلرده ياشايان فعاللار قورخوب و يوروم ياپمادان چکينسه لر ٫ طبيعي دير کي ساباح آذربايجانا خيانت ايلييب و قولايجاسينا هر کسي ساتا بيليرلر.
ساتقين اولمايانلار يوروملاسينلار. انسان حاقلاريني ايسته ينلر يوروملاسينلار و گرچک انسانيته اينانانلار يوروملاسينلار
موقعيت ده يرليدير. هر کسين نه اولدوغو بللي اولا بيلير. يعني بير حساس اتفاق و حساس بير دؤنمده سس سيز قالان بير فعال ٫ کسين کي باشي بير يرلره باغليدير. بو ير آذربايجان اولمازسا ٫ يقين آذربايجانين دشمني دير
مسعود انتظار
۱۵/۰۷/۲۰۰۶
گلاسگو