AZƏRBAYCANIN EKS-PREZİDENTİ ƏBÜLFƏZ ELÇİBƏYİN ANADAN OLMASININ 68-Cİ İLDÖNÜMÜ İLƏ BAĞLI ANIM MƏRASİMİ KEÇİRİLİB

BAKI/24.06.06/TURAN: Bu gün Fəxri Xiyabanda Azərbaycanın eks-prezidenti Əbülfəz Elçibəyin anadan olmasının 68-cı ildönümü ilə bağlı onun anım mərasimi keçirib.
Tədbirə siyasi partiyaların, ictmai təşkilatların təmsilçiləri, Elçibəysevərlər və yaxın qohum-əqrəbası qatılıb. Mərasim iştirakçıları öncə Əzizbəyov heykəli yanından Fəxri Xiyabana qədər "Elçibəy, Elçibəy!" nidaları və dövlət bayraqları altında yürüş ediblər.
Ə.Elçibəyin məzarı önündə tədbiri açan Klassik Xalq Cəbhəsi Partiyasının sədri Mirmahmud Mirəlioğlu Azərbaycanın çağdaş siyasi və fikir tarixində Ə.Elçibəyin yerindən və rolundan dnışıb. Daha sonra ayrı-ayrı siyasi partiyaların, ictimai qurumların nümayəndələri çıxış edərək Ə.Elçibəyin Azərbaycanın milli və dövlət müstəqilliyi yolunda apardığı mübarizədən, "Bütöv Azərbaycan" ideyasını düşüncədən gerçək siyasi əmələ çevirməsindən və hazırda Güney Azərbaycanda baş verən proseslərdən danışıb.
Daha sonra anım mərasiminin bədii hissəsi başlayıb, Ə.Elçibəyə, türklüyə hərs edilən şerlər və şərqilər dinlənilib. -05C-