فوتو رپورتاژ:

آذربایجانین سولطان سیز سولطانیه سی!

(1)

جان زنجانا خوش گلیبسینیز.

آذربایجان منیم تاجی تختیم اوی...

سولطانیه، زنجان – قزوین جاده سینین 35 کیلومئتیرلیگینده سیزی بکله ییر.

سولطانیه بیناسی، 703 ه.ق. ایلینده سولطان اولجایتو(سولطان محمد خودا بنده) امری ایله تیکیلدی.

بینانین معماری تبریزلی علیشاه دیر.

13 ایل بو  موحتشم بینانین یاپیلماسی زامان سوروبودور.

بو 8 بوجاقلی تورک بیناسی نین 8 ایوانی و 8 میناره سی واردیر.

بینانین اوجالیغی 48.5 مئتیر و گونبدین ائنی 26 مئتیر دیر.

بینانین معمارلیق اوسلوبو ائلخانلی لار زامانی نین تیکینتی سبکلرین تام مونعکیس ائدیر.