Guney Azərbaycandan son xəbərlərı  Azərbaycan bölməsinə hazırlayan Eluca Atalı

 

 

 

Nəsrin Rəzəvi tutulub

 

Millətçi aktiv Nəsrin Rəzəvi bugün, yəni 11 mart nahardan sonra adamlar arasında bildiriş yayarkən nizami qüvvələr tərəfindən tutulmuşdur və məlum olmayan yerə aparılmışdır. Bugünlərdə Təbrizdə polis və tıhlükəsizlik qüvvələrinin gücü artırılmışdır.Belə düşünmək olar ki, gənc qadın işgəncə olub və təzyiqə məruz qalıb.Hələ ki, onun real vəziyyəti ilə əlaqədar heç bir doğru -dürüst məlumat yoxdur.

 

Təbrizdə möcüzə baş verdi və Vəliəsr parkı açıldı

Təbrizdəki Vəliəsr parkı 11 ildən  sonra açılıb.Bu cür parkın 11 ildən sonra açılması gülməli olsa da, lakin həqiqətdir ki, vəziyyət belədir.Qeyd edək ki, təkcə bu deyil, bu gün Təbrizdə yüzlərlə yarımçıq qalmış layihələlə var ki, dövlət büdcəsinin pul ayırmaması səbəbindən nə tikilib başa çıxır, nə də biryolluq ləğv olunur.

  İran fars rejiminin agentlikləri hərdən xəbər verirlər ki, filan proyektlə bağlı işlər fiziki baxımdan  20 faiz yerinə yetirilıb, bəzən də 80-90 faiz olduğunu iddia edirlər.Amma bir -iki aydan sonra yenə özləri xəbər verirlər ki, həmin iş cəmi 40 faiz həyata keçib.

 Ataların yaxşı bir məsəli var: ”Yalançının yaddaşı olmaz".Çox təssüf ki, farsların bu kimi yaddaşsızlıqları təkcə Güney Azərbaycanlılarla bağlı olur.

 

Güneydə hərbi tədbirləri çoxaltmaqla milləti hədələyirlər

Cumhuri İslam Xəbər Agentliyinin verdiyi məlumata görə, Bəsic silahlı qüvvələrin komandiri bildirib ki, təhlükəsizliyin bu gün yalnız Bəsiclə mənası var.Və  onun fikrincə, inqilabı sevənlərə ümid və inqilab düşmənlərinə başalçaqlığı gətirir.

Son zamanlar fars silahlı qüvvələrinin sayı təkcə Makuda yox,Urmiyə, Təbriz, Xoy, Ərdəbil və s.Güney Azərbaycan şəhərlərində artmışdı.

Müxtəlıf bəhanələrlə  hərbi tədbirlər ictimaiyyətin çox olduğu yerlərdə, küçə və bazarlarda keçirilir, kütləvi mətbuat orqanlarında -- radio və televizorda canlı nümayiş olunur.Bununla da millətə hədə - qorxu gəlirlər.

 

Azərbaycanlı tələbələrin qəzetləri birinci yer tutdu

Bir neçə gün bundan qabaq Urmiyə Universitetində İranın 10 vilayətinin  tələbə qəzetlərinin müsabiqəsi keçirilmişdir.Qeyd edək ki, Azərbaycanlı tələbələr birinci yeri tutmuşdurlar.

Azərbaycanlı tələbə qəzetçiləri tərəfindən "Səhər", "Xəzər", Sayan" Ərdəbildən, "Haray"  Marağadan, "Bulud" və "İldırım" Həmədandan, "Ərkin" İlamdan,"Yolbir" Urmiyə tərəfindən iştirak edirdi.Amma qeyd edək ki, Urmiyədən bir, Təbriz Universitetinden isə heç bir qəzet iştirak etmirdi.Çünki bu qəzetlərin fəaliyyəti təhlükəsizlik orqanları tərəfindən bağlanmışdır.

Ərdəbil şəhərində dilənçilərin sayı günbəgün artır

   

Cumhuri İslam Xəbər Agentliyinin verdiyi məlumata görə Ərdəbildə dilənçilərin sayı 47 faiz artmışdır.Dövlət orqanları bildirmişdirlər ki, bu problemi həll etməkdə acizdirlər.

Bu vəziyyətlə bağlı Ərdəbil  vilayətinin ictimai işlər rəhbəri qeyd edib ki, bu ərazidə yerləşən yalnız bir qeyri -dövlət müəssiəsi  var ki, o dilənçilərə yardım edir.Üstəlik onu da qeyd etmişdir ki, bu müəssisənin öz işini qabağa aparmağa belə büdcəsi yoxdur.

 Dəfələrlə deməyimizə baxmayaraq, yenə qeyd etməliyik ki,iqtisadi durumun ağırlıqı ucbatından kəndlər boşalır, orda yaşayanlar əvvəlcə Güney Azərbaycanın şəhərlərinə iş dalıyca gedirlər.Çox zaman da onlar küçə -  bazarlarda kardon içində yatırlar.Ancaq yayda bir neçə günlük ev təmirində, daş işində bəzi işlər tapa bilirlər ki, bu da bir neçə gün çəkir və ilboyu işsiz qalırlar.Bunun üçün də işsizlik ucbatından fars şəhərlərinə üz tuturlar.

ABŞ Dövlət Departamenti ötən il ərzində İranda azərbaycanlıların hüquqlarının tapdandığını bildirib

Xədicə İsmayılova
10/03/2007

Hüquq müdafiəçisi Faxtə Zamani bu ilin də kütləvi həbs dalğası ilə başladığını deyir - yükləmək üçün audio clip
Hüquq müdafiəçisi Faxtə Zamani bu ilin də kütləvi həbs dalğası ilə başladığını deyir audio clip

 

Amerika Birləşmiş Ştatlarının Dövlət Departamenti insan haqlarının vəziyyətinə dair 2006-cı il üçün hesabatını Birləşmiş Ştatların özünün bu sahədə göstəricilərinin tənqidlərə tuş gəldiyi bir məqamda açıqlayıb.

Dövlət katibi Kondoliza Rays və onun yardımçısı Barri Lovenkron tərəfindən təqdim edilən hesabatın giriş hissəsində Birləşmiş Ştatların bu tənqidlərə hörmətlə yanaşdığı və bu sahədə irəliləyiş əldə edilməsi istiqamətində çalışdığı qeyd edilir.

Hesabatın maraq doğuran hissələrindən biri İranda insan hüquqlarına dair vəziyyətlə bağlıdır.

Kanadalı hüquq müdafiəçisi, Azərbaycanlı siyasi məhbusları müdafiə

assosiasiyasının direktoru Faxtə Zamani bu ilki hesabatın İranda azərbaycanlılara qarşı basqıları daha çox əks etdirdiyini deyir:

“Amerika Dövlət Departamentinin bu il insan hüquqlarının vəziyyətinə dair hesabatında İranda Azərbaycanlıların hüquqlarının pozulması hallarına geniş yer ayrılıb. Ötən ilki hesabatla müqayisə eləsək deyə bilərik ki, bu ilki sənəddə azərbaycanlıların ana dili hüququnun pozulması, siyasi həbslər və təqiblər məsələsinə daha geniş yer ayrılıb. Bunun səbəbi nədir? Bir tərəfdən, İranda azərbaycanlıların 2006-cı ildə öz hüquqları uğrunda mübarizəni gücləndirməsi, digər tərəfdən, beynəlxalq hüquq müdafiə təşkilatları azərbaycanlı siyasi məhbusların məsələlərinə ötən il ərzində daha çox diqqət ayırıblar.”

Faxtə Zamaninin sözlərinə görə, İranda azərbaycanlılar ən adi hüquqlarından məhrumdurlar. Öz dillərində təhsil ala bilmir, belə tələblərlə çıxış etdikdə isə həbsə və təzyiqlərə məruz qalırlar. Xanım Zamani deyir ki, təzyiqlərə baxmayaraq azərbaycanlıların İranda öz haqları uğrunda mədəni mübarizəsi davam edir. Hesabatda bir neçə azərbaycanlı fəalın adı çəkilir. Onlardan biri Ərdəbildə azərbaycanlı fəalların lideri Abbas Lisanidir. Faxtə Zamani:

 

“Hesabatda adı keçən Ərdəbilli hərəkat lideri Abbas Lisaninin məhkəməsi zamanı farsca danışmaqdan imtina etməsinə görə ona daha ağır cəza verilib. Abbas Lisani İranın heç bir qanununu pozmayıb həbs olunub”.

Dövlət Departamentinin diqqətini cəlb edən digər fəal azərbaycanlı siyasi məhbusları müdafiə etdiyi üçün həbsə atılan vəkil Saleh Kamranidir. Faxtə Zamani deyir ki, Saleh Kamrani insan haqları müdafiəçisidir və onu ana dilində təhsil və başqa mədəni haqlarını tələb edənləri müdafiə etməsinə görə həbs etmişdilər. Kamraninin ötən ilin May hadisələrindən sonra qanunsuz həbsi barədə Dövlət Departamentinin hesabatında məlumat verilir.

Maraqlıdır ki, İran rejiminin basqılarına məruz qalanlar arasında şiə din xadimləri də var. Höccətülislam Əzimiqədim kimi. Xanım Zamani deyir ki, milli hüquqlarının bərpasını tələb edən ruhanilər basqılara məruz qalır: “Höccətülislam Əzimiqədim ruhani məhkəməsinin ədalətsiz qərarı əsasında milli fəaliyyətinə görə aylarla həbsdə olub.”

Faxtə Zamani bildirir ki, İran rejimi 2007-ci ili də azərbaycanlıların kütləvi həbs dalğası ilə başlayıb:

“21 fevral Beynəlxalq Ana dili günü nümayişlərindən əvvəl və sonra həbs olunan yazlərlə fəalın bir qismi zəmanətlə azadlığa buraxılıb. Lakin məhkəmə qərarından sonra onları yenidən zindana qaytara bilərlər”

Qeyd edək ki, İran hökuməti azərbaycanlıların və digər qeyri-fars millətlərin Birləşmiş Ştatlar və İsrail tərəfindən qızışdırılaraq rejim əleyhinə mübarizəyə sövq edildiyini iddia edir. İran prezidenti və ali ruhani lideri ölkədə azərbaycanlıların milli hüquqlarının pozulmadığını dəfələrlə bəyan ediblər. Bu iddiaların və bəyanatların əsassız olduğunu deyən xanım Zamaninin sözlərinə görə, İran hökuməti ölkədəki millətlərlə sülh içində yaşamaq istəyirsə, ilk növbədə onlara qarşı ayrı-seçkilik siyasətinə və siyasi həbslərə son qoymalıdır.

http://voanews.com/azerbaijani/2007-03-10-voa4.cfm

Xoylu fəal həbs olunub


10/03/2007

"İran Azərbaycanına pəncərə" proqramının həftəlik xəbərlər icmalı - yükləmək üçün audio clip
"İran Azərbaycanına pəncərə" proqramının həftəlik xəbərlər icmalı audio clip

Martın 7-də Xoyun Evrin dərnəyinin sədri Şirzad Hacılu Ettelaat məmurlatrı tərəfindən saxlanılıb. İran xüsusi xidmət orqanlarının 30-a yaxın əməkdaşı fevralın 20-də cənab Hacılunu həbs etmək məqsədi ilə evinə basqın etmiş, axtarış aparmış, lakin onu tapa bilməmişdilər.

Həmin dərnəyin keçmiş sədri İbrahim Cəfərzadə də fevralın 21-də həbs edilib. İranda azərbaycanlıların hüquqları uğrunda hərəkatın tanınmış fəallarından biri olan İbrahim Cəfərzadə Abbas Lisani ilə birgə 2005-cildə Babək qalasına yürüşdə iştirakına görə daha bir məhkəmə işi üzrə müttəhimdir. O əvvəllər də Azərbaycan fəallarının Savalan dağına yürüşləri ilə bağlı həbs olunmuşdu.

http://voanews.com/azerbaijani/2007-03-10-voa2.cfm

Zəncanlı tələbələrin cəmiyyəti bağlanıb


10/03/2007


Fəaliyyəti İranda Azərbaycanlıların mədəni hüquqları ilə bağlı olan Zəncan Universiteti İslami Cəmiyyəti Universitet rəsmiləri tərəfindən bağlanıb.

Cəmiyyətin sədri Davud Xuda Kərəmi bu xəbəri ILNA agentliyinə verib. Məlumata əsasən, Universitet rəhbərliyi qərarı cəmiyyət üzvlərinin İran qanunlarına riayət etməməsi və 21 fevral ana dili günü nümayişlərində iştirakı ilə izah ediblər.

Zəncan universiteti islami cəmiyyətinin bəzi üzvləri müxtəlif vaxtlarda İran xüsusi xidmət orqanları tərəfindən həbs edilib. Cəmiyyətin qurucularından biri - Reza Abbasi hələ də Zəncan həbsxanasında saxlanılır. Cənab Abbasi Beynəlxalq Amnistiya tərəfindən vicdan məhbusu elan edilib.  

http://voanews.com/azerbaijani/2007-03-10-voa3.cfm