Guney Azərbaycandan son xəbərlərı  Azərbaycan bölməsinə hazırlayan Eluca Atalı

 

 

 

Qəştasb Vasiqi və Mahmud Aslaninin Ərdəbil zindanında qanunsuz saxlanılması hələ də davam edir

 

Qəştasb Vasiqi və Mahmud Aslan -- iki millətçi aktiv  Ərdəbil şəhərində bir neçə ay bundan qabaq Abbas Lisanlının qeyri -insani şəraitdə saxlanması və təzyiqlərə məruz qalması ilə əlaqədar Ərdəbil zindanının qarşısında etiraz aksiyası keçirərkən tutulmuşdurlar.Qeyd edək ki, onlarla bərabər həmin aksiya zamanı digər tutulanlar zəmanətlə müvəqqəti azadlığa buraxılıb.Bir neçə ay keçməsinə baxmayaraq, nə ailəsi, nə də vəkilləri ilə əlaqə saxlamağa icazə verilmir.Təkcə onu öyrənmək mümkün olmuşdur ki, Ərdəbil zindanının 7-ci bəndində saxlanılırlar ,amma  hansı şəraitdə saxlanmaları məlum deyil.

   

Nəsrin Rəzəvinin ailəsi psixoloji işgəncəyə məruz qalıb

Xəbər verdiyimiz kimi Təbrizdə 8 mart qadınlar günü ilə bağlı keçiriləcək aksiyanın bildirişini yayarkən oğurlanmış Nəsrin Rəzəvinin saxlandığı yer hələ də məlum olmasa da, amma bir neçə gün bundan əvvəl onun ailəsi ilə qısa telefon danışığı olmuşdur.Ailəsinin heç bir sual və sorğusuna cavab verməyə imkanı olmamış, telefon tez də qapanmışdır.Bu da ailəsinin daha da nigarançılığına səbəb olmuşdur.

 İnanırıq ki,Azərbaycanın İnsan Haqları Müdafiə təşkilatları, Qadın hüquqları komitələri gənc qadının taleyinə biganə qalmayıb onun səsinə səs verərək, haqqını müdafiə edəcəklər.

 

Əlirza Qomi azadlığa şərtlə buraxıldı vı danışmaq haqqı əlindən alınaraq

Milli aktiv Əlirza Qomi Dünya Ana Dili Günü Urmiyədə keçirilən tədbirdə həmin tedbiri öz mobil telefonu ilə çəkən zaman ettelaat məmurları tərəfindən tutulmuşdur.50 milyon tümənlik zəmanətlə müvəqqəti azadlığa buraxılmışdır. Buraxılarkən dilindən izahat alınmışdır ki, bir də aksiyada film çəkərsə və əgər Urmiyədəki aksiya ilə bağlı film yayılarsa, onu tutacaqlar.Və onu hədələyiblər ki, tutulması ilə bağlı heç bir yerə müsahibə verməsin.

   

İrandan Ermənistana çəkilən qaz kəməri martın 19-da rəsmi açılacaq

Ermənistanın xəbər agentlikləri məlumat vermışdirlər ki, martın 19 - da İrandan Ermənistana çəkilən qaz kəmərinin rəsmi açılışı olacaq. Ermənistanın Enerji Nazirliyinin məsul işçisi Sahak Abrahamiyan xəbər vermişdir ki, burada adı çəkilən hər iki dövlətin prezidenti açılışda iştirak edəcək.

   

İranın fars rejiminin Cəlil Ğənilu ilə siçan - pişik oyunu

Zəncanda Ana Dili Günü münasibəti ilə keçirilən aksiyada tutulanlar hamısı zəmanətlə müvəqqəti azadlığa buraxılmışdırlar. Onların içərisində təkcə milli hərəkatın aktivi Cəlil Ğəniludan xəbər yoxdur və indiyədək ailəsi nə telefonla, nə də üzbəsurət onunla əlaqə saxlaya bilməmişdirlər. Belə bir güman var ki, o hətta Zəncanın zindanında da yoxdur. Onun ailəsi çalışır ki, məhkəmə orqanları və ettelaatın nümayəndələri ilə danışıb doğru - dürüst bir cavab alsınlar.Amma bütün bunlara baxmayaraq, heç bir cavab ala bilmirlər və onun real vəziyyətindən, sağlamlığından çox narahatdırlar.

 

Zəncanda misgərlik sənəti aradan çıxır

İSNA Xəbər Agentliyinin verdiyi məlumata görə Zəncanda misgərlik sənəti aradan çıxmaq üzrədir.Misgərlik 10 il bundan əvvəl əhəmiyyətli və gərəkli bir sənət növü kimi istifadə olunurdu və hətta dünya miqyasında ona böyük qiymət verilirdi. Zəncan Mİsgərlər Birliyi Təşkilatının rəhbəri Müntəxəbi bildirmişdir ki, 10 il bundan qabaq burda 20 fabrik vardı və 400 misgər çalışırdı.Ancaq indi cəmi 8 misgər qalıb.Onlar bu sənətin gələcəyindən çox narahatdırlar və çalışırlar ki, nəsillərin yadigarı olan misgərlik kimi qədim bir sənət itib aradan çıxmaya. Bunun əsil səbəbi dövlət orqanları tərəfindən misgərliklə bağlı olan xammalı verməməsidir. Sonda o qeyd etmişdir ki,bu haqda dəfələrlə məktub yazmışıq və istəmişik ki,dövlət adamları bunu ciddi tutsunlar, amma heç bir fayda verməyib.O, xatirladib ki, misgər ustalar gündəlik təlabatlarını ödəmək üçün meyvə və göyərti satırlar.

   

İran fars rejimi türk dilində təqvimin çapına icazə verdiyi üçün peşman olub

Aldığımız məlumata görə Ərdəbildə Mədəniyyət və İslami İrşad Nazirliyinin xüsusi icazəsi ilə türk dilində təqvim çap olunmuşdu.Amma baxmayaraq ki, çapına dövlət tərəfindən icazə verilmişdir, bir müddət keçəndən sonra Ərdəbilin evlər idarəsinin məmurları onları kitab mağazalarından və köşklərdən yığmağa başlayıblar. Və bəzi kitab mağazalarının sahiblərini aparıb dillərindən  izahat alıblar ki, türk dilində təqvim satmayacaqlar.