Amnesty International Tehranı İran Azərbaycanıyla bağlı təmkinli olmağa çağırır
Babək qalasına yürüş cəhdi davam
Təbriz
Ekspres
İran
Azərbaycanında yüzdən artıq insanın həbs
edilməsinə baxmayaraq, Babək qalasına yürüş
cəhdi davam edir. Qalaya aparan bütün yollar təhlükəsizlik qüvvələri
tərəfindən bağlanıb. Babək qalasına səmt
alan maşınlarım qarşısı kəsilib. Təhlükəsizlik
postlarına əhəmiyyət vermədən keçən
avtomobillər lentə alınır, maşınların nümrələri
növbəti postlara çatdırılır. Beləliklə, maşın
sərnişinləri nəzarət altına alınır.
Babək qalası bölgəsində İranın müxtəlif
yerlərindən gətirilən hərbi avtobusların
yerləşdirildiyi bildirilir. Hazırda
orada toplaşanların durumu haqda məlumat əldə
etmək mümkün deyil. Belə ki, komminikasiya xidmətləri
kəsilmişdir. İran Azərbaycanının bir çox şəhərində
cib telefonları şəbəkəsinin fəaliyyətinə
mane olunur. Həbs edilənlərin sayının artdığı
deyilir. İranda bu halın
istisna edildiyi heç bir
Azərbaycan şəhəri mövcud deyil. Hətta ucqar
kəndlərdə belə yoxlanışlar həyata keçirilir.
Amnesty
International-insan hüquqları təşkilatının son
bəyanatında İranın səlahiyyətli nümayəndələri
İran azərbaycanlılarının ənənəvi
Babək yürüşü ərəfəsində təmkin nümayış
etdirməyə və insan hüquqları normalarına riayət
etməyə cağırılır. Bəyanatda həmçinin,
təhlükəsizlik qüvvələrinin İranın azəri türklərinin
(İran azərbaycanlıları) nümayəndələrinə
qarşı zorakılıqlara yol verdiyi də qeyd edilir. Təşkilat
İranda cərəyan edən son hadisələr zamanı
həbs edilənlərin siyahısını əldə
etdiyini bildirir. Sənəddə deyilir ki, İranın
səlahiyyətli nümayəndələri tərəfindən nümayış
iştirakçılarına qarşı güc tətbiq edilir. Amnesty International-insan hüquqları təşkilatının
bəyanatında zorakılıqlar nəticəsində öldürülən
27, nəzarət altına alınan 200 adamın adının müəyyən
edildiyi deyilir. Amnesty International İran rəsmilərini
beynəlxalq insan hüquqları standartlarına riayət,
həbs edilənlərin şərtsiz və dərhal azad,
cinayətkarlıqda ittiham edilənlərin ədalətli mühakimə,
məhbusların istədikləri vəkillərlə və
tibbi müalicəyə ehtiyacı olanların səhiyyə
xidmətləri ilə təmin edilməsinə çağırır.
Sənəddə həmçinin, işgəncə ilə bağlı
şikayətlərin araşdırılmasının vacibliyi
vurğulanır. Bəyanatda qanunsuz
qətllər və ölüm hökmlərinin BMT-nin prinsiplərinə
əsasən istintaqına səslənilir. Sənəddə
deyilir ki, bütün bu kimi qanunsuzluqların məsuliyyətini daşıyanlar
ədalət məhkəməsi qarşısına çıxarılmalıdır.
Amnesty International Tehranı İran
Azərbaycanıyla bağlı təmkinli olmağa çağırır
İran Azərbaycanında yüzdən artıq insanın həbs edilməsinə baxmayaraq, Babək qalasına yürüş cəhdi davam edir. Əhər şəhərinin Kəleybər qəsəbəsi yaxınlığında yerləşən Qalaya aparan bütün yollar təhlükəsizlik qüvvələri tərəfindən bağlanıb. Babək qalasına səmt alan maşınların qarşısı kəsilib. Təhlükəsizlik postlarına əhəmiyyət vermədən keçən avtomobillər lentə alınır, maşınların nömrələri növbəti postlara çatdırılır. Beləliklə, maşın sərnişinləri nəzarət altına alınır. Babək qalası bölgəsində İranın müxtəlif yerlərindən gətirilən hərbi avtobusların yerləşdirildiyi bildirilir. Hazırda orada toplaşanların durumu haqda məlumat əldə etmək mümkün deyil. Kommunikasiya xidmətləri kəsilib. İran Azərbaycanının bir çox şəhərində mobil telefon şəbəkəsinin fəaliyyətinə mane olunur. Həbs edilənlərin sayının artdığı deyilir.
Bu arada Amnesty International - insan haqları təşkilatının son bəyanatında İranın səlahiyyətli nümayəndələri İran azərbaycanlılarının ənənəvi Babək yürüşü ərəfəsində təmkin nümayış etdirməyə və insan haqları normalarına riayət etməyə cağırılır. Bəyanatda həmçinin, təhlükəsizlik qüvvələrinin İranın azəri türklərinin (İran azərbaycanlıları) nümayəndələrinə qarşı zorakılıqlara yol verdiyi də qeyd edilir. Təşkilat İranda cərəyan edən son hadisələr zamanı həbs edilənlərin siyahısını əldə etdiyini bildirir. Sənəddə deyilir ki, İranın səlahiyyətli nümayəndələri tərəfindən nümayış iştirakçılarına qarşı güc tətbiq edilir.Amnesty International öz bəyanatında zorakılıqlar nəticəsində öldürülən 27, nəzarət altına alınan 200 adamın adının müəyyən edildiyi deyilir. Amnesty International İran rəsmilərini beynəlxalq insan haqları standartlarına riayət, həbs edilənlərin şərtsiz və dərhal azad, cinayətkarlıqda ittiham edilənlərin ədalətli mühakimə, məhbusların istədikləri vəkillərlə və tibbi müalicəyə ehtiyacı olanların səhiyyə xidmətləri ilə təmin edilməsinə çağırır. Sənəddə həmçinin, işgəncə ilə bağlı şikayətlərin araşdırılmasının vacibliyi vurğulanır. Bəyanatda qanunsuz qətllər və ölüm hökmlərinin BMT-nin prinsiplərinə əsasən istintaqına çağırılır. Sənəddə deyilir ki, bütün bu kimi qanunsuzluqların məsuliyyətini daşıyanlar ədalətli məhkəməsi qarşısına çıxarılmalıdır.
---------------------------------------------------------------------------------------------
GÜNEY
AZƏRBAYCANIN MİLLİ FƏALLARI ARTIQ BƏZZ QALASINDADIR
İran rejiminin törətdiyi maneələrə
baxmayaraq, milli fəalların bir qismi artıq Bəzz qalasına
çatıb. Bu barədə «İstiqlal» radiosu məlumat yayıb.
Məlumatda bildirilir ki, dünən axşam saatlarından başlayaraq
Kəlheybərə gedən yollar bağlanılıb. İranın
hökumət qoşunları Bəzz qalası istiqamətində
hərəkət edən bütün avtobusları və
mikroavtobusları geri qaytarır, yalnız minik avtomobillərə
Kəlheybərə tərəf getməyə icazə
verirlər. Buna baxmayaraq, milli fəalların bir qismi artıq
Bəzz qalasına çatıb.
«Media forum»
---------------------------------------------------------------------------------------------
BU
GÜN MİLLİ QURULTAY BAŞLAYIR
Hərəkatçılar
bildirir ki, tədbirə əngəl törənərsə, o
zaman Azərbaycan şəhərlərində üç gün nümayiş
keçiriləcək
Bu gün Güney Azərbaycanın Qaradağ
mahalının Kəleybər şəhərində yerləşən
Babək qalasında azərbaycanlıların qurultayının
keçiriləcəyi gözlənilir. Gözlənilir ona görə
deyirik ki, son bir neçə ayda hakimiyyət bu mərasimin baş
tutmaması üçün bir sıra qabaqlayıcı tədibrlər görüb.
Elə son iki ayda Azərbaycan Milli Hərəkatı fəallarının
həbsi də bunun tərkib hissəsi sayılır.
Güneydən verilən xəbərə görə, qalaya doğru
Azərbaycanın müxtəlif şəhərlərindən
hərəkət dünən saat 7-dən başlayıb.
Məlumatda bildirilir ki, mərasimin keçiriləcəyi yerə
doğru üç istiqamətdən hərəkət ediləcək.
Onlardan biri Təbriz - Əhər, biri Ərdəbil - Meşkin,
o biri isə Urmiya - Mərənd yollarıdır. Əgər
hakimiyyətin güc strukturları çeşidli bəhanələrlə
qalaya gedən yolu kəsərək iştirakçılara maneə
törətsələr, o zaman yürüşçülər vaxtı
itirmədən kəsə yollarla Kəleybərə çatmağı
qarşılarına məqsəd qoyublar. Yox, bu da baş
tutmazsa, o zaman törəni keçirmək istəyən milli
hərəkatçılar və onun təəssübkeşləri
Azərbaycanın iri şəhərlərinin mərkəzində,
o cümlədən Təbriz, Urmiya, Ərdəbil və başqa
yerlərdə nümayiş, mitinqlər keçirəcəklər.
Hərəkatçılar həmin tədbiri bu gün və sabah keçirməyi
planlaşdırıblar.
Xəbərdə göstərilir ki, özlərini tədbirin keçiriləcəyi
yerə çatdıranlar isə, hər yerdə olduğu kimi, törənin
nəzərdə tutulmuş işlərini bərpa
edəcəklər.
Milli qurultayda bu ilin mayında milli varlıqlarını fars
şovinizminin təhqirlərindən qoruyarkən hakimiyyət
qüvvələri tərəfindən öldürülmüş şəhidlərin
xatirəsi yad olunacaq, ruhlarına dualar oxunacaq. Bundan başqa,
şəhidlərə həsr edilmiş şeirlərin oxunacağı,
eləcə də Azərbaycan türklərinin milli varlığına
dair çıxışların ediləcəyi planlaşdırılıb.
Tədbirdə milli klassik musiqilərin, eləcə də marşların
səslənəcəyi, ifa olunacağı gözlənilir.
Mərasim boyu son hadisələr zamanı şəhid olmuşların
şəkilləri olan plakatlar da qaldırılacaq.
Babək qalasında hər il səslənən şüarların
bu il də təkrarlanacağı gözlənilir.
Həmin şüarları diqqətinizə çatdırırıq:
"Yaşasın Azərbaycan!", "Haray, haray, mən türkəm!",
"Mənim dilim ölən deyil, fars dilinə çönən deyil!",
"Ana dili rəsmi dilim, türk kimliyi höviyətim! (soyum)",
"Azərbaycan oyaqdır, öz dilinə dayaqdır!", "Həbs
edilənlər azad olunsun!", "Şovinist quruluşu dağılsın!",
"Sağ, sol (mühafizəkar islahatçılar nəzərdə
tutulur - S.) şovinistlər, sağ, sol faşistlər məhv
olsun!" və s.
Yayılmış xəbərdə vurğulanır ki,
tədbir zamanı farslara və türk olmayan başqa
millətlərə qarşı şüarların
səsləndirilməsinə yol verilməyəcəkdir.
Təşkilatçılar bəyan edir ki, Azərbaycan türklərinin
düşməni yalnız fars şovinizmi və fars faşizmidir.
Onunsa bir ucu Tehranda, o biri ucu Los-Ancelesdədir.
Bu tədbirlə bağlı başqa bir xəbərdə göstərilir
ki, bu qurultay mükəmməl keçirilməlidir. Çünki o,
Azərbaycan Milli Hərəkatının müqavimətinin göstəricisi
sayıla bilər. Keçiriləcək tədbiri milli haqlar uğrunda
mübarizənin demokratik formalarından biri kimi
dəyərləndirirlər. Bu xəbərdə göstərilir
ki, qurultayın özündə milli düşüncə ilə bağlı
simvollar da göstəriləcək. Bundan başqa, qalada göy, qırmızı
və yaşıl rəngli şarların da olacağı gözlənilir.
---------------------------------------------------------------------------------------------