GÜNEY
AZƏRBAYCAN MİLLİ MÜDAFİƏ KOMİTƏSİNİN
AZƏRBAYCAN
RESPUBLİKASINDA FƏALİYYƏT GÖSTƏRƏN
XARİCİ
ÖLKƏ SƏFİRLİKLƏRİNƏ
MÜRACİƏTİ
Artıq
80 ildir ki, İran adlana ölkədə Azərbaycan türklərinin
milli və mənəvi dəyərlər sisteminə
edilən hücumlar son 28 ildə molla fars şovinist rejim
tərəfindən davam etdirilərək daha da kəskinləşib.
Güney Azərbaycanda baş verən son hadisələr bir
daha sübut etdi ki, Güney Azərbaycan türklərinə qarşı
düşmənçilik mövqeyindən əl çəkməyən molla
rejimi Azərbaycan türklərinin böyük bir millət olmasına
rəğmən onlara qarşı davranışını faşıst
siyasəti əsasında həyata keçirir. Tehran, Urmiya,
Zəngan, Marağa, Ərdəbil, Sulduz, Muğan, Xiyov(Meşkin),Əhər,
Makı, Miyana, xüsusilə də Təbrizdə keçirilən
etiraz aksiyalarında bura qədər adları bəlli olan 40-a
yaxın insanın öldürülməsi, minlərlə insanın
yaralanması və 11 000-dən çox insanın həbs
edilməsi bunun bariz nümunəsidir. GÜNEY AZƏRBAYCAN MİLLİ
MÜDAFİƏ KOMİTƏSİ fars molla rejiminin Güney
Azərbaycan türklərinə qarşı yürütdüyü
qərəzli siyasəti qətiyyətlə pisləyir və
onların haqlə istək və mübarizələrini sizin
diqqətinizə çatdırır.
1-
Fars
molla rejimi Güney Azərbaycan türklərinə qarşı yönəltdiyi
təhqirlərə son qoymalı, millətlərin öz müqəddəratını
təyinetmə prinsipinə hörmətlə yanaşmalı
və bu prinsipdən irəli gələn öhdəlikləri
yerinə yetirməlidir.
2-
Dünyanın
demokratik dövlətləri sivil prinsiplər əsasında Güney
Azərbaycan Milli Azadlıq Hərəkatını
dəstəkləməklə yanaşı, 35 milyon Güney
Azərbaycan türkünün milli-mədəni haqlarının tanınması
və milli haqlarının bərpa olunmasını fars molla
rejimindən təkidlə tələb etməlidirlər.
3-
Güney
Azərbaycan ərazisində Azərbaycan türkcəsi rəsmi
dil elan edilməli, təhsil, idarəçilik sistemi, KİV bu dildə
olmalıdır. Habelə İran adlanan ölkənin başqa
yerlərində yaşayan türklərə də bu haqlar tanınmalıdır.
4-
Güney
Azərbaycanın təbii sərvətləri bu ərazidə
yaşayan insanlara məxsus olduğundan bu sərvətlər Güney
Azərbaycan türklərinin ümumi inkişafına yönəldilməlidir.
5-
Son
günlərdə Güney Azərbaycanın müxtəlif şəhərlərində
və Tehranda keçirilən dinc aksiyalarda və ondan əvvəlki
dövrlərdə müxtəlif damğalarla həbs olunan
azərbaycanlı milli fəallara qarşı təzyiq və işkəncələrə,
onların ailə üzvlərinə qarşı yönəlmiş
basqı və təhdidlərə son qoyulmalı , həbs
olunanlar qeyd-şərtsiz azad edilməlidirlər.
6-
Rejimin
dinc insanlara qarşı açdığı atəş
nəticəsində şəhid olan Azərbaycan türklərinin
cəsədləri ailələrinə qaytarılmalı,
onlara qarşı atəş əmri verən, bu əmri icra
edən və başqa qeyri-insani üsullardan istifadə
edərək onların haqq səsini boğmağa çalışanların
kimliyi müəyyən edilməli, onlar beynəlxalq cinayət
məhkəməsinə cəlb edilməlidirlər.
7-
Güney
Azərbaycan şəhər və kəndlərində polis
rejiminə və dinc əhaliyə qarşı təqib və
təzyiqlərə son qoyulmalıdır.
8-
Rejimin
məhkəmə hakimiyyəti sisteminin beynəlxalq qanunlarda
nəzərdə tutulmuş prinsiplərə zidd olduğunu,
qərəzli hökmlər çıxarıldığını,
məhkəmə prossedur qaydalarının qeyri-şəffaf
aparıldığını nəzərə alaraq, Güney
Azərbaycan ərazisində 22 may 2006-cı il tarixdə keçirilən
etiraz mitinqlərində, ondan öncəki vaxtlarda və son günlərdə
həbs olunanların hüquqlarının tam şəkildə
qorunması və bütün siyasi məhbusların tezliklə azad
olunması üçün beynəlxalq təşkilatlat
tərəfindən prossedurlar nəzarətə götürülməli
və onların şəffaf keçirilməsi fars molla
rejimindən tələb edilməli, həbs olunan, yaralanan
və şəhid olan insanların hüquqlarının müdafiəsi
beynəlxalq səviyyədə təmin olunmalıdır;
9-
İnsan
haqlarını müdafiə edən beynəlxalq təşkilatlar
və dünya dfövlətləri tərəfindən Güney
Azərbaycanda baş verən hadisələrə hüquqi-siyasi
qiymət verilməlidir.
GÜNEY
AZƏRBAYCAN MİLLİ MÜDAFİƏ KOMİTƏSİ Güney
Azərbaycanın tarixi ərazi bütövlüyü çərçivəsində
zülmdən, ayrıseçkilikdən və şovinist
siyasətdən qurtularaq azad yaşamaq, öz torpaqlarına sahib
çıxaraq milli dövlətini qurmaq hüququna hörmətlə yanaşılmal,
insan hüquq və azadlıqlarını müdafiə edən
beynəlxalq təşkilatlardan, dövlətlərdən orada yaşayan
35 milyonluq bir millətin milli zəmində cərəyan
edən milli mübarizəsinə dəstək vermələrini
istəyir.İnanırıq ki, bir dövlət kimi Güney
Azərbaycan türklərinin milli-insani haqlarını tanıyacaqsınız
və beynəlxalq konversiyalarda nəzərdə tutulmuş bütün
imkanlardan istifadə edərək fars molla hakimiyyətindən
bu millətə haqlı tələblərinin verilməsini
istəyəcəksiniz.
GÜNEY AZƏRBAYCAN MİLLİ MÜDAFİƏ KOMİTƏSİ
Bakı şəhəri, 07 iyun 2006-cı il
GÜNEY AZƏRBAYCAN MİLLİ MÜDAFİƏ
KOMİTƏSİ-nin
Azəebaycan Respubublikasının
prezidenti cənab İ.H.Əliyevə
MÜRACİƏTi
Hörmətli cənab prezident!
Dövlətçilik
təcrübəsi olan müstəqil Azərbaycan Respublikasının
sosyal-iqtisadi, ictimai-siyasi sahədə qazandığı uğurlar
və beynəlxalq aləmdə əldə etdiyi yüksək nüfuz
dünya azərbaycanlılarının, xüsusilə də Güney
azərbaycanda yaşayan 35 milyon Azərbaycan türkünün
sərvəti və güvənc yeridir. müstəqil
Azərbaycan dünya azərbaycanlılarının ümumi
vətənidir, onların siyasi və mənəvi dayağıdır.
Biz güney azərbaycanlılar üçün mənəvi dəstək
olmuşdur.
İnsan hüquq və azadlıqlarına hörmətlə
yanaşılması ümumilikdə bəşəriyyətin
inkişafının təməl prinsiplərindən biri kimi
dəyərləndirilsə də, son 80 ildə İranda
Azərbaycan türklərinin milli və mənəvi
dəyərlər sisteminə edilən hücumlar və Güney
Azərbaycanda baş verən son hadisələr onu göstərir
ki, orada bu prnsiplərə zidd siyasət davamlı xarakter daşıyır.
Belə ki, mayın 12-də İranın rəsmi dövlət
qəzeti olan İran qəzetində Azərbaycan türklərini
təhqir etmək məqsədilə dərc olunan karikaturaya
etiraz əlaməti olaraq mayın 22-dən etibarən Güney
Azərbaycanın müxtəlif şəhərlərində kütləvi
etiraz aksiyaları başladı. Təəssüf ki, dinc xarakterli
bu aksiyalar mərkəzi hökumətin güc strukturları
tərəfindən zorakılığa məruz qalaraq 40-a yaxın
Güney Azərbaycan türkü şəhid oldu, minlərlə insan
yaralandı və 11000-dən çox insan həbs edildi. Bu kimi zorakılıqlar
indi də davam etməkdədir.
Güney Azərbaycanda azərbaycanlılara divan tutulmasının
əsas səbəbi orada milli şüurun oyanması, özünüdərk,
ana torpağına bağlılıq, millətin öz dilinə
olan sevgisi və neqativ asimilasiyaya etirazdan qaynaqlanır. Biz, bir
millət olaraq insanlığın tərəqqisinə
xidmət edəcək demokratik dövlətdə yaşamaq
arzusunu yalnız, o dövlətdə yaşayan millətlərin hüquqlarının
verilməsində görürük. Elə bu səbəbdən də Güney
Azərbaycan türkləri özünüdərkdən özünütəsdiqə
uzanan keşməkeşli yollarala irəliləyərək müasir
dünyada özünün milli-mənəvi və maddi-mədəni varlığına
qarşı qoyulan məhdudiyyətlərdən qorunmaq üçün
haqlı mübarizəsini sivil və demokratik qanunlara uyğun bir
şəkildə aparır.
Möhtərəm prezident! Bu gün problem və qayğılarla
yaşayan Güney azərbaycanın Quzeydən mənəvi
dəstəyə və həmrəyliyə böyük ehtiyacı
var. Güney Azərbaycanda yaşanan milli faciəni sizə çatdırmaqda
məqsədimiz bundan ibarətdir ki, 50 milyon azərbaycanlının
prezidenti kimi beynəlxalq konversiyalarda nəzərdə tutulmuş
bütün imkanlardan istifadə edərək, 35 milyon Güney
azərbaycan türkünün milli və vətəndaş hüquqlarının
qorunması naminə Güney azərbaycanlılara qarşı yönələn
qeyri-insani davranışlara son qoyulmasını , orada polis
rejiminin aradan qaldırılmasını və bir millətin
milli-mədəni, insani tələblərinə hörmətlə
yanaşılmasını rejim mənsublarından tələb
edəsiniz.
GÜNEY AZƏRBAYCAN MİLLİ MÜDAFİƏ
KOMİTƏSİ
Express:
Güney
Azərbaycan Milli Müdafiə Komitəsi yaradıldı
Bakıda
Güney Azərbaycan Milli Müdafiə Komitəsi yaradılıb. Bu
barədə qurumun Təşkilat Komitəsinin üzvü Cavidan
Elbars məlumat verib. Onun sözlərinə görə, komitənin
yaradılmasında məqsəd Azərbaycan və Avropada yaşayan
güneylilərin İranda yaşayan soydaşlarımıza
dəstək verməsidir. Komitə İrandakı
hadisələr bitdikdən sonra başlanacaq repressiyaların
qarşısını almaq üçün azərbaycanlılara hüquqi
yardım göstərəcək və baş verən
hadisələrlə bağlı dünya ictimaiyyətini
məlumatlandıracaq. Komitənin mərkəzi ofisi Bakıda
olacaq, paralel olaraq ABŞ, Almaniya və İsveçdə də nümayəndəlikləri
fəaliyyət göstərəcək.
AzərFoto:
GÜNEY AZƏRBAYCANLILAR İLHAM ƏLİYEVƏ MÜRACIƏT
ETDİ
Güney Azərbaycan Milli Müdafiə
Komitəsi İran hökumətinin azərbaycanlılara qarşı
təzyiqlərə son qoyması və
səlahiyyətlərindən istifadə edib soydaşlarını
dəstəkləməsi xahişi ilə bağlı
Azərbaycan prezident İlham Əliyevə müraciət edib. Bu
barədə Güney Azərbaycan Milli Müdafiə
Komitəsindən (GAMMK) məlumat verilib. Müraciətdə Güney
Azərbaycanın quzeydən mənəvi dəstəyə
və həmrəyliyə ehtiyac olduğu bildirilir: Güney
Azərbaycanda yaşanan milli faciəni Sizə çatdırmaqla,
İranın fars şovinizminə təzyiq göstərilməsini
xahiş edirik".
35 milyonluq Azərbaycan türkünün vətəndaş hüquqlarının
qorunması naminə bizə yönələn qeyri-insani davranışlara
son qoyulması üçün İran hökumətinin
rəhbərlərinə xəbərdarlıq edilsin. Əks
təqdirdə, soydaşlarınız fars şovinizminin
təzyiqi altında məhv olmaq təhlükəsi ilə üz-üzə
qalacaq.
Üç
Nöqtə:
Güney Azərbaycan Milli Müdafiə
Komitəsi yaradıldı
MƏQSƏD,
BAŞ VERƏNLƏR HAQQINDA OBYEKTİV MƏLUMAT YAYMAQDIR
Dünən
Beynəlxalq Mətbuat Mərkəzində Güney Azərbaycan
Milli Müdafiə Komitəsinin yaradılması ilə bağlı
mətbuat konfransı keçirildi. "Güney Azərbaycanda baş
verən son hadisələrə münasibət" mövzusunda keçirilən
dəyirmi masada hərəkatın yaranma zərurətindən
danışan qurum rəhbəri Cavidan Elbars İranda başlanan
etiraz aksiyalarından müxtəlif məqsədlər üçün
istifadə edənlərin olduğunu qeyd etdi. Onun sözlərinə
görə, baş verənlərin obyektiv açıqlanması,
ictimaiyyətə və beynəlxalq təşkilatlara dəqiq
məlumat çatdırılması belə bir komitənin yaradılmasını
zəruri edib: "Hazırda dünyanın müxtəlif ölkələrində
yaşayan soydaşlarımızla əlaqə qurub, baş
verənlərin obyektiv işıqlandırılmasına çalışırıq".
İranda baş verən hadisələrə
toxunan komitənin üzvü Ağrı Qaradağlı iyunun 3-ü
və 4-də Tehranda yenidən etiraz aksiyalarının keçirildiyini
bildirdi: "Bu günə qədər Güney Azərbaycanın müxtəlif
şəhərlərində 12 minə yaxın hərəkat
üzvü həbs edilib. İyunun 4-də keçirilən etiraz aksiyasında
isə min nəfərə yaxın hərəkatçı saxlanılıb".
GAMMK-nin üzvləri bildirdi ki, qonşu ölkədə nümayişlərin
başlamasından bu günədək 7-8 jurnalist həbs edilib.
Eyni zamanda, hazırda baş verənlər barədə
məlumat almaq çox çətinləşib. Şəhərlərlə,
o cümlədən, mobil telefonla əlaqə yaratmaq çox çətindir.
Hətta internet saytları ilə məlumat almaq da problemə
çevrilib. Tədbirin sonunda İranda baş verən
hadisələrlə bağlı dünya ictimaiyyətinə müraciət
qəbul edildi.
Xalid
Güneydə
soydaşlarımıza qarşı basqılar daha da artıb
"BEYNƏLXALQ
TƏŞKİLATLAR VƏ DEMOKRATİK ÖLKƏLƏR BU MƏSƏLƏLƏRƏ
MÜNASİBƏT BİLDİRMƏLİDİRLƏR"
Dünən
Beynəlxalq Mətbuat Mərkəzində Güney Azərbaycan
Milli Müdafiə Komitəsinin (GAMMK) təqdimat mərasimi olub.
GAMMK-nın təşkilat komitəsinin üzvü Cavidan Elbarsın
sözlərinə görə, komitənin tərkibi 16 nəfər
güneyli soydaşımızdan ibarətdir. Eyni zamanda GAMMK-ın
ABŞ, İsveç və güneylilərin çoxluq təşkil etdiyi
digər ölkələrdə də şöbələrinin yaradılması
ilə bağlı danışıqlar aparılır.
Komitənin yaranma zərurətini açıqlayan C.Elbars deyib ki, güneydə
baş verən məlum hadisələrdən sonra
Azərbaycanda bir sıra qurumlar, siyasi partiyalar
tərəfindən tədbirlər keçirilir: "Amma çox
təəssüf ki, başqa məsələlərdə olduğu
kimi, siyasi partiyalar güney məsələsində öz
mənafelərindən çıxış etdilər. Onlar sözdə
bizimlə birgə hərəkət edəcəklərini
desələr də, əməldə buna riayət
etmədilər. Əgər bu gün həmin dairələr bizim
ağır günümüzdə öz şəxsi ambisiyalarını
kənara qoyub bir araya gələ bilmədilərsə,
deməli, bu vəzifəni həyata keçirmək güneylilərin
öz üzərinə düşür". C.Elbars xatırladıb ki, mayın
12-dən bu yana güneydə baş verənlərlə bağlı
beynəlxalq təşkilatlara, özünü demokratik sayan ölkələrin
rəhbərlərinə müraciət etsələr də, onlar
bu məsələlərə heç bir münasibət
bildirməyiblər: "Halbuki həmin beynəlxalq təşkilatlar
və demokratik ölkələr dünyanın istənilən yerində
baş verən kiçik bir hadisəyə də dərhal reaksiya
verirlər. Güneydə onlarla soydaşımız şəhid
olub, yüzlərlə insan yaralanıb və həbsə alınıb.
Amma heç bir ölkədən buna münasibət bildirilməyib. Bu
mənada, yeni yaradılan komitənin başlıca
məqsədlərindən biri də Azərbaycanın güneyində
baş verənləri olduğu kimi əks etdirmək,
beynəlxalq təşkilatlara çatdırmaqdır". C.Elbars güneydə
baş verənlərlə bağlı Azərbaycan
tərəfdən də hər hansı rəsmi bəyanatın
olmamasından təəssüfünü bildirib. O deyib ki, əgər
baş verənlər doğurdan da, İranın daxili işidirsə,
o zaman heç birimizin dünyada 50 milyon azərbaycanlı yaşayır
deməyə haqqımız yoxdur: "Çünki 50 milyonun 35
milyondan çoxu məhz güneylidir".
GAMMK-nın təşkilat komitəsinin üzvü Ağrı
Qaradağlı güneydəki durumla bağlı daha ətraflı
məlumat verib. Onun sözlərinə görə, güneylilərin
etiraz dalğasının zirvəsi sayılan Təbriz
mitinqindən sonra soydaşlarımıza basqılar,
təzyiqlər daha da artıb: "
Dünya Azərbaycanlıları Konqresinin təmsilçisi
Əli Nicata görə isə rejim özünü itirib: "Onlar gah
bəyanat verirlər ki, hər şey bitib, gah da güneydə baş
verənlərdən qorxuya düşdüklərini açıqca göstərirlər.
Bir neçə gün əvvəl rejim bir neçə mollanı
hərəkatçılarla danışıqlara göndərib.
Hərəkatçılar isə onlara qarşı həbsdə
olan soydaşlarımızın azadlığa buraxılması
və şəhid olanların qatillərinin tapılaraq
cəzalandırılması kimi iki şərt irəli sürüb.
Amma rejim bunların heç birini qəbul etməyib". Ə.Nicat
İranda jurnalistlər qarşı da təzyiqlərin olduğunu
bildirib. Onun sözlərindən bəlli olub ki, hazırda
həbsdə 8 jurnalist saxlanılır: "Həmin
jurnalistlər, sadəcə, öz peşə borclarını
yerinə yetiriblər". Ə.Nicat həmçinin
xəstəxanalardan ağır xəstələrin oğurlandığı
barədə faktların olduğunu deyib: "Təkcə Muğanda
5 xəstə oğurlanıb. Onlar ya öldürülür, ya da ki,
hərbi xəstəxanaya aparılır. Güneydə aksiyaların
keçirildiyi bölgələrdə internet və telefon əlaqəsi
kəsilib. Buna görə də oradan informasiya almaq çətinləşib.
Fəal hərəkatçıların evlərini qarşısında
isə xüsusi təyinatlılar yerləşdirilib".
Qeyd edək ki, tədbirin sonunda komitə adından
ölkə rəsmilərinə, siyasi partiya və ictimai qurumlara,
insan hüquqları təşkilatlarına və dünya
azərbaycanlılarına müraciət edilib. Müraciətdə
adıçəkilən qurumlardan güneydə baş verənlərə
münasibət bildirmələri, bu məsələləri gündəmdə
saxlamaları, o cümlədən soydaşlarımıza
dəstək üçün aksiya keçirmələri, beynəlxalq təşkilatlar
qarşısında məsələ qaldırmaları əksini
tapıb.
PƏRVANƏ
Olaylar:
Bakıdakı güneylilər
yeni təşkilatda birləşir
Şeyxülislamın çıxışı
narazılıq yaradıb
Bakıda yaşayan güneyli soydaşlarımız Güney
Azərbaycan Milli Müdafiə Komitəsini yaratmaq təşəbbüsü
ilə çıxış edib.
Məqsəd son zamanlar baş verən
hadisələrin dünya ictimaiyyətinə çatdırılmasıdır.
Bu barədə dünən Komitə üzvləri keçirdikləri
mətbuat konfransında məlumat veriblər. Təşəbbüskarlardan
olan Cavidan Elbars bildirib ki, İsveç, Almaniya, Amerika və Fransada
GAMMK-nın şöbələri bu günlərdə rəsmən
yarandığını elan edəcək: Müxtəlif
qurumlar Güneydə baş verən hadisələrə münasibət
bildirsələr də, bir çox hallarda partiya mövqeyindən çıxış
etdilər. Hamı etirazı bərabər bildirməyə hazır
olduğunu desə də, tədbirlər ayrı-ayrı
vaxtlarda təşkil edilir. Belə olan halda vəzifə güneylilərin
boynuna düşür, çünki hüquqi cəhətdən də buna bizim
daha çox imkanımız var. Komitə beynəlxalq təşkilatların,
demokratik adlandırılan dövlətlərin məsələyə
münasibətindən narahatdır: Azərbaycan və Türkiyədən
daha çox umacağımız var. Ancaq heç bir reaksiya olmadığından
Elnarə
