Guney Azərbaycandan son xəbərlərı  Azərbaycan bölməsinə hazırlayan Eluca Atalı

 

Güney Azərbaycandan Türkiyəyə qaçan qaçqınların 9 cəsədi tapıldı

Fars dilində yayılan "Fərda" radiosu xəbər vermişdi ki, İranla Türkiyə sərhəddində 9 İranlı qaçqının cəsədi tapılıb.Tapılan  cəsədlərin kimliyini müəyyən etmək mümkün olmamışdı.Çünki onlar yolu azıb, qış olduğu üçün soyuq, don onları vurub və bəzi cəsədləri qurd - quş eşib - dağıdıb.Bu səbəbdən də qaçqınlar çox tanınmaz hala düşüblər.Onların meyidini Başqala və Diyarbəkir xəstəxanalarına aparıb  və Türkiyə polisi araşdırmalara başlayıb.İlkin tədqiqatlar yalnız bunu bildirir ki, bu qaçqınlar Urmiyədən Türkiyəyə dağ yolu ilə qaçanlardır.

   Son zamanlar İran fars rejimi millətçi aktivlərə təzyiqləri artırıb.Beləki bəzilərinin işini əlindən alır, mallarını müsadirə edir, uzun müddət işsiz qalıb hədə, işgəncə,ciddi iş problemi, zindan və sair bu kimi ağır üzüntülərdən qurtarmaq üçün qonşu ölkələrə,ən çox da qardaş Türkiyə Respublikasına üz tuturlar.Amma qeyd etmək lazımdır ki, Türkiyəyə getmək, özü də qışda bir o qədər ucuz başa gəlmir.Gedənlərin çoxsu bu yolu geder. gəlməz hesab etdikləri üçün getməmişdən əvvəl ailəsinə öz vəsiyyətini edir və yaxın qohum, dost - tanışla gğrüşüb vidalaşırlar.

 

 

Yoxsulluq Gərmi şəhərində mühacirəti artırıb

 Cumhuri İslam Xəbər Agentliyinin verdiyi məlumata görə Gərmi şəhərinin meri deyib ki, şəhərdə fabrikin, iqtisadi təchizatın və lazım olan qədər sərmayənin qoyulmaması yoxsulluğun çoxalmasına gətirib çıxarıb.Bu da səbəb olub ki, son zamanlar şəhərdə mühacirlərin sayı artıb.

  Məlumat üçün qeyd edək ki, Gərmi şəhəri Ərdəbil vilayətinin şərqində yerləşir və  Şimali Azərbaycan  Respublikası ilə  həmsərhəddir.

 

 

Məşhur sənətkar Əli Səliminin xatirə gecəsi Ərdəbildə keçiriləcək

İRNA Xəbər Agentliyinin verdiyi məlumata görə Azərbaycanın tanınmış incəsənət xadimi Əli Səliminin ordubehişt ayının 20 - də (aprel ) Ərdəbilədə xatirə gecəsi keçiriləcək.Həmin gecədə həyatı haqqında məlumat veriləcək və əsərləri səsləniləcək.Qeyd etmək lazımdır ki, böyük sənətkarın çox əsərləri bizə miras qalıb, o cümlədən hamımızın sevə - sevə dinlədiyimiz və əzbərdən bildiyimiz məşhur " Ayrılıq" mahnısı onun bəstəsidir.

 

Güney Azərbaycanın qərb vilayətində atılmış və kimsəsiz uşaqların sayı artmaqdadır

"İran" qəzetinin verdiyi məlumata görə hər il Güney Azərbaycanın qərb vilayətində atılmış və kimsəsiz uşaqların sayı  20 faiz artır.  Onların yaşı 2 - 16 yaş arasıdır. Atılmış və kimsəsiz uşaqlarla bağlı işləyən idarə belə qərara gəlib ki, onlar çoxaldığı üçün artıq dövlət  öhdəsindən gələ bilmir, sahib çıxmaq çox çətindir, amma sahib durmaq lazımdır.Tehran rejimi rəsmi xəbər agentləri xəbər verir ki, atılmış uşaqlar və ya hər  evdən qaçan uşaq  24 saat ərzində kriminal adamların əlinə düşüb təcavüz olunur.

  Amma fikir etmək olur ki, İran fars rejimini belə xəbərlər bir o qədər də maraqlandırmır.

      

Əhərdə və Hərisdə işsizlik problemi çox təhlükəli vəziyyətə çatıb

Cumhuri İslam Xəbər Agentliyinin verdiyi məlumata görə Əhər və Hərisin millət vəkili parlament məclisində deyib ki, adı çəkilən hər iki şəhərdə işsizlik böyük problem olub.

   Qeyd edək ki, bu bizim üçün bir o qədər də təzə xəbər deyil. Çünki vaxtaşırı Güney Azərbaycan problemləri bu və ya digər şəkildə dilə gəlir, eşidilir.Amma nə fayda ? Bununla bağlı heç bir addım atılmır.

 

 

Abbas Lisanlının yeni sitəsi işə başladı

Abbas Lisanlının yeni sitəsi işə başlayıb.Ötən məlumatlarımızda ettelaatın onun sitəsinə təzyiq etdiyini və bağladığını xəbər  vermişdik. Köhnə sitə bağlandıqdan sonra yeni sitə açılmışdır.

 Abbas Lisanlı sitəsinin yeni ünvanı aşağıdakı kimidir.

   www.lesani.wordpress.com

 Güney Azərbaycanda içməli su qaynaqları zəhərlənir

Mehr Xəbər Agentliyinin verdiyi məlumata görə Güney Azərbaycanın şərq, qərb və Ərdəbil vilayətində yaşayış ərazisindən axan kanalizasiya suyu və həmçinin əkinçilik sahələrinin çıxar suyu içməli su sistemlərinə axıdılır.Bu da əhalinin zəhərlənməsinə və xəstəliyin artmasına səbəb olur.

 Qeyd etmək lazımdır ki, Ərdəbilin suyu çoxdan çirklənib, çirkli su hesab olunur və çoxlu xəstəliyə səbəb olub. İran rəsmi xəbər agentliklərinin verdiyi məlumata görə İranda ən çirkli su Ərdəbilin içməli suyu sayılır və xüsusən böyrək xəstəliyinə səbəb olur.

 

 

BMT-dəki nümayəndəmiz 50 milyonu təmsil etmirmi?


Bir neçə ay öncə BMT Baş Assambleyasında baş verən qan qaraldıcı hadisə yenidən təkrarlanıb: Qurumun İnsan Haqlarının İranda insan hüquqlarının pozulması ilə bağlı araşdırmaların dayandırılmasına dair qəbul etdiyi qərara Azərbaycan Respublikasının nümayəndəsi də səs verib. Xatırladaq ki, bir müddət öncə, analoжi hadisənin baş verməsi Güney Azərbaycanda böyük üzüntü ilə qarşılanmışdı. Nədən ki, BMT-də gündəmə gətirilən "İranda insan haqlarının pozulması" deyiləndə, ötən ilin mayında Güney Azərbaycanda baş vermiş hadisələr və ondan sonra soydaşlarımıza qarşı başlanan total repressiyalar nəzərdə tutulurdu. Onu da qeyd edək ki, hazırda müxtəlif Avropa strukturlarında Güney Azərbaycan milli hərəkatının fəalları, xüsusilə hazırda həbsdə olan Abbas Lisani ilə bağlı araşdırmalar aparılır, beynəlxalq insan haqları təşkilatları, ABŞ Dövlət Departamenti İranda azərbaycanlıların haqlarının tapdanmasına dair bəyanatlar yayır. Elə bu günlərdə Avropa Komissiyasının sədri isveçli deputatların Abbas Lisani ilə bağlı sorğusuna rəsmi cavab verib. Bu reaksiyalar Tehran reжimini soydaşlarımıza qarşı münasibətdə nisbətən cilovlayır, törətdiyi basqıları beynəlxalq ictimaiyyətin diqqətindən yayındırmağa vadar edir. Lakin, BMT-də qəbul edilən və buna bənzər qərarlar, araşdırmaların dayandırılması, soydaşlarımıza qarşı repressiya həyata keçirənlərin əl-qolunu açır. Belə bir qərara Azərbaycan nümayəndəsinin də səs verməsi isə İranda yaşayan 35 milyonluq Azərbaycan türkünə ən azı sayğısızlıqdır.
Ymumiyyətlə, elə təsəvvür yaranır ki, Azərbaycanda Güney mövzusuna qeyri-rəsmi qadağa qoyulub. Bu yaxınlarda Bakıda keçirilən Azərbaycan-Türk diaspor təşkilatlarının 1-ci forumunda Güney Azərbaycan məsələsinə, İranda yaşayan 35 milyonluq türkün qarşılaşdığı problemlərə toxunulmadı. Buna
cəhd edənlərinsə çıxışları kəsildi.
İndi isə BMT-dəki nümayəndəmiz İranda azərbaycanlıların haqlarının tapdanması ilə bağlı aparılan araşdırmaların dayandırılmasına səs verir. Məntiqsiz və izahı olunmayan hərəkətdir. Heç bir "diplomatik dil" buna yozum verməyə qadir deyil. Digər tərəfdən, bu addım dövlət başçısının elan etdiyi və bu gün bütün dünyada yaşayan azərbaycanlıların dilində əzbər olmuş məhşur şüarla ziddiyyət təşkil edir. İlham Əliyev "Mən 50 milyonluq xalqın prezidentiyəm" deyəndə, söylədiyi rəqəmdəki 35 milyonun məhz İran vətəndaşı olduğunu nəzərə almamış deyildi. Fəqət, prezidentliklə müqayisədə çox-çox aşağı vəzifə olan, ölkənin BMT-dəki nümayəndəsi özünü daha diplomat və daha ağıllı hesab edir.
Yoxsa, BMT-dəki nümayəndə onu bu vəzifəyə təyin edən şəxsin söylədiyi şüarın əksinə hərəkət etməzdi. Ən azı, "bir tərəfdə Tehran, bir Təbriz" deyib, bitərəf qala bilərdi.
Azərbaycan prezidenti 50 milyonluq xalqı təmsil edir. Maraqlıdır, BMT-dəki nümayəndəmiz bu sayı özü üçün nə qədər müəyyənləşdirib?
Aqil CAMAL

Ekspres
03-19-2007

31 mart azərbaycanlıların soyqırımı günü ilə bağlı Azərbaycan Fedrasiyonu-İsveç(AFİ)nin bəyanatı

Artıq neçə ildir  31 mart azərbaycanlıların soyqırımı günü kimi qeyd olunur. Bu soyqırım  Azərbaycan Türk milləti və dövlətçiliyinin tarixində baş vermiş faciəli olaylara milli yaddaşın sərgisidir. Azərbaycanlıların kütləvi şəkildə qırğını, acılıqlara məruz qalması, doğma yurdlarından sürgün edilməsi və didərgin salınması 20.ci əsrin tarixində ən faciəli və dəhşətli səhifələrindəndir. Azərbaycanlılara bu faciəli tarixində "Böyük Ermənistan" xülyası ilə sərsəm olan, bu məqsədə çatmaq üçün hər cür vasitələrə əl atan erməni şovinistlərinin izləri aydın görünür. 1918-ci ilin martın 20 sin tarix mütləq öz yaddaşlarından silməyəcək. İlin axır çərşənbəsin qeyd etmək niyyətində gecəni subhə yetirən Urmunun dinc əhalisi tarixin ən dähşətli və kütləvi qırğınına məruz qaldılar. Bəşəriyyətin ilkin mənbələrindən biri, zəngin və qədim tarixə malik olan Urmu şəhrində Ermənilər  bir gün içində 10 000 dən artıq günahsız Azərbaycan Türkünün çox vəhşicəsinə qətlə yetirdilər. Bu qırğın 6 davam sürərək 150 000 Azərbaycanlının qətliamına səbəb oldu.  Eyni zamanda Azərbaycanın quzeyində Erməni şovinistləri 10 minlərcə Azərbaycanlını qətliam edib, tarixin acı səhifələrində özlərindən dərin və əbədi iz qoydular. Azərbaycanın güneyi və quzeyində böyük bir cinayətlərin eyləmçisi olan erməni şovinistləri bu cinayətləri bu günə dək davam etməkdədir. Vətənimizin ayrılmaz hissəsi Qarabağda tarixi utanmağa məcbur edən erməni faşistləri  minlərcə Azərbaycan Türkünü öldürüb, bir milyondan çox vətəndaşımızı öz doğma ata-baba topraqlarından sürgün edib, milli coğrafiyamıza yiyə durmaq niyyətindədirlər. 50 milyonluq Azərbaycan xalqı bu gün bu nəticəyə gəlib ki, özündən başqa heçkim onun dərdinə sırdaş ola bilməz. Dünya ictimaiyyəti və bəşəriyyətin göz önündə tarixin ən dəhşətli faciələrinə qol çəkən erməni faşistləri, işlərinə son qoymaq niyyətində deyirlər. BMT nin verdiyi qərarlara saymazyana münasibətini göstərən erməni hakimiyyəti, Azərbaycanın doğma topraqlarının işqalına davam etməsilə, bölgədə sülh və barışın inkişafına kölgə salır. Biz, İsveçdən dünya ictimaiyyətinə səslənirik : Yetər bu qədər haqsızlıq! Yetər bu qədər cinayət! Bu gün 50 milyonluq Azərbaycan xalqının səbri tükənib.

Azərbaycan Fedrasiyonu-İsveç(AFİ) 31 mart Azərbaycanlıların soyqırımı gününü İsveç və Avrupada dövlətlər səviyyəsində yaddaşlarda qeyd edilməsi və muzakirələrə çıxarılması uğrunda böyük bir hərəkətə keçməyimizə söz verir. 

Azərbaycan Fedrasiyonu-İsveç (AFİ) dünya üzərində yerləşən bütün diaspor təşkilatlarının bu məsələ ilə əlaqədar fəaliyyət göstərməklərini ən vacib işlərdən sayıb, onlarla birgə hərəkətə keçməyi arzu edir.

AFİ olaraq ümid edirik Ermənistan hakimiyyəti dünya qarşısında elədiyi cinayətləri etiraf etsin. Arzu edirik Azərbaycanın işqal olunmuş topraqları ən yaxın zamanda azad olub,  Azərbaycan soyqırımını törədənlər uluslararası məhkəmə qarşısında cavab versinlər.

 

Azərbaycan Fedrasiyonu-İsveç(AFİ)