Guney Azərbaycandan son xəbərlərı  Azərbaycan bölməsinə hazırlayan Eluca Atalı

 

 

Ettelaatın Abbas Lisanlıya qarşı sui - qəsd planı ifşa olundu

Mötəbər mənbələrdən aldığımız məlumata görə Abbas Lisanlı haqda zindanda olan hadisə eşiyə onun özü danışdığı şəkildə də yayılmışdı.Beləki, fars rejiminin ona qarşı hazırladığı sui - qəsd planının ustü açılmışdır. Xəbərdə deyilir ki, uzun müddətdi zindanda yatmağa məhkum olunmuş siyasi deyil, adi cinayətkar  Abbas Lisanlıya özü etiraf edib ki, ettelaat məmurlarinin təzyiq edib  və eyni zamanda xüsusi mükafatlandırma boyun alaraq milli aktivimiz olan Lisanlı bəyin aradan götürülməsini ona həvalə etmişdirlər.Beləki Lisanlıya qarşı sui- qəsd Heyran dağının dalanında maşın təsadüfi adı altında yernə yetirilməli və bunula da onun qətli baş verməli idi.Bu planın reallaşması üçün  cinayətkarı əfv edib zindandan azadlığa buraxmalı və o bundan sonra Abbas Lisanlı ilə dostluq etməyə başlamalı, bu münasibətlər o səviyyəyə çatmalı imiş ki, o dostuna Astaraya birgə səfər etməyi təklif etməlidir.Elə planda burda reallaşmalı idi. Maşının sürücüsü bu şəxs olmalı və o yerdə ki, sui - qəsd  planının  əsas nöqtəsi olmalıdır,yəni Heyran dağının döngəsi orda maşının qapısını açıb o özünü yerə atmalı və Abbas Lisanlını maşın qarışıq uçurumdan aşağı atmalıydı.

  Bəs bütün bu hadisələrin həyata keçməsinə mane olan hansi səbəbdir ? Bir kəlmə ilə qisa şəkildə xarekterizə etməliyik ki, bütün bunların özünü doğrultmasına imkan verməyən ABBAS LİSANLI şəxsiyyəti olub.Planı etiraf edən beyni doldurulmuş cinayətkar Lisanlı bəyə yaxınlaşdıqdan sonra özü onun təsirinə düşmüş və bu təsir o qədər böyük olmuşdur ki, axırda özü etiraf etməli olmuşdur. Eyni zamanda demişdir ki,  bunu şərəfinə sığışdırmır və ömürlük zindanda yatmağı Abbas Lisanlını öldürməkdən üstün tutur.

 

Abbas Lisanlıya aid olan sitənin faliyyətin İranın fars rejimi dayandırıb

 

Aldığımız məlumata görə Abbas Lisanlı sitəsinin abunə olduğu firmaya İran fars rejimi bu sitənin bağlanması üçün təzyiq edib.Bu sitə ona görə əhəmiyyətlidir ki, Azərbaycan İnsan Hüququ təşkilatları bu sitə vasitəsi ilə çox rahat Abbas Lisanlı haqqında məlumat alırlar.

 Bu birinci dəfə deyil ki, İranda Güney Azərbaycanın milli hərəkatına aid sitəni bağlayırlar. ASMƏK - Güney Azərbaycan Siyasi Müdafiə Komitəsi hansı sitə firmasından abunə olmaqlarından asılı olmayaraq həmişə təzyiq və məcbur edirlər ki, sitə bağlansın.

  Qeyd edək ki, sitəyə yer verən firmalar İranda yer alıblar və İranın fars rejimi onların üzərində çox tez təsir qoya bilir və beləliklə də onlara nəzarət etmək asan olur.

   

Təbrizdə olan Əlişah tarixi abidə qəsdən dağıdılır

Təbrizdə yerləşən Əlişah binasının 700 il yaşı var və bu şəhərin çox tarixi əhəmiyyətli abidəsidir. İranın  dövlət orqanlarına bağlı olan Müsəllah adlı təşkilat ekspertlərin fikrini soruşmadan Əlişah binasının qabağında müsəlmanların xüsusi günlərdə namaz qılması üçün yer düzəltmişdirlər.Qeyd edək ki, xüsusi gün deyəndə, misal üçün başa düşmək lazımdır, əgər yağış yağmırsa müsəlmanlar bir yerə yığışıb namaz qılır, ibadət edib, allaha yalvarırlar ki, onlara rəhm etsin və onların günahından keçsin.İli quraqlıq keçirib onları bu cür cəzalandırıb imtahan etməsin.Və yeri gəlmişkən qeyd edək ki, elə bu namazın adı da burda ibadət üçün yer tikən təşkilatın adı ilə eynidir - müsəllah.

 Əlişah kimi tarixi binanın qarşısında belə bir yerin salınması səbəb olub ki,bu  abidənin bəzi yerləri xarab olsun və güman edilir ki, bu gələcəkdə daha da artsın, sıradan  çıxsın.

   Keçən xəbərlərimizdə də yazmışdıq ki, Güney Azətbaycanın ərazisində olan tarixi abidələrin qorunması üçün büdcə ayrılmır. Digər tərəfdən onların yaxınlığında yeni tikililərin tikilməsi isə iki qat zərbədir.

   

İranın fars prezidenti  işğalçı Ermənistana yardım etməsi ilə fəxr edir

Cumhuri İran İslam Xəbər Agentliyinin verdiyi məlumata görə, 2007 - ci il 19 martda Ermənistana İrandan qazın ixracı onların sevincinə səbəb olub və onu böyük addım hesab ediblər. Elə bu zamanı İran prezidenti Əhmədi Nejat bildirmişdir ki, rabitələr  genişlənmiş və 15 ildir Ermənistan müstəqil olandan sonra iki dövlət arasında hər sahədə münasibətlər müsbətdir  və fikirləri var ki, bundan sonra qurulan əlaqələr dada da dərinləşsin.

    Həmçinin  qaz kəmərinin açılması zamanı Ə.Nejat qeyd etmişdir ki, körpülərin düzəldilməsi, iqtisadi əlaqə yollarının, elektrik,qaz kəmərinin çəkilməsi səbəb olub ki, iki ölkə arasında dostluq həddən artıq artıb.

  İran prezidenti üzünü erməni rəhbərinə tutub deyib ki, "Biz sevinirik, çünki siz sevinirsiniz. Sizin sevinciniz ermənilərin sevincidir." O, axırda artırıb ki, İran - Ermənistan arasında əlaqələrin genişlənməsi regionda sülhə xidmət edəcək.

  Qeyd edək ki, İranın Ermənistana hər sahədə olan yardımının "sülhə" xidmət olduğunu başa düşmək çətindir.Əksinə, İranın yardımı imkan verir ki, ermənilər regionda öz işğalçılıq siyasətlərini davam etdirsinlər.

 

Cəlil Ğənilu şərti azadlığa buraxıldı

Cəlil Ğənilu 25 milyon tümən ödəməklə müvəqqəti azadlığa buraxılmışdır.

 Son zamanlar Azərbaycanlı aktivlərin Ğəniluya dair insan haqları komitələri öz informasiya vasitələri ilə İran hakimiyyətlərinə təzyiq etmişdirlər.Amma bu o demək deyildir ki, fars rejimi ona vurduğu ittihamı geri alıb, əksinə hər zaman istəsə onu yenidən tuta bilər.

 

Rza Abbas hələ də Zəncan zindanındadır

Rza Abbas və başqa milli aktivlər hələ də Zəncanın zindanındadır.Ona bir il iş kəsilib və vurulan ittiham da ondan ibarətdir ki, işlədiyi müəssisədə rəhbəri təhqir edib , üstəgəl İranın fars rejiminə qarşı təbliğat aparıb.

   

Ətabək və Mehdat Teymuiri zəmanətlə azadlığa buraxılmışdırlar

Ətabək Teymuiri və Mehdat Teymuiri, iki Urmiyəli qardaş 5 milyon tümən hər ikisi ödəməklə müvəqqəti azadlığa buraxılmışdırlar. Xüsusən Ətabək Teymuiri hər tərəfli təzyiqə məruz qalmış, ettelaat məmurları onun evinə həmlə edərək, eşib alt..üst etmişdirlər.Evin zirzəmisinin bir hissəsini dağıdıb xarab etmiş,yəni istifadəsiz hala salmışdırlar və sonra bütün bu əməllərini filmə çəkmişdirlər. Evdən bir şey tapmamışdırlar, amma tapmasalarda iki qardaşı tutmuşdurlar.

 

İranda dilənçilərin əv çox sevdikləri yer Təbrizdir

Cumhuri İslam Agentliyinin verdiyi məlumata görə Təbrizdə dilənçilərin sayı gündən - günə artır. Təbrizi başqa şəhərlərdən kəskin şəkildə fərqlənən özəl xüsusiyyət ondan ibarətdir ki, burda adamlar bir - birinə əl tuturlar.Bu da imkan verir ki, burda dilənçilərin sayı az olsun.Amma burda adamların bir - birinə maliyyə dəstəyi etməsi imkan verib ki, dilənçilər başqa şəhərlərdən bura gəlsinlər.Qeyd edək ki, şəhər əhalisi İRNA Xəbər Agentliyinə xəbər verib ki, bununla bağlı bir çıxış yolu tapsınlar. Yoxsullara dəstək verən sandığın rəhbəri deyib ki,  aradan keçən iki gün ərzində intizami qüvvələrin dəstəyi ilə 26 dilənçini tutub gəldikləri yerə göndərmişik.

  Məsələ dilənçini gəldiyi yerə göndərməklə həll olunurmu ? Ərdəbildə ki onların sayı  təkcə son ayda 47 faiz artıb.Nə qədər ki işsizlik və iqtisadi problemlər həll olunmayıb, dilənçilərin kökünün kəsilməsi cəfəngiyyatdır.

   

Azərbaycanın şərq vilayətində azyaşlılar ümumi zindanda saxlanılır

İLNA Xəbər Agentliyinin verdiyi məlumata görə Hüccətulislam Şərifi Azərbaycanın şərq vilayətinin ədliyyə şöbəsinin rəhbəri bildirmişdir ki, azyaşlı cavanlar oğurluq, başqasına xəsarət yetirmə,narkotik qəbulu və s. işlər görərək zindana düşürlər.O bildirmişdir ki, hal - hazırda zindanda 72 azyaşlı və gənc məhbus var. Orta hesabla onların yaşı 17 - dir. Çox təssüf ki, bu cavanların saxlanması üçün özünəməxsus bina yoxdur.Onlar zindanda yuxarı yaşlılarla bir yerdə saxlanılır.

 İctimai qanunu pozma, müəyyən iqtisadi, siyasi səbəblər var və əgər bu problemlər həll olunmazsa, cinayət edən gənclərin sayı hələ də arta bilər. Və həmçinin zindanda olan cavanların bu şəraitdə saxlanması onların islah olunması şansınlı azaldır.